泰廚泰國菜館

营业中

休息中

泰式豬頸肉湯河茶餐好思念冬陰功湯，+$5可以將個湯底轉為冬陰功湯底，味道很香濃，豬頸肉經過炭燒後份外惹味，還帶有少少爽口感覺跟餐仲有杯青檸冰，在炎炎夏日十分解渴 泰燒和牛串少有泰式店舖會有和牛串，只需 $25 就有一串，份量都叫做多(因為厚度取勝)價錢合理，還配上自家制的醬汁，真係要一人一串先會過癮串燒沙嗲叫左一串豬肉同一串雞肉的串燒，食得出真係即燒出來的泰式炸蝦餅炸蝦餅因為都幾大塊，店舖幫我們切開一半，蝦膠好彈牙又熱辣辣店舖有兩層，坐位舒適又闊落，店員似係泰國人感覺很地道

今日同朋友出了旺角食菜國菜，呢間泰國菜已經幫襯過好幾次，次次都令人覺得回味。今次都沒有失望，大滿足。下午時分，人流都十分多，坐下後，跟朋友研究點什麼吃。午市仲有好多套餐可選，十分抵吃。我們點了一個麵餐，再加點小食，一同分享。點了一個泰式魚麵餐。麵可以選金邊粉、河粉或出前一丁。其實每款都各有特色。我們點了金邊粉，總是覺得食泰式配上金邊粉會更為滋味。辣辣魚，好惹味，辣汁香辣濃味，好吸引，而且又不會過辣，口感同味道都不錯。另外我好鍾意個金邊粉跟上冬陰公湯底。冬陰公湯底香而不過辣，十分吸引，帶點微微辣及微酸，滋味滿分。正。而且份量都不算少。不錯不錯。另外點了一份泰式酸辣鳳爪沙律，十分惹味，好多好多白雲鳳爪，爽爽脆脆，口感好好，而且味道又正，微微酸酸十分開胃，會令人愈食愈想食。仲配上了好多沙律，有洋蔥、生菜等等。好惹味。另外仲點了數款串燒，每款都好惹味，即點即燒，啖啖肉。點了兩串豬肉串燒，兩串雞肉串燒及兩串雞翼串燒。款款都啖啖肉好惹味。而且價錢又唔算貴。套餐跟了一杯青檸冰，冰冰涼涼帶點青檸青香，十分解渴。爽另一杯單點了一個椰青，清新爽甜，食泰菜配上椰青最滋味。

同fd係旺角行街，行過呢間餐廳又肚餓，就入左去食個飯叫左個豬頸肉，泰國菜既豬頸肉唔知點解硬係好食d🙈其實望落似叉燒多過豬頸肉，唔會好多油脂，但都好juicy💕之後叫左串和牛食，烤得唔錯，唔會過火因為咁啱係下午茶時間，就同fd一人叫個餐先黎既係撈麵，我本身以為係好似泰式既撈檬 ，但佢係好港式既肉醬撈麵😂佢仲加左隻煎蛋同d青瓜絲，份量都唔少,幾飽肚配左杯青檸冰，飲落好清新然後叫左個薄餅點咖哩汁食，佢有三種咖哩揀，連青咖哩都有😂佢個薄餅都係比較中式，有落到蔥花，食落都有d似蔥油餅，佢係脆脆地，薄身個隻，口感唔錯呢個餐配左香茅冰，因為未見過，但我一開始get錯，我以為係香芋冰，飲個陣先知原來係香茅，但其實飲完都唔知香茅係咩樣😂下午茶$3x-4x都幾抵食，佢個豬頸肉真心令我有d想Encore,但實在太飽，唯有下次😊

曾經呢度係我午餐既飯堂，以前喺附近返工，每星期都總會食兩三次。事隔幾個月再黎，人面全非，見開既侍應都唔同哂，只係淨返收銀既伯伯係熟悉既面孔。侍應轉左係小問題，不過態度都轉埋，坐低諗左一陣食乜，侍應就掉本menu 去檯面...之後落單話要一個雞飯，佢說係咁sell 我話要餐牌嗰個，過餐牌嗰個係雞脾...我最後都係要返lunch set...雞飯黎到，雞無味...只可靠點汁...飯唔係黃薑飯，係啡啡地色既飯...唔太好味...同之前食既唔同哂...

