Prime Pho

营业中

休息中

記得好耐之前幫襯過一次「Prime Pho」，嗰時仲喺晌「擺花街」窄窄嘅舊鋪，因為嗰次有少少即興，亦唔方便影相，所以，食評就無寫喇。最近，先知佢搬咗去嘉咸市集「My Central」樓上，而正正約咗朋友食飯聚一聚，故就不如揀佢啦，就晒我，收工行過去都得嘛。雖然「My Central」位置有少少隱蔽，但對晌中環返工嘅我，當然唔難搵，而比起舊鋪，呢度大好多，裝修簡約，水泥地，水泥牆，有少少似工業風嘅感覺。入門靠右全行都是面壁位，適合一、兩人，尤其放午飯時間，呢啲面壁位好搶手；而再入啲，就好見到好多四、六人枱，配以射燈，感覺唔錯，加上晚市較少人，用餐輕鬆。睇店名，你都估到主打就喺越式湯粉，不過，搬到嚟新鋪，菜式就再進化，唔單止有湯粉，仲有沙律、炸物、越式小食、主菜、米紙卷、米紙薄餅、甜品、啤酒及特色飲品，可謂夠晒悅目。此外，枱旁仲插咗一張餐牌，原來喺一啲特色飯品，為「飯桶」客人提供多一啲選擇。雖然想試嘅嘢好多，但簡簡單單試咗一款小食、一款越式法包及其招牌湯河。青檸梳打 $35近排天氣叫涼咗，不過，有時又熱番，老友揀杯青檸梳打志在想爽吓。杯內唔止有半個青檸晌度，仲加咗好多薄荷葉，加上有汽嘅梳打

今次同個frd黎到位於中環My Central 1樓嘅Prime Pho食dinner，入到餐廳好快就有侍應帶位，餐廳座位好寬敞坐得非常舒服。今次我地叫咗Prime Pho bo招牌河、醬燒茄子、炸軟殻蟹米紙卷同埋兩杯飲品。Prime Pho bo招牌河份量十足，尤其係中間舊牛尾超級大舊，第一次見有餐廳放咁大舊牛尾落碗pho😂。除咗牛尾之外，重有封門柳、牛脷、牛腩、牛丸、牛𦟌、牛筋同札肉，個人覺得最好味係充滿骨膠原嘅牛尾、牛味濃郁嘅封門柳同自家製嘅油炸鬼👍🏻，另外佢地熬咗廿四個鐘嘅湯底都係好出色，湯底極之鮮甜。醬燒茄子原條茄子燒，size非常之大，中間落咗啲米餅、櫻花蝦、魚子醬同芫茜蔥。侍應教我地切開一份份之後卷埋黎食，食材配搭好有新鮮感，口感亦都好豐富。炸軟殻蟹米紙卷最外層嘅光紙卷好煙靭，入面包住咗軟殻蟹、檬粉、生菜同蘿蔔絲，軟殻蟹非常脆，生菜夠新鮮，配合既醬汁有餐廳自製嘅花生醬同埋美味既魚露，最緊要係好味得黎份量十足👍🏻飲品方面我地叫咗同蜂蜜牛奶越南咖啡同青檸梳打，咖啡係越南滴漏咖啡，客人可以睇住啲咖啡慢慢滴落啲蜂蜜，另外牛奶重溝咗啲椰奶，成個combination好新鮮，似落就似

Prime Pho 位於中環My Central, 可搭升降機上1樓到達。餐廳空間大，座位闊落，坐得舒服。木系工業風格，吊扇都係木造。半開放式廚房，睇到大廚努力烹煮，職員也勤快招呼客人。火燒牛腩撈檬Grilled Beef Brisket Cold Vermicelli$78燒過既牛腩片好香，連埋生菜、芽菜、青瓜片、蘿蔔絲一齊食，係完美配搭。牛孖寶（牛筋，牛腩片）Choices of two（Beef Tendons, Beef Brisket）$92有多片牛腩片和多條牛筋，份量十足。湯河湯底香牛肉味，忍唔住一路食一路飲。牛油果奶昔Avocado Milkshake$50真材實料用牛油果制作，因為喺飲品內見到有牛油果肉，非常好！牛油果味越飲越濃郁，帶有淡淡奶香奶，入口軟滑，飲完覺得好健康。青檸梳打Lime Soda跟餐＋$15冰凍既梳打，附帶幾舊青檸在內，炎炎夏日飲佢係不錯之選。P. S. 餐廳好好不設加一服務費，喺中環難得一見！讚！！

