二鍋頭 (嘉芙中心)

营业中

休息中

😅😅😅一開頭有豬手、雞煲、牛尾骨任食個味係唔錯既但開始打邊爐就....我地首先揀左A餐，啲肥牛都幾薄同無味咁算啦，升級啦，比多幾廿蚊，以為會好啲😂😂原來只係無咁差.. 啲牛薄過紙，一拎起爛哂但最唔得既係出面個凍櫃，第一次見飲品唔吸引，唔知哂牌子黎其他配料好似雪左好凍咁，啲菜又好似無洗咁連條芝士腸都唔係金妹，so sad 點解前面啲評論講到咁抵咁好食...係咪我問題？咁就一人$300 埋單了

假期前夕同朋友出嚟聚一聚，最適宜打邊爐吹水。朋友介紹位於尖東商廈內嘅二鍋頭。佢特別之處係任食火鍋煲底，有雞煲，酸菜魚，豬手煲，食完以上煲底，再叫湯底真真正正打邊爐，聽落幾特別！🐓雞煲香濃惹味，雞件入味，份量約有一隻。🐟酸菜魚酸味剛好不搶喉，魚塊嫩滑，仲有大量薯粉🫢🐷黑椒豬手煲夠濃味，坊間少有選左$258（公眾假期前夕+$10）可以食到中價位安格斯牛板腱，安格斯封門柳，美國牛胸腹。牛味香濃，脂肪比較少，食幾多都唔怕膩。另配料有：鮮嫩鵝腸，爽脆花枝片，新鮮白鱔片，本地鮮滑牛，帆立貝，西班牙豬梅肉，活海蝦，紐西蘭羊卷肉，活海蜆，海鮮種類都好多。火鍋湯底點胡椒豬肚湯，好足料仲有幾十款自助凍櫃自選火鍋配料，大部分都非常新鮮，唔會交行貨。最驚喜自助飲品區有酒精飲品任飲，亦有放題少見嘅款式。

這間任食火鍋店主打多款特色煲類第一次見打邊爐有羊腩煲揀)就打算同友人試下 雖然話係任食 但用料一啲都唔馬虎 兩款煲都好足料味道濃郁好夠味desu 而且牛牛質素都很不錯連天氣再涼啲可以約frd打多轉.▫特級極上和牛火鍋放題 $318▫羊腩煲 +$68升級左羊腩煲仲可以無限時任食٩(๑•ㅂ•)۶估唔到咁大煲 有齊枝竹冬菇等招牌配料羊羶味不會剛重 仲要好香濃入味 好吃耶羊腩們都好軟腍多汁 岩晒冬天滋補取暖!.除咗羊腩煲仲有酸菜魚.黑椒豬手煲.火焰鴛鴦鴨煲揀我哋好貪心咁order埋雞煲🤣同樣都惹味十足(ᯅ̈ ) 帶點辣辣的巧濃味～加埋水魷&豬皮索汁仲jeng!.食完兩個煲都已經飽左大半( •᷄ὤ•᷅)有9款湯底可揀 揀咗冬陰功鍋聞起來好香 帶點酸酸辣辣der有8款牛牛.海鮮.火鍋配料可以任食頂級安格斯牛.安格斯牛小排.極黑和牛等肉質都好嫩滑 紋路分明 牛味濃郁之餘帶肉感海鮮有海蝦.海蜆.帆立貝 配冬蔭湯感覺特別夾

一班人聚舊最驟忌講講下野比人趕，老友醒水揀咗呢間做緊限時優惠無限時，兼食多好多款牛，包括每位M6澳洲和牛一客。除咗澳洲和牛，仲有美國和牛、牛小排、牛頸脊、海蝦都好正，有肉汁又夠軟淋，蝦都算大隻新鮮所以幾爽口。仲有抵在火鍋前有3種唔同嘅煲可以任食，挑戰人類極限！雞煲有辣度又有份量選擇，個醬真係無得輸，勁正！熟蔥蒜勁香！火焰鴛鴦鴨煲上檯好有氣勢，炒、淋酒、點火、香味撲鼻！酒味令鴨肉更香更juicy，而且都幾有觀賞性。火鍋料裡面最特別係泡菜餃，其他丸類菜類多到講唔哂，而且環境都幾整潔。最後食埋外表一般但非一般美味嘅雪糕，大家滿足散隊。

