上海婆婆336 (iSQUARE國際廣場)

营业中

休息中

會覺得任食黎講質素算幾好，但大部分野都油膩，幾易滯👍👍👍: 蜜汁火方、清炒蝦仁、蔥爆牛肉、雞絲粉皮蜜汁火方加埋好有層次感🤩有肉香，加左蜜汁都無掩過仲吊左味👍encore 左好多次清炒蝦仁：河蝦傳統都無乜蝦味，但肉質彈牙唔霉👍蔥爆牛肉：新鮮爆出黎，肉唔韌雞絲粉皮：欣賞佢嘅花生同麻醬都係偏結嘅👍小籠包多汁，皮唔易穿，已經好過好多鋪頭，但係豬肉有好輕微腥味👎：孜然雞翼、擔擔麵、蔥花餅其實大部分炸野都好一般（除左香酥小排骨ok 嘅），但孜然雞翼甚至無孜然😨擔擔麵：麵好淋，無乜花生味蔥花餅：無蔥香，無乜調味，塊餅好硬Btw 要讚下有2位侍應服務極好！

難得平日下午放假，一於去試下上海婆婆（之前未食過）。上到黎見人唔多，又剛好下午茶時間。一入坐已經倒好茶得你，一黎就揀左佢個擔擔面+紅油抄手，又想食個雞絲粉皮！結果兩個前菜食得哂，個面就因為太「漏」食唔哂...同埋愈食愈糊...口感唔好...

又去位於ISQUARE的上海婆婆336吃晚飯了,由於一早訂了檯,所以不用等位, 不過其實7點前去到基本上都不用等位的,但限時個半鐘用餐時間。侍應很快便放下餐牌和茶, 我們商量好吃什麼後,侍應都很快幫我們下單。首先上菜的是生煎包, 包內肉餡較少,味道也只是一般, 肉汁也不見特別多,但不會太咸。之後侍應同時端上兩款冰涼前菜--雞絲粉皮和蒜泥白肉。雞絲粉皮不過不失,略嫌芝麻醬不夠多, 不是所有粉皮都沾到醬,沾不到的吃下去有一點點腥味。至於蒜泥白肉呢, 就不太推介了, 用白肉捲著青瓜原意應該是想吃下去有點清新感覺,不會太過重口味, 可是這次的青瓜實在太過冰凍了,而且青瓜的份量比起白肉有點多,搶了主角的風頭, 比較像在吃蒜泥青瓜。小籠包一份四個, 每個小籠包底下都墊著一小片蘿白,挺貼心的,小籠包的皮不會太薄以致一夾就穿, 味道也不錯。之後是每次必點的醃篤鮮湯, 湯料包括筍、小唐菜、乾豆腐和中式火腿, 味道鮮, 未試過的絕對值得一試。最後是上海炒年糕, 年糕偏軟身,伴有白菜仔, 還有另一種蔬菜絲, 整體味道夠濃, 不會過油。

睇戲前一行四人選擇咗離上海婆婆食晚餐，因為有朋友試過覺得好味所以推介。七點左右唔使等位就入得，安排咗圓枱比我哋。個環境比我感覺好舒服，餐廳嘅枱櫈，墻都係木嘅，枱同枱之間又唔會好逼，燈光暗暗地，令人心情都幾好。   一坐低就即刻點菜啦，大家都好肚餓！ 選擇好多，樣樣都好想食啊！ 小籠包  有水準，皮薄，熱辣辣好多汁！ 雞絲粉皮 食親上海菜都必點之一，好味 四小拼 有脆鱔、小排骨、四喜銬麩同鎮江肴肉四樣都好好味啊！尤其係脆鱔同肴肉，好味到停唔到口啊 乾煸四季豆又係食親上海菜都必點之一，同樣係好好味，好香，啲肉鬆送飯一流 今次係我第一次食呢道菜，酸酸甜甜好開胃。條魚炸得好香但唔會好油，魚肉好滑！ 擔擔麵都好好味，湯底好香好濃，麵好滑。至於排骨就好酥脆，而且份量唔少。不過本身個人唔太食得辣，所以呢個麵對我離講都算幾辣，不過都仍然覺得好好味。  336炒飯(唔記得影相 )有辣椒絲同蝦一齊炒嘅，食唔出用咩醬炒，不過飯炒得好乾身好香口，幾好味。我哋仲用四季豆嘅肉鬆撈飯食，好好味！最後係甜品 香蕉高力豆沙。個人有少少失望，覺得豆沙相對少咗啲，整體味道好淡。整體而言

普通既一餐飯局, 二人同行, 就想試下呢間好唔好食..因為未食過, 而且onday 先決定去邊到食野..所以冇得預先訂位, 不過都唔打緊, 因為呢到有搭枱, 所以你地如果唔介意搭枱, 都會好快就有位, 否則要等十幾二十張table.而且佢地既waiter好似唔太夠人...所以叫人order都有難到, 但上既食物都幾快手....咁本身我都幾鍾意食上海食物, 所以一去到就揀左最常食既小籠包 / 粉皮 / 排骨 ..等食物..但其實佢地做法都唔算好正宗咁...d味道好似好唔同....1. 雞絲粉皮 - 冇咩特別好唔好味...因為主要係配個花生醬去食..因為本身粉皮係冇味既...d雞絲又唔多覺有..2. 黑醋排骨 - 甜甜地, 睇落去好濃味, 但食落還好...只係略嫌佢有d實...3. 小籠包 (上海野必食) - 唔夠熱, 但皮都幾薄, 但肉汁少...4. 薰蛋 - 好糖心...但冇煙薰味..(冇咩印象食過, 所以唔知味道會係點)5. 上海炒年糕 - 極鹹, 除左鼓油味, 我食唔到其他味...6. 云吞雞湯 (1碗) (忘記影相) - 夠晒清甜, 因為味道太濃, 有呢個湯綜和下會好好多...7

團購了$98的二人餐，以這間上海婆婆既價位，唔算貴。唔知佢同其他上海婆婆有咩唔同，只係覺得貴啲。雖然環境係幾有格調，但午餐真係唔算平，所以唯有團購試下。P.S 336原來係上海話謝謝儂既諧音。336小籠包：皮薄湯汁濃，但鹹左少少雞絲粉皮：一般正常味道，油左少少336炒飯：估唔到黑椒味咁重，除左黑椒食唔到有咩味，飯入面亦冇乜配料香蕉高力豆沙：冇咩特別，冇乜蛋香