和牛88 (已搬遷) 新店位置

※本文以用餐當日的環境、服務和食物質素為準，口味亦因人而異，文章只作參考之用。-小妹都算係一個食肉獸，久唔久就會「肉」癮起，好想去餐廳鋸下扒，大口大口咁放入好。不過來來去去食西餐牛扒都有點悶，可以試下位於銅鑼灣的沖繩過江龍「和牛88」，有多款石垣和牛菜式，可以一次過點幾款和牛菜式，價錢不算貴，小妹覺得回訪率頗高。步進店內的裝修擺設，以及牆上各款日本啤酒廣告的海報，都充滿住居酒屋的感覺。菜式部份分為沙律、小食、和牛刺身/壽司、黑毛和牛扒、鍋物/煮物、飯/麵、湯和甜品等，選擇都頗多。關西風汁煮牛筋 $48呢碟汁煮牛筋同男人不約而同都覺得好爭食，牛筋憫得腍之餘仲富有咬感，當中仲有埋煙韌既蒟蒻，個汁好惹味，拌飯食一流！和牛海膽三文魚籽細卷 $78一碟六件既細燒上都放有和牛，面頭再加上三文魚籽或海膽，有兩款選擇，兩款都食到和牛既牛味，海膽味道不算很鮮甜，不過還可以，這價錢可以接受。薄燒和牛壽司 $58當日新鮮運到既和牛，整片和牛佈滿均勻白色的油花，一整片覆蓋住著小小的壽司飯。店員送上後，會問你要幾成熟，即席係你面前灸燒，影完相好快快食喇！入口滿咀油香四溢，有入口即溶感。如果牛味再重少少會更正，雖

係沖繩之旅最後一晚 就同媽媽幫襯左當地好出名嘅和牛88估唔到相隔3個月 終於可以係香港食得返啲坐位同服務都係一流 令人感覺好舒服叫返我係沖繩勁鐘意飲嘅柚子梳打 勁好飲香港店多左壽司同小食選擇我地㨂左薄燒和牛壽司醒醒胃先 勁靚嘅雪花店員會即場幫我地燒熟佢 入口即溶 牛味香濃再黎一客汁煮牛筋 好入味 連牛腩都好軟林終於到達主角出場 和牛88火焰牛扒又係即場on fire 好有氣勢咁牛扒火燒完大約6成熟 入口唔會太靱 牛味香濃 加上配菜中和返口感 正

沖繩那霸市嘅ステーキバル88香港分店。由曾任日本領事公邸料理長嘅日本藉主廚主理，放晒心嚟食吓佢地嘅和牛有幾好味！和牛赤身漬 $32佢地啲碟令到成件事好吸引，當堂件和牛漬望落好味咁！夾起，肉同飯粘得好實。入口，有醬油香味，嗒真啲仲有牛嘅鮮香。過關！和牛拖羅生雞蛋拌飯 $100拖羅加日本生雞手，再加大量蔥花紫菜，再加少少wasabi，無得輸！啖啖肉同蛋汁鮮味再加蔥香，點算？關西風汁煮牛筋 $48汁嘅濃厚，包住咗啲牛筋腩，非常入味，好過份。送飯一流！日本縣產豬煙肉忌廉薯餅 $48呢個有日本水準，果然係日本師父！外皮酥脆，裡而忌廉薯蓉再加煙肉碎，個心都俾埋佢……和牛88肉盛拼盤(赤身、西冷、雞腿肉、煙肉)$328赤身、西冷都唔洗講嘢，完美！但無想到雞腿肉同煙肉都係極產級，果然日本師父出品係對得住價錢！