肚餓了串燒烤焗專門店 (已結業)

又係時候跟黃店地圖搵野食😋呢個星期都係尖沙咀做野，晚晚都係尖沙咀搞掂，同事話想食串燒😂咁就唯有奉陪啦(其實我早兩日先食完).呢間串燒都出名既，都做左好多年👍🏻有咁上下質素。今晚2個人食串燒啤啤佢，鋪頭有手工啤賣。.🍢串燒京蔥五花腩$39羊仔柳$32雞肉串$39(2串)燒雞軟骨串$39(2串)勁辣跳舞雞翼$30(2隻)原條鰻魚$62微辣肉碎燒扇貝$68(2隻)燒韭菜$25芝士煙肉焗大啡菇$39勁辣虎皮椒$22..尖沙咀串燒黎講算幾抵食下，好多都係會包左2串，鍾意食辣既朋友更加要注意⚠️因為佢個「勁辣跳舞雞翼$30(2隻)」真心夠晒辣又好味，爆晒肉汁咁。抵食之選就一定要擇「雞肉串$39(2串)」2大串都係大大粒，雞肉嫩滑。「微辣肉碎燒扇貝$68(2隻)」就係我同事要叫既😅 扇貝本身明明夠晒鮮味，但加完個醬汁硬係覺得怪怪地，都係配返蒜蓉穩陣啲。「芝士煙肉焗大啡菇$39」芝士有拉絲，加埋煙肉粒好邪惡但係無法抗拒。.都係個句啦，黃店又好食，真係唔多選擇，同路人多多支持啦💪🏻

原來已經有一段時間沒有吃串燒， 昨晚與朋友想搵個地方一邊食串燒一邊傾計， 突然想起肚餓了串燒烤焗專門店， 就即興去食。 大家揀自己喜歡的串燒，鹽燒牛舌$68、金菇牛肉捲$39、雞肉串$39、香燒餃子雞翼$49、蒜蓉廣島蠔$68、 蒜蓉茄子$49、燒韮菜$25、蜜糖廣島蠔$68、罐裝烏龍茶$18、罐裝檸七樂$18。🍡蜜糖廣島蠔🦪～ 稍為有點燒過時間， 廣島蠔乾了少少。🍡蒜蓉廣島蠔🦪～ 入口juicy又肥美， 新鮮。🍡鹽燒牛舌～ 牛舌厚切， 食串燒最鍾意點牛舌。🍡蒜蓉茄子🍆～ 每次必點蒜蓉茄子， 蒜蓉和茄子兩者的味道是最夾的。🍡香燒餃子雞翼🍗～ 明太子餃子雞翼， 少少微辣 最惹味。🍡雞肉串～ 啖啖肉， 入口嫩滑好味。🍡金菇牛肉捲～ 燒得剛剛好有肉汁， 有三件份量都唔少。🍡燒韮菜～ 朋友很喜歡吃燒韮菜， 這裏燒得很嫩滑。🥤罐裝烏龍茶～ 我飲烏龍茶， 可以去膩。🥤罐裝檸七樂～ 朋友的檸七樂， 不太甜幾好。約埋三五知己吃串燒，一邊傾計一邊飲嘢， 過了一個開心的晚上。

最近去咗一間尖沙咀既串燒小店, 座位喺高枱和椅, 店內地方寬敞, 幾岩朋友聚會吹水啤下幾relax! 牆身有好多酒樽做裝飾, 幾有氣氛!🍺我地先點左佢最吸睛就係佢既粗口手工啤, 有5款唔同口味, 揀左"吊" (為免被ban, 原字請睇圖XD), 酒精濃度唔高, 飲落麥味幾出, 少少偏苦, 另外點左Sapporo生啤, 夠晒大杯, 岩晒同朋友啤啤佢🍻~🍴黎到食物方面, 選擇都幾多, 最出色既係雞肉串, 有2串, 肉質嫩滑, 加埋掃上雞肉既甜醬汁好夾, 必點😋! 每次食串燒都會食牛舌, 呢到牛舌喺厚切, keep到彈牙, 不過上枱前, 已經撒滿孜然粉, 略嫌落得太多, 有d蓋過左牛舌原味道, 建議店員可以改為提醒食客自己落孜然粉, 咁就可以自行控制想落嘅分量~ 金菇肥牛卷, 肥牛燒到岩岩好, 唔會乾身, 金菇幾足料, 數量好多又夠濕潤, 咬落去爆汁, 好惹味!燒豬頸肉切得薄身, 肉質結實, 燒至金黃色岩岩好, 唔會太乾身, 皮邊燒得香口脆身!🍟黃金薯條係加左咸蛋黃, 薯條有少少乾身overcook左, 略嫌咸蛋味唔夠香, 但咸蛋分佈平均, 岩晒配啤酒一路飲一路食🍺~🍆蒜蓉茄子係開邊焗, 好

