立体派拉麵 (威靈頓街)

营业中

休息中

又係weekend出嚟睇醫生既日子，琴日喺openrice搵吓有咩好嘢，見到呢間拉麵舖評分好高，走嚟試下。weekend lunch time可以直入，之前睇過其他人啲評價，基本上唔睇menu都知道叫乜：雙子鹽味拉麵+汁燒厚切叉燒汁煮厚切叉燒$38 （9/10）個厚切叉燒到先，見之前啲人寫到好正咁，又真係名不虛傳，強推！點講呢，日式東坡肉？脂肪層都幾厚，但真係好鬼好味個燒汁唔會太鹹，啱啱好～ $38/四大件，價錢都好合理雙子鹽味拉麵$188 （8/10）比起味噌同豉油，個人一直都比較鐘意日本既鹽味拉麵，打孖嚟既真係第一次 雙子意思一冷一熱，服務員話我知先食熱再食凍，都啱既，熱既凍咗就無意思。每款拉麵都有一塊薄叉燒，開頭以為得一兩啖，點知都有一般拉麵既7-8成，即係齋一碗雙子拉麵已經等於平時既1.5碗，食完真係好鬼飽。熱嗰碗我第一啖先飲湯，暖暖地，好鮮既鰹魚湯（係鰹魚？），好好味。叉燒唔錯（當然同厚切叉燒無得比），麵底都好ok，係啲黑胡椒有少少搶戲。再食凍嗰碗，都係先試湯底，嗯，講真如果齋熱嗰邊我會比9分，凍呢邊我覺得有少少魚腥味，叉燒又有啲柴，係上面啲配料（魚仔干+魚籽）加分，麵都ok

今日同朋友嚟到中環蘭桂坊附近食飯，我哋入咗依間裝修頗有格調嘅拉麵店食飯。我同朋友叫咗鯖魚湯香菇野菜海蝦拉面，一個雙子鹽味拉麵，一個自家製餃子 仲有一個香炸雞軟骨餃子。鯖魚湯香菇野菜海蝦拉面湯底好濃郁好鮮甜，麵質粗且彈牙，再配上香菇同野菜，口感非常豐富。海蝦方面，海蝦十分大隻，以酒醃製完，再雪凍，第一啖食落去充滿着酒香，然後海蝦嘅鮮甜再慢慢散發出來。海蝦十分新鮮，肉質爽，蝦膏鮮甜，非常之好吃。而雙子鹽味拉麵亦都十分特別。呢個面係由兩碗拉面組合而成。呢款雙子拉面特別既原因係因為兩碗拉面係一凍一熱，同我地食開既熱湯拉面既感覺完全唔同。凍嗰邊有唔同既海鮮做配料，提升左拉面既味道，配料包括魚干同埋三文魚子，而且仲有食拉面不可缺少的叉燒，令我覺得非常滿足。而熱嗰邊既拉面就比較清淡，但係鹽味既湯底同埋拉面既味道配合得好好，而且亦都有唔少蔬菜作配料，令到湯底唔會太咸，味道適中。整體黎講呢個拉面對我黎講十分新鮮，而且味道好好，十分適合中意食拉面既你！自家製餃孑同香炸雞軟骨餃子亦都做得很出色！兩款餃子皮薄涵靚，其中香炸雞軟骨餃子口感更是一流！

今日去大館嘅途中見到有幅牆覺得幾靚，於是停低望下。原來係一間餐廳嘅外牆，於是就行樓梯落去個入口度睇吓有咩食，原來係拉麵店！正！😋我哋見到隔離枱食緊特級白湯（大）拉麵，好大碗！！於是我哋都叫咗一碗😆拉麵好彈牙！湯底亦都好濃郁！糖心蛋都整得好標準同好好味，帶甜味添！叉燒肥瘦適中😋😋好滿意！另外我地叫咗一碗雙子鹽味拉麵，好特別，有熱有凍，今次係我第一次食凍嘅拉麵😂魚籽大大粒，拉麵一樣彈牙，凍果面既叉燒有d似Parma ham😋👍🏻食完凍再食熱，大滿足！😋另外我哋仲叫咗香炸雞軟骨餃子同韭菜餃子。香炸雞軟骨餃子既外皮炸得好脆，入面有雞軟骨同肉，幾特別，好味！😋 韭菜餃子餡料亦好足夠，又煎得好香！👍🏻