港澳義順牛奶公司

营业中

休息中

因為係cwb行到冇野行，咁岩見到呢間，又得呢間冇人，唯有入去坐。對上一次食義順，已經係係澳門，耐到😂黎到義順，就當然係叫佢地個招牌—凍雙皮奶。咁耐冇食，就會想睇下佢哋而家個味係點。個質地幾滑。不過味道上有d失望。印象中義順既雙皮奶係重奶味，但係今次完全係冇，真係好好好淡。雙皮個皮？（利申唔知佢叫咩）記得以前冇咁‘鞋’，今次就‘鞋’左少少。我朋友就食熱既，唔知係米因為熱，所以水份會比較多？總之佢碗野就好多水，同佢話好淡味。後來睇返OpenRice，見都幾多人食佢個朱古力燉奶，好後悔冇試。另外就係個態度。非常差，一入到去，menu都未睇，就有人行埋黎落單，同佢講等等，佢個樣就串到嘔，都未夠一分鐘，又行埋黎。咁趕為乜？ 之後我地食到咁上下，打算講多2句就走，都未走，就見到d侍應係後面啤住我哋。再過多左陣，就咁行埋黎，問仲要唔要，不過佢冇expect你答，因為佢講既同時已經收左你隻碗（重點個碗係有野）總之就是，睇你點睇。 但係都仲見到好多人食💙

講到食燉奶點可以唔去義順，今日心血來潮想食燉奶，當然即去最近既義順啦。環境就十年如一日，都係有義順既感覺。我係食左飯先黎，間舖都唔係爆哂既，所以坐得都舒服。咁兩個人就叫左兩個雙皮燉奶。記得細個個陣食好似＄２０都唔洗，依家已經去到＄３６，但佢咁好食收依個價我都係會照食。咁我地兩個人就一個凍一個熱，兩個個味道差唔多，但係熱既奶味係再香Ｄ，但因為個人實在太熱，所以食凍係可以有透心涼既感覺。義順既燉奶真係幾時都咁好食！奶咪好重，塊雙皮又夠好味。如果平少少我應該會多Ｄ幫襯。

約左朋友係銅鑼灣食完飯，想食下中式甜品所以就揀左義順牛奶公司🙆🏻‍♀️呢間一直最出名既就係雙皮奶，價錢都唔平架，都差唔多$40一碗雖然近排天氣好熱，但係都想試下原汁原味所以叫左熱食，表層有一層薄膜，底下既都算滑身，奶味尚算濃郁，整體都唔算太甜👍🏻

據我所目測，店內８成的食客都是遊客類，相信他們都是經朋友或網上介紹而來的。今次點了三款不同的雙皮奶，當中最貴的是蓮子雙皮奶(熱)，港幣42元。吃了純雙皮奶，分別純粹是多了放在面的幾顆蓮子，感覺上分別不大，除非您是蓮子迷吧。蓮子也煮我夠淋，但砂糖下得太多了，稍為偏甜，而雙皮奶本身的甜度也都不低

依家啲甜品推出唔花百門，女仔想食甜野，都要顧及養生，中式傳統甜品又有點悶好多年前去過澳門義順，第一次食雙皮奶，超好味。香港的店，以前覺得一碗雙皮奶賣得幾貴，但依家雪糕都要賣六七十蚊嘅時候，又覺得一碗雙皮奶製作功夫同價錢相對合理。雙皮奶氣質依舊，美味不變， 只是一碗太少⋯唔夠喉

有時一間食肆可唔可以出名或者賺大錢，有可能只係靠一樣招牌食品就可以成功。 相信港澳義順牛奶公司嘅招牌食品絕對一定是〈雙皮奶〉。出名到無論外國人定還是內地遊客都好喜歡吃。今日去到港島區唯一一間義順。一如預期以內真係好多人絕對需要等位，而且入到去坐得都唔會舒服，座位窄而且硬。而且附近仲充滿好多五湖四海嘅朋友不同方言的大大聲。老實講唔係為咗碗雙皮奶真係唔會忍。快快食就快快走。不過可以放心，因為一早已經整定曬，落單後不足一分鐘一定有得食。雙皮奶表面絕對有一塊薄薄嘅皮，用匙羹輕輕破開後下面是滑滑的燉奶。燉奶非常嫩滑而且奶味濃郁。老實講千忍萬忍就係為咗依碗雙皮奶，索價36元，抵唔抵就見仁見智啦！P.S.環境真係唔多乾淨，老婆食食下唔小心滴咗一滴雙皮奶喺枱面，侍應執走嘅時候就隨手喺垃圾桶拎張其他食客用過嘅紙巾中未用過嘅一小角抹去枱面的雙皮奶就算數，何其嘔心。

