去滾

营业中

休息中

已經踏入咗秋天，呢幾日香港嘅天氣都開始轉涼，當然約埋幾個朋友一齊「去滾」啦，光聽到餐廳名叫「去滾」都已經覺得抵死，店內嘅燈牌、餐紙、部分食物名稱都好搞笑，充滿玩味。環境方面：餐廳有室內和室外兩個部分，室內用餐環境都算寬敞，仲有幾個有趣嘅燈牌，仲有幾間VIP房；室外同樣可以用餐，有個霓虹燈牌，仲有靚靚嘅夜景打卡，特別Chill 。餐廳播放住80-90年代嘅歌曲，都幾有懷舊氣氛，我都忍唔住唱幾句，仲聽到隔離檯都有跟住唱㗎😂😂我地點咗嘅食物：▪️原個椰子雞湯（半隻）$268▪️頂級靚肥牛 $288▪️安格斯肥牛 $238▪️下面滑 手打蝦滑 $98▪️鮮蝦雲吞（4隻）$58▪️魚皮餃（4隻）$48▪️牛B仔 手打牛丸（4粒）$68▪️蝦膠釀油炸鬼 $98▪️頂級蟹柳 $62▪️8秒卜卜脆響鈴 $85▪️鴨血 $75▪️長生不老雜菌拼盤（白選3款）$88- 金針菇（拼盤）- 雞髀菇 (拼盤）- 鮮茶樹菇（拼盤)▪️萵筍片 $55▪️白蘿蔔片 $45▪️出前一丁 $38▪️黄金豆腐 $68▪️鮑魚,海鮮湯泡飯 $298以下幾樣係我特別比較推介嘅❤️❤️原隻椰青水同和椰青肉，加埋半隻新鮮雞，湯底好清甜，飲一碗都唔夠，要飲多碗先得。

豬小姐豬先生又食最愛 打邊邊！今晚過海尼到「去滾」環境摩登懷舊 大玩復古風格特別喜愛霓虹光管裝飾加鬼馬字句 vintage得尼夠抵死我地order左二人套餐冬陰功海鮮湯底令人一索開胃 湯底裏有蕃茄 草菇 蝦 蜆同大量香料 當湯底滾起嘅時候 酸辣香氣撲鼻 胃口即時大開湯底偏辣 好彩有蕃茄嘅酸中和一下值得一讚嘅係蜆肉 非常之新鮮且帶有海水嘅鮮甜安格斯手切肥牛擺盤相當架勢 手切成薄片嘅肥牛鮮紅鮮艷 雪花紋路有致 肥瘦均勻有強勁嘅牛味而不羶 質素唔錯聖子皇咬落爽口彈牙 唔需要點豉油都夠哂鮮美新鮮 滾一滾就食得手剁牛肉餃餡料包得飽滿實淨 係實的的嘅手作牛肉餡 不過餃皮就比較厚身 薄一點會更好手打墨魚丸鋪滿蟹籽 咬落好有口感而且爽彈 加入墨魚軟骨後層次更豐富 更有嚼勁長生不老雜菌拼盤有唔同種類嘅菇菌 例如冬菇 金菇 秀珍菇菇菇加落酸甜香辣嘅冬陰功湯底 湯底甜度即時上升五穀雜糧糕即係煎堆仔 細細粒嘅波波球包圍著爆香嘅芝麻再拎去油炸 咬落煙煙韌韌卻沒有丁點兒嘅油膩感 紅豆餡又不太甜 大愛飲番兩杯野滋陰下都要嘅 羅漢果茶有潤喉清熱嘅作用 重重嘅羅漢果味豬先生話好南北杏雪梨水係秋天必選 滋潤養陰 為乾燥

去滾係一間以懷舊夜場做主題的火鍋店，店內用上大量霓虹燈做裝飾，加上大玩食字嘅店名，極富八十年代風情。連墊枱紙都設計成報紙的分類小廣告，菜單上更有女士性感甫士剪影，未食已經令人面紅耳赤。餸菜名亦非常抵死富玩味，例如癡膠花顛雞燉湯、鞭鞭有力湯、密密翻啅湯、後欄剋星、鬼妹搞唔餃、鬼佬中出、有排舐冰鎮飽魚、唔係椰菜花......等等。鞭鞭有力湯($268)鞭鞭有力湯其實即係川弓白芷當歸天麻魚頭湯，湯底呈奶白色，魚頭係另上，好大一個。等湯底滖起，先飲返碗試味，湯底魚鮮味幾突出，唔會好重藥材味，應該好多人都接受倒。黃金脆魚皮($88)魚皮炸得夠脆，上面有好多咸蛋黃醬，非常邪惡！日本廣島蠔($38/隻)廣島蠔幾肥美大隻，不過由於上枱時係結冰，所以建議淥耐少少先好食。A5野崎牛肩肉($398)哩個A5野崎牛肩肉真係不得之了，雪花紋好靚好平均，每一塊都成隻手掌咁大塊。牛肩肉淥到當半生熟就啱啱好，口感好滑帶少少彈口。哈波子($68)哈波子即係手打蝦丸，蝦丸好彈牙，蝦味十足。長生不老雜菌拼盤($88)雜菌拼盤可以在六款菌之中任選3款，我揀左秀珍菇、金針菇同靈芝菇。家鄉番薯糖水($38)番薯糖水入面有兩粒湯丸

有位外國朋友昨日抵港，想起有朋自遠方來，不亦樂乎，就四周打聽一些較有特色且外國人比較少機會吃到的食物來作晚饍，綜合各方意見後，想必打邊爐絕對是不二之選，所以就以此為題作聚餐，但求能在聚餐當中，讓外國朋友認識一些本土的文化。去滾這個詞語，包涵的意思甚多，其一比較貼切的意思當然是水經加熱至沸騰，就可稱之為水滾；而另一個解釋就是這家店的趣味的地方—外遇。正所謂「十個男人九個滾，剩返果個仲諗緊」，而這句說話相信已經深入民心，雖然有點兒誇張的意味，但無可否認當中的真確性。言歸正傳，店家就是將兩種意思結合，作為餐廳的主題內容，將場內的佈置以及餐牌上的意句加以設計，展現出意味深長的味道。這家店不單有內涵，而且外在亦很美，這個露天的平台坐擁美景，佈置精美，彷彿置身於迷你空中小花園。或許在每個去滾的人心內，都有著這樣的憧憬及盼望。餐牌上有很多有趣的名稱，例如金屋藏嬌海鮮泡飯其實是鮑魚及海鮮湯泡飯；菜灼鹽搞唔餃則是菜苗餃等，細心閱讀這份似報紙的點餐紙會被逗樂，真的不知道是哪個鬼才想出來的，點餐免費贈送歡笑，實屬不錯，可惜的是外國朋友問我在笑些什麼，我無法以最傳神的文字來告訴他，或者這就是文字的魅力。鞭鞭有