今日同一位初相識嘅朋友會面，第一次見面總系會尷尬，這是常識吧？所以更加要揀選一個適合把酒談天嘅好地方🤤幾年前喺尖沙咀讀high dip，周不時都會同同學去近北京道同埋亞士厘道嘅一間日式餐廳食串燒同埋小食，諗番戈陣讀書真系relax好多⋯⋯出到黎做野完全系兩回事😟吾理咁多喇，好好relax埋呢一日先！裡面嘅枱櫈主要系木造，牆身又有好多酒樽做裝飾，都幾有氣氛喎。餐廳菜式以串燒為主，另外仲有不少小食，個人認為一大班人黎食系好適合嘅，當然同朋友或者情侶食又有另外一種風味。粗口啤喺呢度都夠曬特別🤣記得好似喺同區嘅另一間日式餐廳都有同款嘅啤酒？兩間餐廳應該系同一個老闆？見到呢間餐廳都幾多人推介燒雞肉，一於試吓雞肉係咪都可以整到咁好食先😆同朋友每人一串，雞肉真係幾有口感，肉質都嫩滑，呢樣係全餐最好食嘅菜式👍🏼牛舌喺串燒界都算佔一席位，黎到依度當然都不忘試試。呢度嘅牛舌比較乾身，唔似出面嗰啲咁有啲濕潤，不過口感都保持到有適當嘅嚼勁，都算OK啦。金菇肥牛卷好多串燒店都有，我本身都中意食呢樣野😋金菇嘅數量都多，同埋夠濕潤，吾會太乾身。肥牛反而同樣都系有點乾身，好彩有金菇嘅濕潤調和。豬頸肉不嬲都系好香口嘅菜

夜晚冇book，但等左一陣就見有人走就有得入！環境比較暗，好岩small talk同飲野。但我係勁鐘意串燒既人，所以重點當然係串燒啦！茄子🍆 必叫開邊焗：好香，熟晒，皮都食埋，一啲都唔硬，蒜蓉均勻搽落成條茄子，乾蒜鋪面增加口感。雞肉串：好抵食，大大條兩條，甜既醬汁同雞好襯。肉質嫩滑。牛舌：上次黎食超正，今晚有兩舊略嫌少少窿，但都無阻牛舌既爽口同香味！玉子我見蟹子比較受歡迎，但我又想試下肉鬆，都不錯！好多木魚，個蛋好厚好正。肉鬆口感又正。鰻魚勁正，佢唔算好大條，但性價比好高，燒得岩岩好。雞腎好爽口。豬頸肉比較林身，但夠味，送酒會唔錯。

朋友想食串燒，上網搵一搵，呢間個環境同menu好似唔錯，就去試一試。首先上台嘅係原條燒茄子。因為茄子本身冇乜味，所以都會擺好多蒜蓉喺上面去燒。呢度除咗有蒜蓉之外，上面仲有啲炸蒜，食落除咗有蒜香味，仲會有少少口感。推薦！翠玉瓜食落都幾juicy，面頭加咗少少味粉，令到翠玉瓜更加惹味。雞肉串係呢到必食嘅推介！！！雞肉嫩口多汁，重有微微嘅甜味，一個人食兩串都唔夠喉🤤🤤店員話因為冇晒煙肉，所以就咁用芝士焗西蘭花，味道都唔錯，飽肚之選。玉子燒比較厚身，芝士同蟹子嘅味道都好夾，味道偏甜。虎蝦係要嚟呢間鋪嘅其中一個原因，15cm嘅虎蝦，配埋個黃金醬，好好味🤩🤩🤩食串燒又點可以冇燒雞翼呢。食得太開心唔記得影相😝另一推介—— 黃金薯條，每條薯條都黐住鹹蛋黃食落去好香口好惹味，一定要食🤪🤪🤪88蚊重有兩杯生啤，因為未到9點半，所以冇叫到，下次嚟食宵夜會叫埋😆😆

今晚同朋友慶祝生日，揀左肚餓了串燒烤焗專門店，貪食串燒可以每樣試D，岩晒花心既我地侍應安排左我地坐係全場唯一望到街景既窗口位，lucky~餐廳座位舒適，燈光昏暗，播住音樂，好適合gathering我地見到menu好多選擇，不自覺地叫左好多野，哈哈~首先黎左芝士廣島蠔(2隻)，好多芝士鋪係面，蠔都唔細架~香燒餃子雞翼(2隻)，第一次食入而包餃子既雞翼，好特別~原條鰻魚，肉質嫩滑，好緊要冇骨~孜然羊仔柳，好好食，唔羶，肉質都好好咬又惹味~雞肉串(2串)，$39有兩串大大串，十分抵食，啖啖肉~鹽燒牛舌，厚身，仲有5粒甘多~肉鬆玉子燒，好中意食蛋，甜甜地，同肉鬆都幾夾~燒豬頸肉，超好食，份量多，燒得岩岩好，唔會太乾~黃金炸雞同黃金薯條，有好多咸蛋黃，新鮮炸起，熱辣辣~最佳捧住個肚走，好滿足依家仲有以$88優惠價享兩杯生啤既優惠，但太飽啦，冇飲到...