去嗰陣記得行樓梯唔好搭𨋢😂以任食火鍋嚟講，200中左右價錢比較親民，平日$218 兩小時任食 星期六日 $228 2小時任食首先會上咗任食雞煲先，味道惹味，啲雞都整得入味，食完可以揀定邊爐湯底，總共有 8款，我今次揀咗相對而家少見嘅沙嗲湯底。平時呢啲價錢都係食丸食肉多，而呢個價錢已經有幾多海鮮揀，例如係白鱔片、吊桶仔、墨魚片、青口、帆立貝、花枝片同海蜆，都幾多海鮮選擇～會歸類比較平價入門價錢嘅火鍋選擇個人覺得白鱔片同脆魚腩、花支片、吊桶仔都會想叫完再叫，白鱔片肉質彈牙味道較鮮，脆魚腩就爽口啲，吊桶仔都好爽～花枝片滑嘟嘟咁任食想食靚啲嘅牛大概 TOTAL 會貴少少，不過有靚啲嘅牛可以揀，例如係：美國安格斯牛頸脊美國極黑和牛美國國榖飼封門柳另外仲會特別送美國安格斯牛小排同澳洲M6和牛個人覺得送呢兩款明顯最好食啦，澳洲M6和牛嘅雪花睇得出特別靚，食落油脂香味都特別出，相對係最嫩滑而任食款式嚟講，美國國榖飼封門柳好似最出色，牛味最濃，肉質比較軟熟，另外兩款相對就比較爽口。最後都有甜品可以任揀，我揀咗玄米茶同海鹽雪糕～呢度坐位都幾多，都適合一大班人食，平日人唔多唔使留位都應該可以有位～

去年10月已幫襯過一次，當時以為雞煲/鴨煲/豬手煲是三選一，所以只食咗個雞煲就轉煲打邊爐。後來知道雞煲。鴨煲。豬手煲是三煲可以任食，所以當晚市重開後即刻再來一次，決定要把三個煲都食勻。首先叫了豬手煲。黑椒豬手又腍又入味，有十多件，非常滿足。之後換個鴛鴦鴨煲。上枱後才淋下烈酒點火，成為火焰鴨煲。鴨煲有鴨肉和臘鴨兩種，有酒香又有鴨香，非常惹味，還有索晒味的支竹，好吃到唔停口。最後食埋個雞煲。雞肉還算嫩，但味道就不及前兩煲香濃。可能下次要把三煲的次序調轉，由淡至濃更適合。三個煲食完，揀了芫荽皮蛋湯底打邊爐。打邊爐的食材用食物紙自己剔，連埋食物自助區的其它食物和蔬菜，超過80款。嫩滑牛肉好食過美國肥牛；羊肉片又好食過美國黑豚肉；白鱔片和脆鯇魚腩必食；海蝦和吊桶仔非常新鮮。食飽飽後以沖繩海鹽雪糕埋尾，鹹鹹地好清新。

諗住去尖沙咀食嘢, 又可以吹水 諗住坐得耐, 咁應該打邊爐啦....上網搵openrice... 睇咗呢間有咁多好評.... 朋友都選咗呢間星期六的日子, 都無full house....咁本身有幾款選 $218 是基本plan , $268 多咗海鮮 (一人份有大蝦, 鮑魚, 蠔, 螺 但無得refill), 仲有個$298 plan (但貴就無多睇)本身我哋唔多人愛食海鮮, 所以就兩人基本, 兩人海鮮....飲品同菜... 都係自助..... 咁都係類似大部分連鎖式任食款..... 都還可以.... 首先食雞煲(BB 辣), 超夠味... 但我啲朋友覺得偏喊....亦因為太夠味, 之後再打邊爐叫咗個藥膳湯底.... 完全比下去, 本身... 湯底真係無乜藥膳味, 似就咁普通一啲上湯... 加啲杞子... 就完啦....咁啲海鮮.... 基本plan 就真係普通... 因為啲蜆 有沙.... 我食幾隻都有沙... 基本plan 個蝦... 好似怪怪地... 個頭甩甩地...   但另外加錢個啲海鮮... 相對... 好似好少少.... 急凍肥牛, 同其他餸.... 只可以說OK...

