金所 (已結業)

話說呢間嘢一開，我已經好想試，但撞正肺炎，結果無出遠門一排。前排終於去到食，真係無令我失望，好好食！佢d staffs仲好nice，我排隊嘅時候，突然間好暈，入到去個staff竟然好好咁幫我將杯茶，換成暖水👍🏼（雖然我最後都問佢可唔可以換返杯茶比我）我估佢係以為我生理期，怕我涼，勁細心☺️-我揀咗：雞肉入沾白布烏冬($86)南蠻curry沾白布烏冬($86)-咖喱就無乜太特別，係香、甜，好食嘅！不過個雞肉實在太出色，所以我比較推薦雞肉🤤-呢間金所，絕對係有下次，重點佢仲要唔洗加一，勁抵食！一開始我見佢得7塊烏冬，以為會唔夠食啦，點知原來都夠飽肚㗎喎！真心推薦大家嚟食，而老闆旗下嘅舖頭都全部都好高質，我全部都食過曬㗎！👍🏼😍

位於大角咀，開咗一間好特別嘅烏冬舖，佢外問係全黑嘅，唔講以為佢未開門，其實佢係營業中，而門口外仲放咗餐牌。一入到去都係有種神秘嘅感覺，因為全黑，坐位唔多，有間黑房，有兩張四人枱，其餘係類似廚師發板嘅bar枱。望下個餐牌，有分兩種烏冬，一種係白布沾烏冬，一種係白布湯鳥冬。而我同朋友都點咗雞肉入沾白布烏冬$86。一上到嚟，雞肉湯溫暖，唔係太熱，試咗一啖湯，醬油味偏甜，而烤過嘅大蔥清新爽囗，雞肉約三塊，有烤過，但硬身咗少少。烏冬沾上暖暖嘅醬油湯，滑不溜口，雖然外表上似一塊塊餃子皮，但相對餃子皮更為煙靭，厚得嚟有相對嘅咬感。而烏冬份量都幾多，所以都幾飽下。

最鍾意食烏冬，難得今次餐廳嘅主題係首次喺香港出現嘅白布烏冬，即刻走嚟試！星期六晚上6:30嚟到，已經有幾個客人等緊位，慢少少都有排等！等咗大概20分鐘就有位，座位唔算多，坐吧檯前都依然非常鬆動menu好簡單，只有熱湯烏冬，沾麵及凍烏冬，配搭鴨肉、雞肉、梅乾及天婦羅。所以好快就選定食乜，唔洗左諗右諗！鴨肉入熱湯白布烏冬 ($75)鴨肉連皮，咬落非常鬆化，比起平時食嗰啲硬到咬甩牙嘅鴨胸真係好得多。配料有茄子、大蔥，湯比沾麵嗰種清淡少少~ 而烏冬呢，由於浸晒喺湯入面，想拎佢出嚟影相係有啲難度，好難夾起！雞肉入沾白布烏冬 ($86)想影烏冬，叫呢款或者凍烏冬就好好多嘞！湯汁以海帶、鰹魚及醬油煮成，比熱湯重口味啲。有4件好juicy嘅雞肉，茄子及大蔥。本身我都唔係好鍾意食大蔥，但呢度嘅大蔥冇嗰種辛辣味道，食完都唔會成陣味留喺口腔之中。食到咁上下，加入薑茸及蔥粒，又有另一種味道。自家製白布烏冬賣相似雲吞皮，滑溜到不得了，厚薄適中，如果摺埋嚟咬更加顯得彈牙。聽隔離檯話食得好飽，但我想講，其實既得意又好味到唔夠喉！山藥 ($18)食咗一輪烏冬都仲未到嘅？原來係新鮮即磨㗎，加咗啲鰹魚汁令山藥更加有味道。