以前成日同朋友經過旺角通菜街，都見到呢間泰國菜館門口好多串燒賣，有好多人排隊，之後會有個肥姐姐喺度燒燒燒，之前都已經想試下。今日因為太熱，所以決定入去堂食，可能時間尚早，不用等位，very good坐低就見到呢塊每日優惠，今日係星期一，所以侍應姐姐都推介我地試吓槽魚。我諗住2個人1一定叫到200蚊，所以就叫咗一客1蚊泰式生蝦晚市食海南雞飯，都冇馬虎。飯好重薑油味，雞超滑冇骨，所以好好食雖然係特價，但用料十足，所以好重香料味，同埋一啲都唔腥，仲好滑添。一蚊都有4隻，算係咁啦，醬汁才是靈魂，沾了後，感覺超fresh，加埋蒜片同辣椒，冇得頂。主要係想試串燒，但人都係貪心，咩都想試吓，春卷足料，同埋全部都係熱辣辣，讚啊！蒜蓉包都多蒜蓉，唯一缺點係太多件，兩個人食唔哂要打包龍眼冰太多冰青檸冰，酸甜適中，解辣唔錯環境可以，唔算好窄，尚算舒適，同埋晚市繁忙時間都冇趕人走，算唔錯。

已不是第一來這裡了，上一次是在這裡吃午餐，約三十元便可吃到一大碗有質素的金邊粉和扎肉。這間是在旺角中心點而又便宜的泰國菜。不經意逛到三時，下午茶代替午餐吧。泰國店不少得椰青($38)，價錢跟其它店相若。椰肉滑嫩，椰水青甜，味道清涼潤喉。椰青屬於低熱量的飲品，比檸檬茶及咖啡等更健康。到泰國菜店不能不點，伴隨著各式各樣濃味辛辣的泰國菜，更顯其清甜止渴，是炎炎仲夏最佳飲品。紅咖喱豬扒飯($55)，紅咖喱真是萬用，可伴飯麵薄餅，但伴豬扒和飯才是最好吃，可說是白飯殺手。豬扒厚薄適中，肉香爽。豬扒大件入味，紅咖喱的辣味相對較少，不吃辣的人也可吃這道菜。豬扒飯免費配青檸冰，很「泰式」的飲品，青檸與甜味中和，這裡的青檸冰調製得較好，不會被青檸壟斷飲品味道。適量的甜味令整杯飲品更清新。除了青檸冰，還附送一碗湯，看上去普通的一碗湯，味道同樣是極致。上次與朋友到這裡吃午餐，便喜歡上這清淡的湯金邊粉。這次再點泰式扎肉湯河($42)，這裡的扎肉厚切，每一口扎肉都彈牙，金邊粉份量多、滑而掛湯。扎肉與金邊粉的口感皆好，配上清淡的湯底而不至於口涸。最欣賞的菜是馬拉盞炒通菜($67)帶點微辣，鑊氣十足，馬拉盞和辣椒充足

中午去了旺角道與通菜街的泰廚食午餐。餐廳有午餐及炒粉麵，全部由$40起，價錢合理，份量十足，而且有湯有飲品送，非常抵食。泰式炒金邊粉金邊粉呈橙色，炒得爽口且乾身，裏面有些雞絲、芽菜及大葱等做配料，還有些花生碎，整體帶點甜味。海南雞飯雞肉已去骨，近雞胸位置，肉質嫩滑，雞皮脂肪不多，油飯爽口，不過雞油味略嫌不夠，旁邊還有些酸蘿蔔絲，去掉油膩感。青檸冰淡淡的青檸清香，酸味適中，消滯之餘又解渴。香茅冰有淡淡的香茅及薑味，味道清新解渴。

一條佬由太子行去旺角搵飯食，又唔想食咁貴，但又唔想食頹飯，之後睇到呢間食泰國野啲set lunch又唔貴，平時lunch又好少食。先黎個例湯，都係味精，分別在於係中式定泰式。之後黎左青檸冰，對我黎講好甜，所以加左水，再者都唔少冰，可以加速溶化。豬手飯到了，比我想像中好味，豬手好嫩，啲肉好淋，又醃/浸到好入味！皮有少許肥，但食落唔會爆油，好滑溜。本身入去嗰時都唔多人食，諗住野食麻麻，但食食下啲人就係咁入黎坐到爆唒。

