霞小飛 (已結業)

好耐無食過小籠包，之前係尖沙咀多數都會諗起食鼎泰豐，食得多開始悶悶地。今晚去試下其他餐廳，依間餐廳係K11，一出K11地鐡站就到，好方便。晚市有二人、四人及六人套餐。今晚想食點心多D，所以選擇散叫，可以試多D唔同嘅款式。熱辣辣蒸起，小籠包頂部收口位皮較厚。皮夠煙韌夾起唔易穿，內𥚃湯汁鮮甜。雞絲份量多，粉皮煙韌口感不錯，但花生醬太甜唔夠香。煎餅皮係酥皮，煎得香脆，餡料只有蔥粒，蔥味十足。叉燒肉質夠嫩，蔥油麵煙韌但味道偏咸，夾埋一齊食的話又甜又咸，味道麻麻。餛飩大大隻，皮薄，菜肉餡料比例平均。

我同屋企人年年都會嚟霞小飛食2-3次飯, 因為地點就腳, 價錢吾貴. 不過呢2年佢D水準真係一次差過一次...今日同 Honey 嚟撐枱腳, 點左5樣嘢 :雞絲粉皮 --- 係全餐最好食嘅. 粉皮夠滑, 雞絲同青瓜絲比例剛好, 麻醬稀杰啱啱好.上海酸辣湯 --- 真係未試過偏鹹得嚟又唔酸又唔辣嘅酸辣湯 ... 想點呢...嫩雞煨麵 --- 個湯底都仲可以接受, 但係啲麵煮 over 左, 雞肉粒有啲鞋, 菜粒唔夠 上海小籠包 --- 正常灌湯生煎包 --- 一D湯都無, 吾知灌左去邊呢... 個包皮本身好乾, 食落粉粉地, 吾軟熟, 肉冇肉汁, 失望

霞小飛的前身是霞飛點心拉麵，轉名後首次到訪。餐廳主體用上中式風格，並配上粉色系的色彩。為配合「小飛」意念，蝴蝶是餐廳的代表物，隨處可見。午市除一眾小菜點心外，亦有一系列套餐供應，適合一至四人共享品嚐。筆者點了一份二人小聚套餐，先來的是黑毛豬蜜汁叉燒。雖然説是二人份量，一碟四件的叉燒總是太少吧。論味道，叉燒蜜味頗重，肉香亦不俗，鬆軟感屬中上水準。雞絲粉皮是冷盤，出眾之處不在於香口的胡麻醬汁，而是較預期爽口的粉皮。上海酸辣湯在味道上「名乎其實」，酸辣兩味平均突出，湯料富足。香菇燒賣質感怪怪，味道一般。上海小籠包皮薄餡滑，汁多味甜幾好味。流沙奶黃包 (散點追加)：專為細細而設，包點上方有烈艷紅唇夠吸睛特別，食味上則普普通通喇！闊佬炒飯 (蟹肉蛋白) 做得不錯，炒飯乾身上味。美中不足的是蟹肉分布不平均，需注意一下。