雞煲同打邊爐，呢個組合相信大家一定唔會陌生，一坐低店員就好快啲同我哋介紹有三款套餐，第一款係正常打邊爐加雞煲，第二款係海鮮套餐，第三款係美國SRF牛。餐廳內外食物選擇因為我哋主要都係雞煲控，所以就揀咗最普通嗰隻打邊爐套餐。雞煲加火鍋 $198雞煲方面，如圖片所見，份量好多，都好入味，唔怕唔夠飽！肉質方面正常，不過我其實都係洋蔥控，如果洋蔥個量可以多少少，咁就完美喇。至於打邊爐我就揀咗沙嗲湯底，由頭開始到食完，一次湯都冇加過，可見店家比嘅份量真係好多，沙嗲味再濃啲就更加好食！自助區方面都好多選擇，飲品類，菇類，菜類，麵，同炸魚皮都係任夾人。其他肉同少量海鮮都係點菜紙揀。點菜紙嘅蝦好新鮮，唔係好似出面其他舖頭嘅雪藏蝦，所以次次落單都有揀。羊就帶羶味，未必個個接受到。

係尖沙咀睇完戲又夠鐘醫肚。肚餓就最啱食任食放題。精明嘅朋友搵到二頭鍋，$198一位呢個價錢係尖嘴絕對抵到爛，就決定去食下。$198包雞煲同火鍋。好貼心嘅係可以半鍋半鍋咁上，可以食到唔同嘅嘢。首先食雞煲，料頭十足，好香噴噴。鳳爪吸收曬日月精華，又夠淋，食雞煲記唔好錯過。雞煲主角雞件嫩滑。食完雞就食平時比較少見嘅黑椒豬手煲。豬手入味，黑椒味濃，令人一啖接一啖食。好彩有飲品解下渴。之後就到火鍋！呢到特別係會轉煲，唔會會返雞/豬手煲底，除咗冇咁油，仲可以一餐內食到唔同口味。湯底選擇多，分分鐘食完重慶風味雞煲，轉過頭食泰式冬陰功火鍋。同朋友貫徹重口味，點咗沙嗲湯底。沙嗲湯底好濃郁，放埋啲鮮牛肉，就完成沙嗲牛。可惜已經好飽，冇落出前一丁。除咗鮮牛，仲有美國肥牛。個人比較鐘意肥牛，厚切有肉質。肥瘦剛好，唔會全部膏。黑豚豬都唔錯。整體而言，食肉獸會滿意嘅。大路嘅海鮮、火鍋配料都有，甚至有雞子。食到最後當然唔少得甜品，黎返枝雪條透水涼。有唔同口味嘅馬來西亞雪條，仲有榴連味，正！

一諗唔到食咩，任飲任食就會係同另一半嘅共同答案😂 愈來愈多餐廳唔止有火鍋任飲任食，就連雞煲都係，而且價錢相宜！環境餐廳環境寬敞，排煙亦做得幾好，唔會入到去好大煙。有好幾部大電視，適逢食晚餐果日仲係奧運期間，打住邊爐飲住啤酒可樂睇奧運好爽！餐牌二鍋頭惹味雞煲、火焰鴛鴦鴨煲或黑椒豬手煲3選1，之後火鍋亦可揀是否需要升級任食和牛/海鮮盤。雞煲/鴨煲、火鍋任飲任食2小時 $198起 揀左雞煲任食，我哋落單時無講辣度，相信係預設辣度，唔太辣，應該大部分朋友仔都食到，雞煲惹味，而且份量都多。自助區 火鍋食普通版，揀左沙嗲湯底，有好多蝦米仔，味道都幾濃又唔會太鹹。配料隨咗紙上面剔嘅款式之外，仲有自助區，拎菜類、菇類、丸類，食材都會不停refill，唔怕會有空缺嘅情況出現。亦有甜品區。配料 必點生猛海蝦，大家有時食任食火鍋會唔會都怕比啲質素好差嘅海鮮？真係純粹為食飽而唔係食質素，但呢到好令我欣賞嘅係海鮮都係新鮮！睇相都見到海蝦透徹見到有蟹膏，encore 左好幾次海蝦！仲有帆立貝、青口都係必點，點少得肥牛、羊肉片，肉類嘅質素都唔差，配沙嗲湯底都好夾，最尾就算飽都要食個沙嗲湯出前一叮！總括而言，傾偈睇波

朋友知道我鐘意食牛，就帶左我黎食二鍋頭，咁係朋友介紹，就梗係等佢發板啦店員一放低個煲，我就同我朋友講，咪玩啦，呢個擺明係雞煲，又話咩帶我食牛佢就話好戲在後頭，好，咁我就食住雞煲等食牛原來呢間店係先食一個雞煲或鴨煲，之後再打邊爐，難怪個名叫二鍋頭，因為真係食足兩個鍋雞煲雖然唔係我今晚嘅就主角，不過幾入味，雞腳更加係唔錯食完雞煲，就到主角牛肉啦牛小排、牛頸脊、和牛肉任食，不得了個人特別喜歡牛頸脊，重肉味之餘肉地又滑，一食就知係極品，仲要係任食，朋友真係無介紹錯如果大家唔係咁好牛，店都有好多唔同打邊爐配料，飲品甜品任食，係三五知己相聚吹水好地方

