上海老家 (已結業)

今日嚟到大角咀，成日覺得呢到冇咩好餐廳，淨係得啲舊鋪同車房。今日嚟到上海老家，咁啱想食番餐上海野，就膽粗粗去試下。佢地晚市開六點，我地去到先六點十分左右，就可以入去坐。由於我地太肚餓，所以嗌咗回鍋肉，紅燒茄子，陳醋木耳加兩碗白飯。未食都由至可，一食就停唔到！木耳超開胃，茄子勁惹味，回鍋肉緊加係撈兩碗飯都唔夠！所以食咗一半，我地已經忍唔住再嗌多碗擔擔麵。點知上菜時，碗擔擔麵已經勁香花生味，而且幾大碗，好彩我地有戰鬥力可以KO哂所有美食！正呀！

呢間餐廳主打上海菜 佢地嘅午市套餐真係夠哂抵食🍴如果經過想食個平靚正嘅午餐都幾推介😚.📌豆沙窩餅 $78呢個豆沙窩餅煎到金黃色 食落外脆內軟 好香口🥰豆沙蓉 甜度啱啱好 甜而不漏🫘.📌欖菜肉碎炒飯 $60炒飯一上到枱就香噴噴 飯嘅顏色好均勻 好吸引🥰炒飯加左欖菜、肉碎同埋蛋去炒 面頭仲有好多蔥粒🍚成個飯食落去好惹味😝雖然味道好好 但係個飯就有少少油同埋未炒到粒粒分明🤏🏻不過個飯勝在大大碟 兩個人食都夠😂.📌咕嚕肉飯 $55咕嚕肉酸酸甜甜 好開胃🐷外面炸到脆脆地 不過肉質就有少少鞋🤏🏻好彩佢有好多舊 價錢都算幾平😜平時咕嚕肉都係配三色椒🫑呢到就特別啲加埋蕃茄 不過整體味道同平時都差唔多🍅.📌陳醋木耳 $50木耳食落幾爽口 但個醋味係鹹鹹地🤣同平時出面食開嘅甜甜酸酸或者辣嘅木耳有啲唔同🫣.📌例湯例湯飲落好有家嘅味道🥣味道好清甜 冇味精味😋

今日午餐去左試試新餐廳，地點係位於大角咀既上海老家，好耐無食上海野啦。友人話呢間係一間平民價上海菜館。喺奥運港鐵站出黎行幾條街就到，都唔難揾。落單用QR code。實體餐牌有冷盤，特色菜，海鮮，肉類，年糕，鍋巴，蔬豆，炒粉麵飯，湯麵，湯羹，甜品。另外仲有特色套餐。今日第一次黎，叫左一個小食同3個小菜分享。陳醋木耳 $50陳醋木耳大大碟，木耳好爽脆，夠陳醋味，食落少少辣。黑醋小排骨 $55黑醋小排骨一共有15粒，上面灑上白芝麻粒。食落甜甜酸酸，質感較乾身，粒粒都有骨咁滯，啲骨都幾硬身。上海回鍋肉 $55上海回鍋肉係炒梛菜，豬腩肉片，豆麩，同蔥，個汁微辣，味道都唔錯，送飯好配，唔太油。乾煸四季豆 $55乾煸四季豆係炒四季豆上面加左肉碎，唔辣或者過鹹。絲苗白飯大大碗，偏乾身。