蒸廬 (已結業)

黃埔分店比石門本店大一倍有多，座位闊啲，坐都舒服啲。落單用QR code非常方便，點心係現場點心師傅製作，所以落單之後要等一陣，食落好似真係同石門店有分別。最重要係！如果想食黑金流沙包，就要星期五六日先有啦。*酥脆炸鮮奶 $32新鮮炸出嚟，炸鮮奶外面有層白麵包包住，炸到非常酥脆，同時都非常吸油。入面嘅鮮奶軟滑，但係好重假奶嘅奶粉味。瑤柱蝦米煎腸粉 (特) $30腸粉煎到金黃脆脆地，入面又唔會太乾，可惜瑤柱蝦米量少，腸粉米香亦好淡。雲石芝麻包 (大) $26雲石包唔算大個，雲石紋非常淡，甚至唔似雲石紋。雲石包本身鬆軟，可惜入面嘅芝麻餡似花生餡，芝麻味非常薄弱，味道好奇怪，有啲張口。晶瑩蝦餃皇 (頂) $34每粒蝦餃都好飽滿，摺紋平均又整齊，可惜蝦餃黐住咗，扯開啲蝦餃嘅皮會爛。蝦餃皮煙韌唔黐口，餡料有一隻多啲嘅蝦，仲有少少豬肉，鮮味十足。養生薑汁糕 (中) $22紅棗薑汁一層層交疊，煙違軟糯，用筷子絕對夾唔開。薑汁唔會太過辛辣，而且唔會過甜。蟹籽燒賣皇 (特) $30燒賣同樣大粒飽滿，燒賣皮薄，餡料有少少蝦粒，豬肉為主，帶少少瘦豬肉嘅咬口，食落唔會覺得肥膩，合適我口味。蒜香菜心牛仔骨蒸飯

我成日食呢間良心小店嘅石門分店，今次就食黃埔店😋一入到餐廳就比陣藥材湯味吸引住🤣忍唔住叫咗一盅黨蔘天麻川弓燉魚頭湯 ($65)🐟佢真係好足料，而且燉到個魚頭都溶哂咁，睇得出真係燉得好有火候🔥湯水好足藥材味，不過飲耐咗會feel到有少少苦，好睇大家接受程度喇～至於鮮蝦菜苗餃 ($31)，呢粒餃好飽滿，入面嘅蝦都好爽口，調味濃，好推介👍🏻我次次都會叫蟹籽燒賣皇 ($31)，燒賣好彈牙，調味適中，好食不過唔算好驚艷～呢個魚湯蟲草花鮮竹卷 ($23)口感好好，入面包嘅蔬菜唔會太淋，襯埋個湯一齊食我覺得配搭好好👍🏻鮑菇蟲草棉花雞 ($31)係我最愛😍啲魚肚索哂啲汁好好食呀😽仲有菇類都係我最鍾意🤣雖然我比較冇咁鍾意雞，但雞都好嫩滑的😆原籠蔗糖馬拉糕 ($27)有六舊，口感鬆軟，好香蔗糖味，又唔會過甜😙我本身唔係好鍾意食芝麻嘅嘢食，不過呢個雲石芝麻包 ($27)比我想像中好食好多，因為佢比較流質，唔會食到好滯，芝麻味亦都好香，不過我覺得略甜咗少少🤣蒸蘆嘅流沙包類都好有質素👍🏻無論係邊一間分店，水準都keep到👍🏻我覺得價錢都算相宜，食物質素高，十分推薦！😆

黃店飲茶🫖最適合帶父母家人一起去👨‍👩‍👧‍👧這家店都很有名，先在石門開店，到現在的黃埔分店👍🏼//✨黨蔘川麻天弓燉魚頭湯✨蟹籽燒賣皇✨鮮蝦菜苗餃✨養生薑汁糕✨魚湯蟲草花鮮竹卷✨雲石芝麻包✨韭菜黃金魚餅✨荷香糯米雞✨佛系芝麻糕必試招牌的原盅燉湯，足料無添加，是媽媽湯的感覺! 🥰各款點心的size都比想像中大😱令人期待的芝麻包味道也不會太甜，流心效果就不是很澎湃🤣另外以為芝麻糕是蒸點熱食，怎料是冷的甜點，芝麻味都挺香，不過較喜歡熱食😝

一直都好鍾意食點心💕咁啱試到呢間黃店就覺得特別有誠意 點心好多創意既款式🎨外面食唔到又會定時轉款式唔會悶😅 美中不足既係點心大部分上碟既時候偏油 今次太飽了 無試到佢Signature既燉湯🍲 下次搵個機會試一試先⭐️ 蒸蘆拼美點 🌈一個人可以試曬唔同款式💕 啱曬貪心既我 其實食曬咁多樣都好飽😅 個人特別偏好甜點🍮 例如馬蹄糕口味比較清甜同天然😚 馬拉糕既口感鬆軟中又唔會太腍🍰反而鹹點既餃類皮有點後 較容易飽🌝⭐️ 雲石芝麻包 🗿新鮮即做既流心芝麻包好吸引😍 外表既雲石pattern又好靚🥳 芝麻餡好濃郁 甜度適中⭐️ 蒜香鮮蝦春卷 🦐份量大之餘蝦亦都好大隻 👍🏻口感爽口而蒜香味豐富🧄⭐️ 鳳凰煎糯米雞🐔薄薄既蛋皮🍳保住豐富既餡料好有特色😚估唔到入面仲有隻雞翼添🍗 但係糯米份量偏多偏飽

好多朋友都推薦話黃埔新開嘅蒸廬好高質，今日忍唔住即刻同男朋友去試下午茶！感覺到佢哋用心做點心，又有相同嘅理念💛，連唔鍾意食點心嘅我都覺得一定要黎幫襯。-下午茶時段人比較少。鋪頭乾淨企理，佢哋防疫措施亦做得好好。好多點心專門店都唔平又「的式」，但蒸廬價錢唔算太貴，下午茶點心由小點$15至特點$31不等，唔經唔覺兩個人叫左好多款。-💛美點一份有9款，燒賣粉果全部大大粒。食晒成盤都唔覺油膩，感覺到的確較少人工調味同脂肪。-💛抹茶紅豆餅超好食，外皮煙煙韌韌，兩邊煎過後帶點脆身；內餡嘅豆沙唔會過甜，完美。-💛菜苗餃外皮煙韌透光，入面每粒都有成隻鮮蝦同滿滿菜苗，脹卜卜好滿足。-💛叉燒包竟然係用抹茶皮做，入面嘅叉燒香甜嫩滑，食完都唔覺滯！-💛芝麻包外表好雲石可惜影得太衰⋯⋯芝麻餡係流心，一搣開已經好香芝麻味，餡多唔小家。-💛蛋散偏甜，適合甜食愛好者，上面仲有椰絲、花生同煉奶，而且食到最後都keep住脆！-💛最精彩嘅一定係呢個黑金流沙包🤤食到最後一個先記得影相！趁熱食奶皇流沙餡甜而不漏，超流沙極邪惡。而且仲係限定，今日我哋勁好彩剛剛食到最後一份！-💛比較驚訝竟然會有白咖啡飲，飲左一啖就知道，係星馬飲到