影片
更多
2012-09-18
149 浏览
7月1日, 為慶祝回歸, 我地當然都要襯住呢個假期食番一餐好嘅~ 我地今日嚟到沙田, 係因為要去睇個畢加索展, 所以朝早可以食個飯先~ 咁啱之前買嘅團購卷又可以用, 嘩完全係好配合嘅一日~ 11點半我地就嚟到, 原來都有唔少人食呢個團購自助餐, 安排好入座後我地就攞野食~::: 生蠔海鮮類 :::今日呢個自助餐其中一個賣點就係即開新鮮生蠔~ 所以一開始就二話不說去攞生蠔先, 食客眾多, 每人每次只限攞三隻, 剛好有三款唔同生蠔, 就每款先要一隻試味~ 雖然都有名字提供, 但係都唔太知道邊隻打邊隻, 食落口有一隻味道好creamy好鮮甜, 就係相中最左嗰隻, 其他二隻雖然味道只屬普通, 但都好新鮮~ 話佢地鮮味同彈牙感十足都不為過, 只係佢地都要求每隻生蠔即開後都要乾淨, 起勢咁用水沖走裏面嘅殼同沙, 以致海水味唔夠豐富. 因為平時其他地方d生蠔都只係開定放喺冰上面, 食2-3隻就頂唔順d腥味, 今日竟然食咗八隻仲好似未夠! 但係為咗其他食物唯有留下肚~除咗生蠔之外, 唔少得其他海產類嘅凍食~ 包括有長腳蟹、翡翠螺、青口、龍蝦仔同埋凍蝦~ 每一樣都算新鮮, 好味嘅有長腳蟹同青口, 長腳蟹
::: 生蠔海鮮類 :::
今日呢個自助餐其中一個賣點就係即開新鮮生蠔~ 所以一開始就二話不說去攞生蠔先, 食客眾多, 每人每次只限攞三隻, 剛好有三款唔同生蠔, 就每款先要一隻試味~ 雖然都有名字提供, 但係都唔太知道邊隻打邊隻, 食落口有一隻味道好creamy好鮮甜, 就係相中最左嗰隻, 其他二隻雖然味道只屬普通, 但都好新鮮~ 話佢地鮮味同彈牙感十足都不為過, 只係佢地都要求每隻生蠔即開後都要乾淨, 起勢咁用水沖走裏面嘅殼同沙, 以致海水味唔夠豐富. 因為平時其他地方d生蠔都只係開定放喺冰上面, 食2-3隻就頂唔順d腥味, 今日竟然食咗八隻仲好似未夠! 但係為咗其他食物唯有留下肚~
除咗生蠔之外, 唔少得其他海產類嘅凍食~ 包括有長腳蟹、翡翠螺、青口、龍蝦仔同埋凍蝦~ 每一樣都算新鮮, 好味嘅有長腳蟹同青口, 長腳蟹略為濕咗d, 不過鮮味尤在~ 青口幾爽口同清甜, 點少少cocktail sauce更加鮮味~
::: 沙律頭盤類 :::
沙律款式都幾多, 有差唔多十款特色沙律, 再加上可以自由配搭沙律菜, 醬料都有5-6款, 確實不錯~ 每一款沙律都各有特色, 每種醬都有各式各樣味道, 可以先來個清新沙律開個胃, 都係唔錯~
另外有特色嘅係凍肉批, 比較少喺自助餐食到, 有三文魚同雞肉選揀, 凍凍地幾好食, 又唔會啖啖肉好滯~
當然亦都唔少得每個自助餐都有嘅火腿、煙三文魚、意大利香腸、芝士呢d~ 款式都好多, 尤其芝士有3-4款, 雖然都係唔太知道係咩名堂味道夠濃郁, 配上餅乾食好好味~
湯呢就記得飲咗一個南瓜湯~ 南瓜味豐富個甜味又好自然, 唔錯! 南瓜茸亦都溶晒落d湯度, 煲得夠爛之餘又保留到少少質感~ 麵包同樣出色, 有香甜味又夠鬆化, 平時食自助餐會儘量唔食麵包不過真係好味到食多咗~
::: 日式刺身燒物天婦羅 :::
呢d刺身、燒物、天婦羅都係畫紙仔然後交由廚房即做, 所以先有新鮮熱辣嘅保證~ 刺種種類唔多, 只係有三文魚, 鯛魚同北寄具揀, 我地唯有叫晒~ 三文魚新鮮, 味道肥美, 冇乜筋, 足見質料同手勢都好~ 鯛魚同樣都夠鮮味, 唔至於入口即溶但係都合格有餘~ 比較失色係北寄貝, 過凍而食唔到鮮味… 食完一round都有再encore三文魚, 可惜可能解凍時間唔夠, 三文魚只有雪藏味, 呢一樣就要改善下.
