拉麵Jo

营业中

休息中

之前係網上見到唔少人讚佢個生蛋拌面🥚好似幾特別 香港無咩點見過 點知只售晚市🥹 下次再來試試吧！每次過來都好多人排隊 好彩今次過到來還好 但都可能因為落雨☔️雞白湯拉麵🐔（$98）雞白湯拉麵精華一定係佢個湯底 個湯底好濃郁既雞味 仲好似有少少胡椒味 餐牌寫有魚介湯底 我覺得味道不錯 但係湯底未去到好厚 同埋湯都偏少😿 拉麵有少鹼水味 麵條係幼細麵慢煮雞胸好滑好淋 仲有好香既雞味 但我覺得最正既一定係個低溫美國豚肉叉燒 半生熟 肉汁豐富 偏肥但係好幸福😍🧡 仲要醃得好香 有少少似義大利parma ham個種味道👅 味道：🍜🍜🍜/5 📍 拉麵Jo (銅鑼灣)地址：銅鑼灣加路連山道3號地舖

搵位度：🌟🌟好食度：🌟🌟🌟🌟🌟抵食度：🌟🌟🌟都真係去咗好幾次，基本上次次都要等位，唔好以為條隊短就等得快，有時真係等好耐。次次去都會食唔同嘅拉麵，早期試嗰啲沾麵啊，或者味噌，覺得只係中上。後期食到雞白湯真係返唔到轉頭，如果淨係諗住食一次，咁真係要食雞白湯。雞湯濃郁之餘都好有雞湯味，舊雞應該係慢煮啲friend，極度鮮嫩，配合埋個湯真係非常之好味。另外嚿肉可能係慢煮叉燒啲friend，口感有啲似Parma Ham，都好配合個湯。個人口味囉，唔排除有啲人會覺得鹹。

This shop doesn’t have fancy interior but their chicken broth ramen was really delicious. It’s a very simple white broth base, but packed with flavours. Ramen noodles in medium thickness. Slices of chicken and charsiu, halved jammy egg, and a handful of spring onions and diced red onions atop the noodle soup. Every slurp was very tasteful. Added extra for a side dish- it’s just ordinary takoyaki with normal standard. Definitely go for the ramen.

餐廳：拉麵Jo地點：銅鑼灣加路連山道菜式：日式拉麵餐牌：沾麵，拉麵，飯，一品料理，飲品。可以先選拉麵，然後加小食，配菜，選擇葱分量等等。雞白湯拉麵 $98雞白湯拉麵湯底呈奶白色，味道係香濃不過唔油既雞味，好正。麵條係幼身，蛋香十足。叉燒三片，雞胸肉兩片，都好嫩。仲有半隻糖心蛋，洋蔥碎，蔥花，帶黎多重口感。特製低溫叉燒沾麵 $125特製低溫叉燒沾麵係好多粗麵上面放有三片叉燒，一隻糖心蛋開邊，中間加有蔥花同青檸。呢度叉燒先用慢煮方法以66度去煮，然後再烤，所以食落帶微微烤味，好香，肉質又嫩，薄薄地好易咬，真係幾好食。個木魚骨湯味道好好，餸沾麵好夾，開頭食唔會太鹹，湯入面有扁筍。麵條我揀左凍，好有咬口又唔會太硬，而且好掛湯。炸雞 $57炸雞一客四件，炸得皮脆肉嫰，伴有沙律菜同檸檬。沙律醬令炸雞入口滑溜。蔥花牛舌 $70蔥花牛舌熱辣辣上枱，牛舌薄切，好有咬口，夠彈牙，牛味濃，大概有11片，面頭加上蔥花，味道唔錯，醬汁豐富，伴有檸檬。炸八爪魚球 $52炸八爪魚球一客6粒，炸得外脆內軟，真係有八爪魚粒，面頭加上木魚花同沙律醬，完全夠味。炸雞軟骨 $48炸雞軟骨熱辣辣上枱，炸得好脆口，加上檸檬汁酸酸

