詠藜園四川菜館 (已搬遷) 新店位置

之前去過裕民千歲，嗰邊走中上檔路線，而呢間位置相對吊腳，就走傳統川菜館風味，裝修古色古香。睇餐牌，印象中兩者價錢相若。先嚟碟「話梅涼瓜」。涼瓜浸咗咁耐話梅汁，確實冇餐牌張相仲可以咁翠綠，苦瓜啲白衣清得夠乾淨，所以冇苦只剩甘味，加上滲透哂話梅汁，好食程度係想返家依樣畫葫蘆煮番味。「改良擔擔麵」同冇改良個分別比較明顯係多咗肉鬆（本質係肉碎，不過佢口感模樣都夠鬆化），麵底俾湯底浸潤住依然爽滑。「紅油抄手」始終掂唔到我心目中抄手嘅汁底，唔夠蒜，欠點甜。「雲白肉」片身比較厚，同樣唔夠蒜，反而豬肉肉味夠濃又彌補番。餐牌無可否認選擇真係夠哂豐富，會有興趣日後試埋晚市。

(點咗勁多嘢，但食評內最多只可上傳12張相，其他嘅請參閱「相片」)龍舟隊隊友嘅家族生意，認識佢之前已幫襯過多次，無論黃埔店定鑽石山都試過，帶家人或工作帶日本遊客都嚟過，有不少回憶。一向我會點醉雞，佢個酒底真係好好味，酒味濃，偏少少甜，記得我媽媽試過忍唔住飲哂個汁，哈哈哈。首次配豬手，爽口彈牙，冰涼清爽，充滿膠質，口感層次豐富比醉雞更過隱。遇到靚皮蛋同遇到靚仔單身港男一樣萬中無一，呢個流心皮蛋真係好食到有高潮眼，個汁調味一流，甜甜哋，男神級冷盤。其他前菜仲點咗肴肉同手拍黃瓜，另外仲有店主送嘅拔絲燈影蓮藕同自家製香辣薯片。好似比以前退步咗少少，瘦咗少少，有少少柴皮，份量也偏少。點咗小籠包同生煎包，呢度唔係主打包點，但絕對合格有餘，甚至比唔少專門店更好。小籠包皮薄新鮮。相反生煎包唔係祥興記嗰種薄皮嘅，而係一般酒樓食到嗰樣唐包包皮，但佢又比一般酒樓點心個皮薄一半左右，所以唔會太頂胃。嚟自娃娃菜的甜味令整個菜非常清甜，姐姐仲建議我哋飲咗個湯先剪開隻雞，否則會太油，真係細心。雖然是湯煮，但雞仍能保持嫰滑。松子魚就比較普通咗少少窩巴係自家製，一大片上枱，望落勁似豪大大雞扒。鬆脆有米香。用嚟點原本配嘅

詠藜園大名不知聽過多少遍，友人經常在我面前吹噓，說在這裡撞見過發哥云云，已令我心癢癢，但一直也沒有來過，因為這一間，我不想一個人獨自來吃一碗擔擔麵，要吃，就多些人來吃個痛快吧！今天和一班食友來到，真是正中下懷，也可以多試幾款。其實這裡的菜式已經發展到不只有四川菜了，但久聞這裡質素跟之前相比已經走下坡，是真是假，由自己的舌頭來判斷最好了。吃之前不得不提這裡的豆漿，一榨豆漿實在很抵飲，比起杯裝，幾個人還是要一榨吧，而且味道還不錯。冷盤先來幾碟小吃，素烤夫、涼拌海蜇、鎮江餚肉、美味燻魚都味道尚可，我本身小時候家中都會常吃這幾味，吃這幾味我比較喜歡不濃味的，這個理念其實有別於吃川菜，所以同桌有朋友也再一次說了一句感覺沒以前好吃，可能就是味道沒以前夠味吧。棒棒雞絲不過不失，喜歡那個醬汁，再配青瓜絲，是稱職的清新冷盤。鮮肉小籠包有別於現在坊間流行的皮薄多汁，這裡的皮會厚了點，但也因此不會易穿，不過感覺肉汁少了點，吃慣新派鮮肉小籠包，應該會對這個未必滿意。但我還是覺得不錯，我平常去吃三六九，也是可以一人三四隻的，傳統也有傳統的好味道。今天叫了兩款雞，麻油雞麻香不錯，也易入口；口水雞辣度不小，開始有點