尖沙咀好多野食揀，見依間openrice好多好評，就一於試下啦！週末夜晚出街食飯，本身都驚好多人，但七點幾上到去竟然唔洗等位，可能因為依間係要上樓，而且唔係開係好旺嘅位置！咁就可以慢慢食住傾計，爽野食選擇好多，燒海鮮、蔬菜、肉類、玉子、小食、連飯都有！嗌左個燒蠔有啲失望，雖然有六種唔同口味，但食落每種口味都唔太出味，基本上分唔到係咩味打咩味！雞肉串 燒得好，夠哂嫩滑唔會太乾，孜然味道岩岩好玉子燒又係好好食！好厚好重蛋味，芝士仲要拉到絲，算幾抵食牛柳粒有啲失望，可能燒得太耐勁難先咬得開，牛味都唔係好重，而且價錢偏貴，性價比低！依個唔錯嘅，夠哂脆身，但略嫌鹹蛋黃味唔夠多，有啲無乜味咁！最後食串燒點少得燒茄子，不過水準都係一般，蒜蓉可能唔夠多，茄子無乜蒜味，唔夠入味！整體黎講，唔差但唔算太出色，可以發掘下更多平靚正嘅選擇！

無改錯名啦，好似一肚餓了就會走咗入呢度咁，串燒既香氣味道充滿成個環境，BTW如果你在不太肚餓的情況下找地方吃晚飯，串燒店又是一個好的選擇。所以呢個名真係太正了吧。【肚餓了串燒烤焗專門店】店子屬於樓上鋪，在亞士厘道，店內環境不大，一眼望晒，坐位唔多，而且坐位都屬於高椅，舒適度就一般，但係好岩飲啤酒既氣氛。臨近晚餐時間基乎座無虛席，很熱鬧。圖中呢個係我走個陣影既個個都食完走晒所以冇乜人。肚餓了以串燒為主打，店子的串燒種類夠多，大致可分為雞/牛/羊/豚肉類、海鮮類、丸子類、蔬菜類、小食類、烤焗系列，多款創意食品。另外桌子上放有孜然粉和辣粉供客人自行調味。🔹燒韭菜 $25打頭陣就係燒韭菜， 因為燒韭菜係燒烤蔬菜之最，燒完還保持濕潤，味道亦控制得剛剛好，口感鲜香爽口！如果鍾意孜然粉嘅朋友，落D落去超簡單就變得更好食啦。🔹黃金薯條 $62黃金廳該知道是指咸蛋吧，不是普通芝士薯條喔，用上新鮮鹹蛋黃混合牛油和秘製椒鹽粉製成的黃金醬，配上粗切薯條，一放入口，每條薯條入口都有濃郁既蛋黃咸香味，好食但真係超油膩！係超邪惡既一道小食。「 黃金薯條」能夠成為此串燒店的必叫名物，當然有所特色！🍻BTW如果呢個Mo

上個週末突然想食串燒，所以就search最就腳既串燒店🍢🍡上到去人客吾多Walkin就有位👫有好多款肉🥩 點左雞串牛舌豬頸肉羊仔柳生蠔茄子🍆啱哂肉食者，大大嚿肉！但出奇地好快就上碟，令我覺得佢大部分已經ready to eat，未必係即叫即整😤但佢每張枱都放置調味粉比客人自由落👍🏼而且地下有個籃，可以比客人擺袋👍🏼飲品選左啤酒而已，其他吾吸引👉🏽👈🏽但係指定日子去有買幾送幾多人去就抵🥰

今日放工同男朋友諗唔到食咩好，去咗尖沙咀上OpenRice搵吓睇吓有咩食🤔見到咁多好評最後就去咗呢間 “肚餓了”入到去細細間但氣氛好好本身個人對海鮮冇乜興趣🐠🦂🦀但好彩Menu選擇夠多。。。嘢食到左，見到份量又真係幾多，味道又唔錯！而且價錢親民，全部新鮮熱辣！！！值得下次再去！今次得兩個人食唔到咁多，見到隔離枱仲有其他我哋未食嘅，黎緊要試下。。另外，餐廳有好多類型嘅手工啤酒🍻，放工同朋友去吹下水休息下，係個好地方！