喺附近睇醫生，等到好肚餓，又想食個快晚餐，就過咗嚟呢間拉麵jo!原來都幾出名係米芝蓮！就睇吓係咪真係咁好食！叫咗一個慢煮叉燒，同一個雞白湯拉麵，慢煮叉燒肉量非常豐富有成六大塊，湯都好好飲，雞白湯湯底都好清好味。係食過數一數二好食嘅拉麵！😋😋😋連平時唔係點飲湯底嘅我都飲晒。而且服務好好，一嚟到就俾水😁仲比左暖水我添。上菜都好快，半個鐘內就食完走得，仲要好食同食到好飽，滿足！下次嚟附近都會再食😍

🍜拉麵Jo 係拉麵界始組，應該好多人認識，咁多年都屹立不倒一定有原因🥢特製低溫叉燒沾麵 滾燙嘅醬油豚骨湯絕對係食沾麵必須的，呢到嘅湯非常夠熱，滾到起泡，值得一讚。醬油湯味道濃郁，沾麵麵質粗身，口感彈牙滑嫩。叉燒用低溫烹調，以最佳煮食溫度令肉質保持嫩滑，肥瘦適中。🐔雞白湯拉麵湯底經長時間熬製，非常濃郁，麵條幼身，容易吸湯，比較重口味嘅雞白湯慢煮叉燒同雞胸肉配料，雞胸厚切得黎一d麵唔鞋身。推薦每碗麵都加紫菜，紫菜吸晒湯食超好食🥟自製餃子 餃子即叫即煎熱焫焫，滿滿肉汁，如果外皮煎得再焦香d就更好🥔薯仔沙律沙律香滑軟綿綿，比較清新，好啱夏天食熱拉麵時配搭🥬涼拌菠菜菠菜面鋪滿木魚絲，醬汁味甚香

每次想吃沾麵，第一時間便會想到屢獲米芝蓮頭銜的拉麵Jo位於寧靜的小道上，門外的大紅燈籠份外惹人注目餐廳裝修樸素親切，就像置身日本隱世拉麵小店一半是麵檔座位，另一邊就是四人散座，各式其式新製品雞白湯拉麵加入魚介湯及特製雞油，濃厚無雜味特製沾麵內有三大塊厚切叉燒，肥瘦適中，粉嫩軟腍一品料理雞皮餃子炸至金黃可口有油香，內餡軟嫩多汁涼伴菠菜鋪滿鹹鮮柴魚絲，清新爽口，正好消膩日本蜜桃汁粒粒白桃果肉香甜清爽，桃味十足

連續三年榮獲米芝蓮推薦，究竟何方神聖？我作為吃貨，我竟然未食過，可謂相當慚愧，我發誓今次去完之後，小弟一定銘記於心，以後有人問我邊間拉麵好食，一定推介拉麵Jo，mark my word！👇🏻📌拉 麵 - ▪️ 名 古 屋 辛 味 拉 麵 - $95▫️ 第一個必食人氣推介「名古屋辛味拉麵」，呢款用上粗麵，sauce底辛味汁，面頭鋪滿特製豬肉碎，加埋千葉縣產醬油，調味岩岩好，唔會太鹹；叉燒做到肥瘦均勻，入口滑溜，相當惹味；配料仲有d白蔥、粟米、韮菜、日本半熟蛋，層次相當豐富！▪️ 雞 白 湯 拉 麵 - $98▫️ 第二款必食一定係呢個「雞白湯拉麵」，魚介湯濃郁入味，口感順滑；麵條沾滿厚厚既湯汁同埋特製雞油，咬落細緻彈牙；而雞肉亦有驚喜，完全唔鞋口好有彈性，仲有半熟蛋滑到不得了，加埋日本果汁Matsuda cider，一個字，爽！📌小 食 - ▪️ 蔥 花 牛 舌 - $70▫️ 小食方面分別試左幾樣，呢個「蔥花牛舌」聞落夠哂香，牛舌size同份量十足，面頭鋪滿蔥花，食落鹹度適中，肉質爽彈，好食。▪️ 雞 皮 餃 子 - $48▫️ 另外一道「雞皮餃子」，師傅用雞皮完美咁覆蓋住餃子，表面睇落脹卜卜，食落

雞白湯拉麵味道鮮爽，湯底香濃，麵條有彈性，與鮮味湯底搭配得宜。湯底嘅濃度剛好，味道濃郁而不會過重，也不會太淡，帶有濃濃嘅雞香味，每一啖都食到雞肉嘅味道。湯頭嘅顏色係奶白食，而且唔油膩。湯底嘅味道讓人回味無窮，令你想再食一啖，絕對值得一試。