每次從旺角菲律賓天橋向金魚街出口出去, 慢慢會有陣香噴噴的燒烤味撲鼻落到地面就知道這是從便利店旁的泰廚菜館門口傳來今天約好友人到旺角街市買餸準備晚餐前到泰廚食個lunch大概兩點半已經過了食飯時間, 但餐廳仍有不少食客, 而我們三個被安排由左邊樓梯上二樓翻看一下餐牌, 原來下午茶餐非常吸引, 而吸引之處絕對是價格$28泰粉跟泰式飲品‼️泰式炒麵飯連餐飲都$50有找‼️還無收加一‼️‼️‼️於這個物價飆升的世代, 位於旺區地舖還要是出入口人流多的餐廳居然有這人道的餐價, 相信只此一間入到泰舖沒有不叫泰粉的理由, 所以叫一份扎肉湯河配青檸冰湯底是清湯, 甜酸辣可自行調教, 這是泰粉讓我偏愛的理由另外, 我們二人還點了泰式酸辣鳳爪沙律, 泰式燒豬頸肉, 馬拉盞炒椰菜苗泰式酸辣鳳爪沙律份量十足, 洋蔥絲好爽甜, 主角鳳爪無骨爽口, 為午餐胃口大開泰式燒豬頸肉手掌般大的份量, 薄切得帶點脆口香口, 配上泰式辣汁, 非常惹味馬拉盞炒椰菜苗條條爽口椰菜苗, 非常入味愈食愈辣愈想食最後當然唔少得串燒, 雞/ 豬 / 司華力腸各點一串雖然是燒出來但仍有肉汁, 所有串燒外脆內軟最重要必定是沙嗲醬汁, 重椰香花生醬及

心血來潮去到旺角想食泰國菜, 立即醒起平時逛完寵物街/金魚街, 剛好在天橋上下位的位置有一家泰國菜, 門外有即叫即燒沙嗲, 見餐牌價格親民便進店一嚐推門後, 原來餐店一共有兩層, 下層坐滿客人, 餐店姐姐便安排我們到二樓打外餐牌, 想吃什麼都有, 撈檬/湯河/即粉麵飯, 餐廳早上7時便門始營業, 連泰式早餐都有跟朋友先來一份泰式即炒餐, 套餐配餐湯, 飲品香茅冰或青檸冰, 不用加$2, 反而咖啡奶茶便要加錢店員先奉上餐湯濕濕口, 肉碎冬瓜湯亦充滿泰國風味, 不算太濃味帶點胡椒味青檸冰味道唔會太酸, 開胃清爽金邊粉即叫即炒, 份量夠大碟, 金邊粉已炒得非常均勻, 每一條都是鮮橙色, 沾上紅蝦乾, 雞蛋/雞肉/韭菜/豆腐乾一齊炒泰國菜絕不能缺少泰式肉碎生菜包, 豬肉碎加上香蔥/檸檬葉等材料一齊炒, 再夾雜爽脆的生菜一起進食簡直是無懈可擊, 肉碎不算太辣且非常大碗, 適合港人口味之後來一客小食拼盤(大), 共五款小食, 超值另有小份可選擇炸蝦餅 - 彈牙, 蝦膠打得夠實在魚餅亦有口感, 加上更加多香料味道會更好食炸春卷, 新鮮即炸好脆口, 內裡材料是素菜, 清清地沙嗲可選雞或豬, 不得不讚雞

今日晏就同朋友黎到呢間位於旺角既泰國餐廳-泰廚泰國菜館，一入去，可能由於係正直午餐時段，餐廳坐滿哂人，職員就指左我地上二樓，好彩岩岩好仲有兩個位，可以唔洗等。我地兩個人，分別叫左一個飯，一個撈檬。1.泰式手撕雞配油飯上到枱，其實係海南雞配油飯，雞既分量唔少嫁，有6件，仲要係雞脾位Tim，D雞肉好滑，雖然係冰鮮雞，但竟然做到食唔出雪味，另外D皮好爽脆，油飯而都好好味，唔會好油，一股甜甜既清香味。另外套餐仲跟左碗餐湯同埋杯特飲，湯無咩特別，係通常海南雞飯都配一碗湯，有淡淡胡椒味。餐飲就簡左青檸冰，酸酸甜甜好開胃，而且唔洗另外加錢。2.炭燒豬頸肉撈檬豬頸肉撈檬好大碗，面頭有切得好幼細既生菜絲，炸左既乾蔥絲同埋花生碎。同平時食既撈檬唔同，店家好細心，醬汁係用雪櫃雪住，保證食果陣撈檬係夠冰凍。我一向係重口味，一落就落左好多醬汁但食落就發覺落得太多，完全唔同平時食開既餐廳，佢既醬汁好濃味，蒜味同辣味都非常之重，食到一半實在頂唔順，跟住店員好貼心幫我加左d湯，變左酸辣湯檬，味道都好唔覺，令到一個檬兩個食法！！由於我地係食午餐時段，所以價錢好抵食，見其他既食評都係話呢間餐廳係好出名，希望下次黎可以一試