夏日炎炎又BBQ癮起，約朋友一起走黎食下BBQ串燒解解暑。蒜蓉茄子每一次食串燒都會點一點茄子，除了十分入味之外，份量也十分多，可以慢慢品嚐，口感也是十分滑嫩，可以感受到濃濃既燒烤味道。汁燒鮑魚有兩粒鮑魚都算是十分超值，燒法是用汁燒，令到鮑魚深深到吸收了汁液的味道，加上鮑魚自身的鮮嫩口感，兩者配合得十分得宜，而家醬油調教得十分好，每到燒烤後香味濃郁而且也不會太咸，兩者真是相得益章。安格斯牛肉粒牛肉的肉質是十分鮮嫩多汁的，除了外層是有一點燒烤的香味外，內部的肉汁都被鎖定了，一口咬入便有很多牛肉肉汁散發出來。雞肉串燒烤來說除了牛肉難控制火喉外雞肉也挺難的，過火便會肉質粗糙而鞋口。呢兩串雞肉串便沒有此問題，肉質仍帶有嫩嫩的感覺，另外份量是十分足夠，啖啖都是肉。黑松露廣島蠔/芝士扇貝/蒜蓉燒虎蝦三款海鮮都十分鮮味，加上不同的配料，令燒烤完後更加有風味，配料都十分多，蠔肉質鮮嫩又多汁，扇貝過了少少火喉，但有芝士搭救了一下。虎蝦雖然唔夠大隻，但是加上蒜蓉十分惹味。

行完海港城，想找個地方落落腳，朋友說不如吃串燒，他介紹最近亞士厘道開了間評價不錯的串燒店。很累很肚餓了！近近地就試試這間樓上串燒店吧肚餓了，位於亞士厘道17-19號的6樓。沒有大廈名稱有點難找，但大廈的出入口有食店招牌，認住隻雀🐦就唔怕miss out當晚平日8時多來到full曬，我們等了大約10分鐘才入座，提提大家記住要book位串燒種類多，點菜是在紙上劃下order，然後給店員便ok燒韮菜 $24第一道上枱的是燒韮菜。韮菜不會燒得過火，吃下還有汁液，加一點孜然粉最prefect四式燒蠔 $119這個四式燒蠔最適合款款都想試既朋友。由最上一款開始，分別是蒜蓉燒、黑松露、金黃醬和芝士四款。蒜蓉燒最香口，芝士則惹味，黑松露味濃，金黃醬夠特別蒜蓉燒扇貝 $49蒜蓉與扇貝永遠是最佳的配搭燒後又鮮又甜，吃多幾隻都仲得。黃金薯條 $59肚餓了的招牌菜式，加入咸蛋來油炸，薯條沾滿咸蛋味，咸香滿溢燒雞泡魚干 $49雞泡魚干必須襯熱食，咬下香甜可口，一個人也可ko一碟麻辣肉碎燒茄子 $45大量肉碎又麻又辣，滋味無比，實在抵食雞肉串 $39孜然粉味重，雞肉嫩滑，十足十當年在新疆街頭吃的串燒味道甜薯串 $

今天和老婆仔出席了一個活動之後到處拍照又來到尖沙咀繼續拍照不過老婆仔說她肚餓了於是到處尋找美食在一個易拉架看到這間餐廳都是串燒類的食物我們都很有興趣嘗試於是上來了這裡環境比想像中高級是高級餐廳的格調我們都坐得很舒適有好多酒瓶作裝飾事實上串燒配酒確是不錯可惜老婆仔不能隨便喝酒菜單上的食物都很吸引看到名字都能想像到那份香肚餓的老婆仔馬上寫了一大堆食物分別要了個48元的燒白肉卷廣島蠔28元的燒柚子雞翼28元的勁辣跳舞雞翼18元的棉花糖燒多士58元的鹽燒珍寶凡立貝58元的燒黃黑椒香茅18cm虎蝦48元的黃金薯條14元的雞軟骨串38元的雞肉串88元的汁燒鮑魚和28元的車厘茄煙肉串逐碟串燒作評價用燒白肉卷包著蠔這種食法我可是第一次吃本以為燒蠔會令蠔的鮮味失去但也白肉卷包著令串燒的香味是從外層散出而蠔沒有經過直接燒所以鮮味仍然保存是一種不錯的製法之後上的是兩種雞翼燒柚子雞翼是燒雞翼上加上點柚子汁燒得很出色柚子味也更能帶出雞翼的香而勁辣跳舞雞翼更是名符其實吃第一口已經感覺到辣再吃下去更是想不到辣味如此強真的有想跳起來的感覺老婆仔更是吃了一口就吃不下去馬上叫了涼茶喝不過愛吃辣的人應該會覺得很爽而棉花糖燒