最鍾意食各式各類火鍋放題，款式多選擇之餘，又可以任飲任食兩個半鐘。😋😋😋而呢間二鍋頭除咗可以食火鍋之外，仲可以食到滋味雞煲丶香濃火燄鴨煲及惹味黑椒豬手煲; 每個煲都好用心去做好好食，各有特式，最鍾意就係有無限添加。食完各款式的煲類，可以轉埋個湯底食火鍋。今次點咗牛魔王套餐，包括一盤A6和牛，牛肩肉丶安格斯牛及牛小排，肉質鮮嫩。 另外有少量海鮮類及蔬菜類選擇。最後仲有我最鍾意嘅榴槤雪條，簡直滿足的一餐

之前已去過旺角店幾次，今次約了兩位朋友到尖沙咀店再吃雞煲火鍋，尖沙咀店比旺角店闊落，我們被安排坐窗口位，感覺開揚些。餐廳現在供應的有任食雞煲、鴛鴦鴨煲及新出的豬手煲 (冬天會有羊腩煲)，而尖沙咀店有限定的牛魔王火鍋放題 ($298/位)及龍蝦海鮮盤火鍋放題 ($268/位)，餐廳亦有啤酒任飲 ($60/位)，啤酒任飲包括三款啤酒，分別有Blue Girl、Hoegaarden及二窩頭自家啤酒“二窩頭”，我和朋友都是牛魔王，所以就決定試一試牛魔王放題及選了任飲啤酒，食火鍋配啤酒是絕配，這裡是任飲任食 2.5小時。首先來一個雞煲，我們點了小辣，雞煲的份量很多，連出面餐廳沒有的雞腳這裡都有， 配料有乾蔥、洋蔥、大蔥等， 加上他們的獨家醬料，上桌時香噴噴，味道很濃很惹味, 百吃不厭。食完雞煲後，上桌是黑椒豬手煲， 黑椒味勁香，入口有香辛味，味道去到喉嚨時，會有些熱燙燙的感覺，黑椒配上其他醃料醃得豬手很入味，而且豬手亦炆得很淋，這個豬手煲雖然其貌不揚但味道和口感卻十分好吃，因為要留肚吃極黑和牛，所以我們今次沒有點鴛鴦鴨煲。這裡有八款自選湯底，湯底是另外一鍋上的，不是在已吃完的雞煲/豬手煲加上湯底

之前食過旺角,今日就試下尖沙咀新店! 有個尖沙咀限定既牛魔王餐$298一位, D牛肉全部都好靚好抵食打邊爐之前, 首先可以揀左雞煲/鴨煲/豬手煲先我同朋友就揀左穩陣之選雞煲~本來冇太大期待,但真係好食! D汁料好香!雞肉唔柴仲好嫩,上台就食得,洋蔥索晒D汁又甜.2個人呢個份量係可以清晒,仲想留肚食多D打邊爐,都抵唔住誘惑食完個煲可叫店員收走,佢會換個邊爐湯底比你,食牛梗係揀芫荽皮蛋,超香芫荽味,店員姐姐見我聞到陣香味咁興奮,仲問我夠唔夠荽,可以加比我雖然我冇加到,不過都好抵讚啊!寫紙點左少量海鮮,全部都好新鮮!花甲,吊桶仔,同蝦都好推介!!必點!!一份限定既M6和牛,恰3~4秒就食!入口即溶!安格斯肥牛最滑,牛肩脊最平均,牛小排最重牛味,可以任叫任食真係好幸福~唔好恰太老,粉紅色就岩岩好,同全熟個口感可以差好遠最後食埋支榴槤雪條收尾~超飽啊!好多雪糕雪條揀

昨日，OT完搵朋友食early dinner。新店開業，環境清潔舒適。可能，我哋早開餐，冇乜人。食物方面，任打邊爐兼可以加雞煲，鴨煲，豬手煲或羊腩煲。食完個煲後再打邊爐，都幾正！食材方面，有得任點肉類又可以出去自己攞蔬菜，丸丸和醬汁。每樣食材都好新鮮，值得一試！最後仲有韓國牌子嘅酒精搓手液送忝！