Simplylife Bakery Cafe

营业中

休息中

SIMPLY LIFE係一個傾計聚腳嘅好地方，唔好處就係要排隊。平時習慣去奧海城個間，貪佢夠大唔洗等，不過就無最愛嘅黑松露面，所以就算等半個鐘等一個鐘都係要等。SIMPLYIFE吸引我嘅地方唔止係黑松露，仲有佢杯橙茶同頭盤面包。平時飲開檸檬茶，估唔到橙茶係咁好飲，會記住個味道，想一飲再飲。SET DINNER有橙茶＋SALAD／SOUP＋頭盤面包，面包好香脆，大大舊。黑松露面其實好口岩素食人士，或者平時想食素都係一個好嘅選擇，佢好香芝士同黑松露，好CREAMY，而且好飽肚。SIMPLYLIFE係美心集團旗下，都係有心之作，不過唔係樣樣同間間都好食。

呢間係我最愛的食肆之一，同朋友仔慶祝生日，而且佢又未來過，梗係揀呢度啦！menu品種多，而且又好食，坐得又舒服，唔限時so gd!早少少來等位，因為星期日全日都好多人。等左一陣就有位了，好幸運丫我地5個人，一人叫左一個餐，搞到食唔到cake早知叫4個啦！下次要醒目啲至得。#餐前沙律&包#今次有青蘋果，有時係紅菜頭。沙律好清新，酸酸地的醬汁。個法包係我的至愛，搽滿晒牛油，正到痹丫#蟹肉沙律#好多蟹肉，仲加左啲炸脆左的蒜片。芝麻花生醬的份量啱啱好，唔會多到有膩的感覺。#fish&chips#啤酒脆漿食唔出啤酒味，不過嚿魚肉都幾大嚿，而且唔'鞋'。薯條同沙律就唔使講啦，無得輸！#莎樂美腸蘑菇pizza#呢個係好好食，估佢唔到。熱辣辣上枱，啲芝士連住晒，鹹味適中。必食推介#雞肉burger#burger我唔係好啱，嚿肉好'鞋'。我一向都唔會叫burger的。#手制扁意粉#成個野都怪怪的。我唔鍾意佢個麵，係有口感嗰種，對於我來講係太粗。個粉的味又唔係咁好，無下次丫！飽到上頸，自然食唔落cake啦，為有等下次喇！