細細個嗰時成日都跟屋企人去澳門，而每次去都一定會拜訪義順食番個雙皮奶先走。後來義順拓展到香港都開左幾間分店，我反而去少左😂咁啱有朋友喺外國黎旅行，又話想試啲港式甜品，我就帶左佢黎義順喇。星期四夜晚9點幾去到，已經見到一大條人龍，好彩義順唔係一間可以打躉既地方，所以10分鐘就入到去嚕😋一坐底我就幫佢地叫埋雙皮奶。咁多年冇食，義順水準都算keep到。雙皮奶兩層係層次分明，而燉奶底做得夠濃但唔過甜，食完都唔會滯。唯獨係一碗承惠$34好似有啲乸痢。可以話係品質貼地，但收費就離哂地😂PS 有時好難用外語解釋到雙皮奶係乜，所以show以下張相就可以一圖解釋到喇👇🏻

馳名雙皮奶：好好味 經過親都會入去 因為男朋友係拍拖初期成日帶我嚟 除咗好味 仲有回憶 我都係鐘意熱食 暖入心 最鐘意佢面頭塊奶皮 好香濃奶味 門口玻璃櫃都擺放咗好多凍食嘅甜品係到 好吸引 但我次次都係食原味 希望有機會試埋其他口味啦豬扒包：食過澳門一間 豬扒又大又香又入味 所以覺得呢個麻麻哋 好普通 冇咩特別咁 唯一好就係都熱嘅 但真係好普通 呢個唔係好抵食

義順係我細個同daddymami成日去嘅茶餐廳之一 今日經過銅鑼灣費時諗 又光顧左一次.我叫左我嘅最愛 — 雙皮奶 滑嘟嘟食落好舒服 有熱同凍揀 我揀左熱因為溫度可以令本身已經濃嘅牛奶味更加出雖然$34蚊真係唔算平.我仲食左澳門豬排包 雖然呢個係鎮店之寶之一 好多人叫 但係我就覺得唔太特別 隨左熱辣辣同埋包幾軟身之外 同普通茶餐廳分別唔大.媽咪同埋妹妹分別叫左雞翼同埋牛肉通心粉 每碗38蚊 通心粉量好多大約有兩碗半三碗左右 男仔應該如果叫埋呢度啲都飽 啲通粉個心裝滿湯一啲都唔會淡 不過牛肉雖然好軟熟但量就幾少得幾塊 雞翼就有三隻.最後我地仲叫左芒果奶 37蚊 價值同一碗主食相約 不過芒果味幾甜

一行四人，吃過生日晚飯，準備去飲野，經過義順又想吃個甜品。打算平平地吃一個中式甜品，一見到餐牌有少少嚇親，沒想過現在的雙皮奶那麼貴，要三十蚊才有一碗，一碗鮮奶做的甜品，價錢可以同一個午餐差不多，實在有點誇張。有概應該是鋪租的問題吧！好！即管試試何方神聖。雙皮奶有凍有熱，我選了熱的。上面的皮做了一個保溫的作用，奶的確很滑，但奶味卻沒有想像中那麼濃，個人認為不值這個價，試一次就好了。

吃過晩飯，意尤未盡，到義順吃甜品。一碗馳名雙皮奶，出品白滑熱辣，「雙皮」清晰可見，奶香濃郁，口感滑身，美味依然，吃畢總能滿足而歸。

係銅鑼灣旺區既義順港澳義順牛奶公司@銅鑼灣牛肉通粉(8/10)($34)foodki真係超級鐘意食義順既牛肉通,佢以前仲開係菠斯富街既時候已經成日食。湯底好夠味,配上大條通粉真係好正,foodki鍾意食通粉,係因為通粉成日都會"吊"住啲湯係入面,食既時候會有湯味。牛肉量好多,每塊牛肉都超嫩好味。呢個分數可能有感情分係入面,因為真係細細個就已經食佢大。雞翼通同行比左舊雞翼我,雞翼就普普通通,好細舊港澳義順牛奶公司@銅鑼灣木瓜奶(7.5/10)($30)義順既鮮奶真係超好飲,超濃奶味配上芒果,木瓜等等,味道更正。最好既地方係義順既牛奶係唔會好似有其他餐廳溝水變到好稀。foodki就特別鍾意飲芒果奶啦港澳義順牛奶公司@銅鑼灣雙皮燉奶(8/10)($31)雙皮奶係義順既王牌,各位去到一定要食。叫得牛奶公司,奶味超濃是常識吧。義順既燉奶係超爆滑,入口即溶。佢唔會太甜,所以會食到真正既奶香。而雙皮奶最正既當然係果層皮,皮係面燉奶上面,每一啖都整少少皮,味道會變得更加特別,大家試下就知道係好正了

Many years ago, I visited the Yee Shun Dairy Company in Macau and fell in love with their milk desserts, especially their double-skin steamed milk pudding! Nowadays, Yee Shun has expanded into Hong Kong and their desserts are just as good as I remember.As I approach the shop, rows and rows of milk puddings were seen through the window, beckoning me to go inside. As I glanced through the menu, I decided to order my favorite - the double-skin steamed milk pudding. You can order it as hot or cold b