沙田強記雞粥 (已結業)

晚上23點跟朋友出大圍搵野食，雖然條街有不少食肆，但就唯獨呢間會主動問你係咪食野，仲推薦你入黎食碗粥。於是就進店試下，揀來揀去，揀左好耐最後就點左以下食物：雞粥（碗），d粥好滑好好味。應該三個人share黎食都得，因為同個朋友分落細碗到，分到三碗出黎，入面都四至五件雞（啖啖肉）。豉油皇炒麵，有提我地趁熱食45蚊大大碟，一個人食，真係會食唔晒韮菜豬紅，大大碗正。雞粥真係值得再試，如果自己一個食，食一碗都好夠飽，另外埋單比錢時都有見到佢地雞粥自取8折，下次一個人時都可以考慮下，買返碗雞粥返屋企慢慢嘆。

疫情期間唔建議飯局，個可以買外賣囉沙田雞粥出名由細聽到大，今次難得一班人踩完單車，又真係唔想餓住個肚離開，真係一個好好嘅選擇好多人都會話，要睇廚房師傅嘅表現，往往從看似普通嘅菜式睇起，單係碟豉油皇炒麵同糯米飯，就知冇得輸雞粥嘅雞保持嫩滑，粥夠棉，好味呀，其他菜式亦係即叫即做，熱騰騰嘅食物上枱緊係食指大動啦價錢亦相宜，其實真係一個大班人歡聚好地方，呢段時間就忍耐一下，相信唔少食店都受到好大影響，大家叫住外賣，繼續支持唔同嘅食店啦

喺最凍果日就最很想吃熱呼呼又易入口的食物，食軟綿綿的粥就最好不過😍之後就去左我爸媽以前拍拖既飯堂，強記雞粥試試佢馳名既雞粥啦😋年輕人總係諸多猜疑，究竟雞粥可以有幾好味呢？真係要試過先知！佢粥底好綿，米飯唔會好硬或過分大粒食耐左凍左又唔會變水😌👏🏻粥底亦超級香濃雞味！但出奇地唔會有油膩感👍🏻雞肉份量標準🤤亦唔會比哂d骨你👏🏻喺咁凍既天氣 食一碗熱騰騰的雞粥🍲呢d咪係幸福囉🤤當然要試試燒乳鴿啦🤑雖然乳鴿都無乜肉食嫁喇😹但識食一定係食佢熱辣辣脆卜卜既皮啦😍上菜時燒乳鴿超新鮮 肉質同肉汁都好平均 目測係即叫即做👍🏻 外皮仲係脆卜卜嫁😋再配埋重口味人士必點既淮鹽👏🏻🤑真係好好味呀!!!!總括而言，我都幾推介強記比各位，價錢合理，份量合理，我十分認同「越平民既野就越難煮得好」這句說話，希望下次可以叫多d人去叫下小菜食😋🍲💓

大圍的強記雞粥非常馳名，遠遠已經看到大型霓虹燈。白粥底米粒煮得起花, 白粥非常綿而雞肉十分嫩滑，雞的油分是整碗熱騰騰的粥中的精華，白切雞令粥底帶鹹味及有雞的油脂，披了層粥雞肉更嫩滑，肉中有米香，吃掉一半再等上菜，放了一陣都沒有出水，值得一讚。壯觀的份量加上點即叫即做，等上10分鐘的炸蠔餅，蠔肉肥美而不腥；外面炸至今黃色，脆身又有空氣感， 而內裡粉漿軟綿，十分美味。沙薑雞腳炆得很＂淋＂而且十分入味。

今晚與朋友們到大圍晚餐，於是來到這几條街，真是越來越多餐廳在此開店，讓人花多眼亂。看到某家粥火鍋，很多人在等位。唯有去隔離雞粥，職員表示有位，所以馬上入內就座了。點了几款美食，又很快的上枱了。 雞粥　一窩　　　棉棉的粥底，面浮了一層雞油。雞肉鮮甜 炒麵　配辣醬　　朋友推介這款，信得過。辣椒醬是微微酸的蒜蓉辣椒醬，讓人懷念的味道。 沙嗲牛肉粉絲　菠蘿，雪藏牛肉，醬汁較稀 太和骨　即是炸腩排再淋上酸甜辣醬汁，炸得不太乾身。 炒白菜 有炸蒜及蒜蓉 見到客人，即安排座位入座，上菜快，食物正常，價格合理。5人共409元，一百蚊有找，抵你咁旺。

今日同舊同學聚餐, 本來約咗去合發, 同學個靚老婆去到無位, 於是改咗黎強記,佢話坐低咗之後啲伙記就猛咁問佢啲人幾時黎齊,又話要撘枱, 我哋一坐低就猛咁催我哋點菜, 好似鬼咁巴閉咁。黎到強記梗係要食雞粥啦, 窩粥好大窩, 都幾好味。叫咗2隻乳鴿,味道唔錯,不過個皮唔脆。炒蟶子, 殼多過肉,又細隻,味道一般椒鹽鮮魷, 啲鮮魷無乜味, 賣相又差, 失望我好鍾意食菜, 叫咗個炒芥蘭, 個菜加咗啲肉碎, 菜得好少, 而且仲係有啲硬, 差 除咗雞粥外, 我覺得最好食係個炒麵, 我食咗2大碗, 可能係其他嘢唔好食啦

成日聽人講去大圍食雞粥，自己真係1次都未去過。咁啱揸車經過就入去試試佢。叫咗3樣食物，招牌嘅一定要叫啦，一碗雞粥($30)，夠2個人share，因為仲要試其他美食。粥好綿，有4-5塊雞，抵食又好味。炒麵($40)，嚇咗一跳，個份量好多，根本就係4人份量。結果食唔曬要打包返屋企，炒得好好，好乾身，唔錯。一定唔少得食家們喺Openrice推介嘅紅燒乳鴿($65/隻)，啲皮好脆又多肉，好好味。下次一定再嚟

正宗雞粥究竟係唔係呢間? 定係o向火炭/沙田???不過唔緊要, 因為我地真係想食雞粥o者~~~雞粥 $25一碗, 粥底好綿好靚, 不過雞同蔥花o既份量就少d, 如果雞佢切細舊少少但多幾舊的話可能碗粥會更入味~~~另一隻size係$100一窩, 如果食豪d加埋鮑魚就$30一碗啦~~~ $30 豉油王炒麵, 好大碟呀, 不過真係好似都幾出名因為好多枱都有order !!! overall 佢炒得唔錯wor, 因為唔會好油, 有時炒麵會用太多油而令個麵食落去啖啖油ma, 但呢度唔會wor, 抵讚~ $68 美極xxx牛柳粒, 哈哈, 唔記得個全名, 但個key words係正確o既!!! 雖然幾貴但俾個美極吸引住~~~ 其實一上到碟o個隻美極味已經攻哂出o黎, 勁開心, 配料就仲有d青椒同腰果粒粒, 不過食食下就有d失望, 因為d牛柳粒好細粒啊~ 而且份量好少, lee個價錢完全唔值.........oh~~ 俾個美極兩個字欺騙左tim~ 原先想食乳鴿tim嫁, 不過成$45一隻我就覺得太貴所以冇試, 不過見其他order上枱個樣都ok o既....... 不過講到食乳鴿, 都係沙田龍華個名