燒物種類都唔係好吸引, 最想食嘅羊扒竟然冇, 失望! 其餘嘅雞翼、雞軟骨、多春魚都唔係好吸引, 所以只係叫咗和牛肉眼同茄子~ 對和牛肉眼有期望, 換來都唔係有乜驚喜. 肉質有d韌明顯係燒得熟咗d, 牛味亦未見突出… 茄子就普通得嚟都叫入得口, ok咁啦.
終於天婦羅有番多少少款揀而又啱食, 叫咗軟殼蟹、蝦、茄子、南瓜同蕃薯~ 有番少少似樣嘅賣相, 而且都整得夠乾身. 軟殼蟹同蕃薯都好好味, 軟殼蟹炸得香脆, 入口卜卜聲, 蟹肉尚保留到鮮味, 好味! 蕃薯夠甜, 又夠粉, 都係好好味~ 要彈一定係個蝦, 雖則個蝦肉有鮮味, 都係彈牙嘅, 不過最主要天婦羅炸蝦應該炸到半生熟, 要保留刺身嗰種鮮甜味, 呢個就做唔到, 肉質過熟以致蝦肉好實, 唔配個炸粉…
::: 熱食類 :::
其實一路食都係以海鮮為主, 刺身、冷盤、天婦羅嗰d都好少有牛羊豬雞, 以為熱食會有番多d紅肉, 但係原本一打開嗰d熱食盤, 大多都係可以喺冷盤嗰度搵到~ 有青口、蟹、魚柳、蝦、龍蝦呢d咁, 大多數都係清一色用白汁煮, 食得太多同類海鮮都有d膩… 味道係非常好, 有青口、龍蝦呢d好彈牙, 凍熱食同樣咁出色~ 要數最特別, 就係意大利雲吞, 都係同白汁煮, 雲吞皮好索汁, 加埋中間嘅芝士同菠菜, 十分香濃美味~
::: 雪糕甜品類 :::
甜品都有幾多款唔同嘅蛋糕選擇, 有芝士蛋糕、朱古力蛋糕、忌廉蛋糕等, 味道都不過不失. 最鐘意個blueberry cheesecake, 芝士餅厚實綿密, 芝士味香濃, 好食到食咗兩件. 另外亦有d玻璃樽裝住嘅布甸、奶凍同mousse等~ 其中朱古力mousse味道超濃, 朱古力迷應該幾鐘意.
除咗蛋糕, 仲可以自己親手整個窩夫, 只要倒d蛋醬喺部機度, 合埋焗一陣就得~ 窩夫好香蛋味, 又好香脆, 加埋朱古力醬簡直係我嘅至愛~
又有呀菲愛爆嘅雪糕, 有3種口味, 雲呢拿、朱古力同士多啤梨~ 雪糕入口奶味濃, 唔會只有冰味, 個人喜愛都係朱古力, 當然我係輸俾呀菲嘅, 不過我地合力食咗超過10球, 正!
::: 飲品 :::
飲品每人有2杯, 先係食野嗰陣有汽水或者紅白酒, 食到甜品時間又可以叫杯咖啡~ 我要咗咖啡, 呀菲就要cappuccino~ 咖啡味道算濃, 入口味道嫌唔夠啡味, 合格~ cappuccino
終於都食咗我地嘅團購, 整體嚟講中規中矩, 好食嘅有生蠔、凍盤、麵包、軟殼蟹天婦羅、意大利雲吞~ 失望嘅都有, 和牛、蝦天婦羅同其他熱食都係… 整體嚟講, 如果鍾意食海鮮嘅就可以大飽口福~ 環境都好舒服, 有塊大玻璃夠光猛, 座位都幾寬闊, 侍應態度都ok~ 如果下次仲有呢個團購我都會想番兜, 就係為咗佢嘅生蠔!
张贴