和朋友相約到附近拍照，動身前當然先要吃飽飽😂附近這座新地標裡面原來有不少餐廳，這間越南湯河點裝潢簡潔利落，我們決定吃它填肚。牛孖寶 $92湯河最重要就是湯底，湯底好基本上就完成了整個菜式的70%！醇厚帶甜的湯底沒有多餘的油份，湯河爽口份量也很多，配料方面選擇了生牛肉和牛腩片，牛腩片紋理鮮明，有咬口之外還有濃郁牛肉味，吸收了湯汁後味道更加豐富，至於生牛肉甜味相當突出，兩者各有特色，蘿蔔入味爆汁，果然是招牌菜式。火燒牛腩撈檬$78賣相非常吸引，牛腩片確實是整盤菜式的焦點所在，腩肉燒到微焦，煙燻味之下還有濃郁牛肉味，繽紛的蔬菜下有份量頗多的米粉，加酸甜的醬汁吃爽口開胃味道又豐富，青瓜加牛腩真的是很完美的組合。青檸梳打 甜度適中，青檸不戳也有非常足夠的青檸味，加上薄荷味一直飄香，令飲品清新爽口。特色檸檬茶這款特色檸檬茶比一般檸檬茶多了一重香料味，味道會相對濃郁，配搭牛肉湯河其實比想像中搭配。

喺中環搵餐廳食夜晚，畀我感覺一係好頹，一係好高級🤣有時Search都唔知食咩好，朋友介紹咗間越南嘢話好高質，收工行過嚟試下。發現地理位置都有少少難搵，搵咗陣唔見my central，原來就喺無肉食棟嘢樓上，如果經嘉咸街上會經過街市攤檔，都質疑咗自己幾次先搵到。嚟到發現同上網睇一樣，以越南菜而言，餐廳裝潢算幾精美，燈光都顯得比一般嘅更有格調，位置寛闊又多，樓底高，整體環境氛圍都坐得舒服。環境：🌕🌕🌕🌕🌗牛孖寶［生牛肉］［牛腩］$92生牛河嘅湯底好高質，完全唔同平時啲味精湯，濃郁而一啲都唔覺䶢，仲想飲多幾啖。生牛肉薄切紋路色澤夠靚，牛味都好出，牛腩竟然仲有爽身嗰種質地，好加分，覺得中環區又味道又高質 嘅話$92都唔算過分燒豬肉撈檬 $78叫得燒豬肉唔多唔少都有啲驚會乾柴，但呢度燒得好好味﹗Keep 到爽口又Juicy，非常香口，而且撈檬擺盤非常非常整齊，有豐富青青同生菜、酸蘿蔔做拌料，無論拌菜同主食都對得住價錢～很好很好👍青檸梳打 $15本身唔會好甜，啱中和返食完粉嘅感覺，份量都可以

近排睇咗 Kiki & May 嘅片 見佢介紹呢間越南野 就想去試下啦😗呢間平日夜晚食冇乜人 坐得幾舒服😌唔知好唔好食呢😚👅生牛肉湯河 $88佢嘅湯底幾濃郁 牛骨湯幾清甜😋佢嘅牛肉都幾高質 嫩滑得嚟肉味都幾濃郁 同埋牛肉份量幾多 整體幾好食🤤🤤不過就略嫌佢嘅河粉比較碎同埋偏淋 河粉一入口就好似溶咗咁🤫👅招牌PHO $108佢有齊生牛肉 牛腩片 牛脷 牛筋 牛柏葉 牛丸牛展 扎肉同蘿蔔 非常之豐富🤩🤩牛腩片同牛脷都煮得幾淋 其他就正正常常🤭👅越式炸春卷（跟餐）$20春卷熱辣辣 炸得好鬆脆 入面嘅餡料都幾足料 好食😋😋👅青檸梳打（跟餐）$15酸酸哋 好開胃😛總括嚟講 佢嘅越南河粉都幾好食😋不過呢度淨係主打越南粉 冇乜其他越南野食🤭但係如果想食越南菜又唔想排隊嘅話可以嚟中環呢間越南餐廳一試🤩😋 好味：8.18/10🤑 價錢：7.84/10🤗 服務：7.88/10😝 環境：8.09/10😚 衞生：7.78/10🤩 整體：8.11/10