出差工作，在旺角食午飯，去了泰廚。餐廳面向大街，招牌光猛，容易找到。簡單叫一個泰式即炒餐。先喝餐湯，味道清淡，無添加味精，肉粒添加口感，但始終有肉，油是無法避免。 A餐因無牛肉暫停供應，於是改為C餐，是馬拉盞肉片炒河，以紅椒、青椒和雞蛋炒，色彩繽紛，加入馬拉盞辣香醒神。大廚克制，不加太多油，不會太過油膩，相對健康。肉片份量夠多，切得夠薄易咬開，不會好韌。 餐飲是青檸冰，可能因為少冰，味道甜了一些，雖然中和馬拉盞的辣，但未能喝完一杯，有些可惜。 這餐消費$47，經濟抵食。

上星期六中午人在旺角, 突然好想食泰式雞飯, 上OR check過金魚街有泰國菜館, 諗都冇諗就嚟呢度開餐.時間都接近兩點, 上下兩層坐滿晒人, 人流極旺.星期六都有特價午餐, 叫咗泰式手撕雞配油飯同濕炒雞絲河, 跟餐有湯同香茅冰或青檸冰, 兩個餐都各自唔過五十, 喺旺角算抵食.泰式手撕雞配油飯個油飯顏色比較黃, 不過食落又同一般油飯冇咩分別. 泰式雞汁係成個飯既靈魂, 有咗佢飯同雞都好食.濕炒雞絲河河粉係泰式河粉, 又闊又短, 河粉有煎過, 帶少少啡色. 上面有好多配菜, 不過過芡汁少d就更加好.另加青木瓜沙律同冬蔭功大頭蝦湯. 青木瓜沙律有咸蟹好正宗, 有咸鮮釣起成個味.冬蔭功大頭蝦湯有好大隻大頭蝦已開邊, 個湯有比較多蕃茄, 味道比較酸, 香料較少.跟餐杯冰大大杯好解渴.

今個lunch黎左呢間食撈檬，呢間平時經過會食佢d串燒，幾正架！係咪一望就知邊間呢哈哈炭燒豬頸肉撈檬($38)，食落味道同越式既有唔同，無咁酸辣，個醬汁d料好多，甜甜酸酸辣辣，撈檬真係越食越開胃豬頸肉夠味，燒得岩岩好，撈檬梗係要配豬頸肉架啦，咁先好食，仲有大量既菜，一啖檬入面有好多菜，健康既味道哈哈跟餐有青檸冰，檸味夠！另外叫左個泰式咖哩蝦球($110)，嘩好大碟除左大碟之外，蝦球份量相當多，而且隻隻都大隻食咖哩梗係要叫埋薄餅($30)食啦，點咖哩汁食先係人生既享受薄餅岩岩整好相當熱，但食落唔會過油，點埋咖哩汁好惹味呢個咖哩出奇地唔辣，唔知係咪因為泰式既關係，甜甜地幾正，最正都係有個薄餅，擺埋隻蝦係上面一啖食哂，蝦有咬口好味。泰式椰青($38)，泰式野梗係要飲埋椰青，好鮮甜，走果時基本上所有椰肉都食哂！

今日影完相剛好路過旺角菜街。以前菜街北有好多餐廳，而家好多都變左寵物店，咁就入去順便買少少野。一出黎，準備走佬時，係天橋邊見到呢間泰國菜，即刻入去食，諗都唔洗諗。因為佢而家大廈維修緊，所以搭晒棚，一個唔小心都會miss左間野。唔知點解 upload 完會由直度自己訓返低… 頭已則。鋪內係舊式小店，有兩層的，仲有泰皇張靚仔相！冷氣頂都有擺設先來一個冬瓜湯～ 有肉碎﹑薑蒜﹑西芹同冬瓜去做的，好甜，飲完即刻消暑，覺得好舒服！由於太太唔係太鍾意飲勁多冰既野，落單姐姐又話青檸冰可以走冰，咁就當然試下！酸酸地，又係消暑開胃野！呢個就係泰式豬手飯。豬手肉質非常軟滑，亦唔會好肥膩。佢跟黎果碗泰式醬汁係鋪頭先家調配，超好味！係成碟飯既精粹。火車炒飯，一上到台頭就香噴噴，食落都非常香口。少鹽﹑少油，比較淡口，但香味搭救，岩晒健康既香港人！好老實，碟飯都份量都唔少，食完都覺得唔夠喉！炒通菜係每次食泰國野都必點既野。呢次點左馬拉盞。自問都食左差唔多100個唔同鋪頭既炒通菜，真係家家都有特色，自問都係半個專家。不過呢間鋪頭炒既都好吸引到我！佢又唔係太似一般馬拉盞，唔咸唔辣，但多左一份酸甜。呢個炒通菜會令人越食越