Orange Elephant Thai Restaurant (啟德道)

营业中

休息中

朋友想搵間坐得舒服又傾到計嘅餐廳，九龍城最多嘅梗係泰菜，睇咗咁多間呢間裝修及環境最舒服，餐廳亦做緊$1 優惠價換購到多一樣嘢食或嘢飲，二話不說就確定去食。餐廳嘅$1優惠每日不同，只需要叫主餐牌內嘅一個項目加$1就可享受優惠。咁啱今日嘅係我鍾意食嘅酸辣去骨鳳爪沙律，當然要嗌返個嚟食吓。—————————酸辣去骨鳳爪沙律，酸辣開胃，雞爪肉很脆因無骨食起上嚟最方便，再配上洋蔥及蕃茄等等嘅配菜，醃得很好又入味，唔算辣。———————————青檸辣椒明爐烏頭魚，魚夠大條，而且魚肉肥美可口，配料又酸又辣，夾住魚肉食非常惹味，停唔到口。—————————乾炒噴靚咖哩海鮮，入面嘅海鮮有魚肉，青口，魷魚，蝦。個人最鍾情呢款咖哩，唔辣，裏頭加入花生碎及椰奶，增添奶油般滑順濃厚的口感及帶有花生香氣，本身叫咗蒜蓉包伴著一齊食，但太好味嘅關係實在唔係好想浪費個汁，嗌多碗白飯撈汁食。————————————飲品就叫咗椰青及龍眼冰，椰青清甜解渴，椰肉厚，不錯。另外龍眼冰唔會太甜，龍眼肉亦多，夠大杯。————————————係同區嚟講總體感覺不錯，價錢唔算貴，服務亦正常，落單上菜速度正常。

今晚我同朋友終於可以放工嚟到九龍城，一齊嚟食泰國嘢啦﹗最鍾意食金邊粉嘅我，點會錯過呢次機會呢~我哋都叫咗好多食物，份量都好多。首先係冬陰公湯，雖然本身唔係好食得辣，平時飲一兩啖就會停手，不過今次味道啱啱好，飲完一碗身體都暖苙苙呀。之後仲有我最愛嘅蛋網海鮮金邊粉，材料豐富之外，醬料又唔會太濃，好好食呀﹗而朋友話想試下青檸辣椒明爐烏頭魚，起初我都怕會好多骨好難處理，好彩啲骨都好明顯，而且魚肉都鮮甜呢。食泰國嘢，緊係要飲椰青啦~最後見到隔離枱叫咗串燒，我哋都追加咗份雜錦串燒有豬、牛同雞，食到好飽啦。

上星期五，為咗補祝媽媽生日，豬太郎同屋企人一齊去咗九龍城食泰國菜，揀咗呢間企企理理、價錢又唔貴嘅Orange elephant，而家仲有$1小食，日日唔同㗎！.#冬陰公湯 $82打頭陣有豬太郎最鍾意嘅冬陰公湯，有兩個份量，細份量嘅啱啱好一人一碗，酸酸辣辣好開胃，仲人人都有蝦食𠻹！.#蛋網海鮮金邊粉 $82家姐最愛嘅金邊粉，有蛋網包住成個麵，用叉劃過蛋面，包住熱辣辣嘅金邊粉，香味十足，唔會炒得太濕，甜度適中。.#青檸辣椒明爐烏頭魚 $162鍾意食海鮮嘅我哋又點可以唔嗌返條魚呢！青檸同辣椒鋪滿整條鳥頭魚，魚肉唔會唔會太鹹，一邊夾白雪雪嘅魚肉， 一邊點返佢嘅湯汁，味道啱啱好。.#焗紅咖喱海鮮 $142紅咖哩唔夠辣，有少少失望嘅，呢度嘅海鮮炸完再放入咖哩，令到個漿好杰身，不過料就好足喇，有蝦、魚、魷魚同青口。.#泰式炸蝦餅 $1點可以唔介紹當日嘅一蚊小食，由星期一至日都有好抵食㗎！炸蝦餅同平時份量一樣，外面香脆、蝦肉爽口彈牙！非常滿意。.#特選椰青 $38#芒果冰特飲 $34我哋仲嗌咗椰青同埋芒果冰，椰青勁清甜，仲有嫩滑嘅椰子肉；而芒果冰，滿杯！仲要係綿綿沙冰，同家姐兩個人share都得啊！

位於九龍城的Orange Elephant Thai Restaurant，店舖裝修十分醒神，門面光鮮，非常新淨。店內用色十分大膽，色彩繽紛，而我最喜歡這一面橙牆，既美觀又有特色之餘，仲非常「貼題」。每天的一蚊優惠，一共有7款咁多，日日唔同！今天是星期四，可以加一蚊叫多碟通菜，真係超級抵！飛天通菜 $1通菜爽口，醬汁微辣中有一點點的甜，而且仲有炸蒜嘅加持，提升咗香味！就算係特價菜式，亦一啲都唔馬虎，抵讚！芒果冰特飲 $34沙冰打至極為幼細，入口順滑，正！鹹檸雪碧 $26鹹檸和青檸中和了汽泡，是一杯鹹鹹甜甜，入口順滑的特飲。泰式拼盤 $139賣相擺盤精美，有蝦餅、春卷、魚餅和香葉包雞。蝦餅：外皮香脆，蝦肉彈牙可口，鮮味濃郁！魚餅：魚味突出，十分惹味！春卷：香脆可口之餘，仲帶一點點咖哩味。香葉包雞：以預先除去竹籤，可以輕易取出雞肉。雞肉很香，肉質滑嫩！青檸辣椒明爐烏頭魚 $162今晚的主角是明爐烏頭，我們選了青檸辣椒口味，賣相惹人垂涎。上湯青檸味十足，酸味極度開胃！撥開香料和魚皮，見到魚肉帶黃色，係最肥美嘅黃油烏頭呀！明爐能保溫之餘，仲提升了蒜、芫茜、香茅等香料的香氣，齋聞都令人食指大動！

黎到九龍城總會十居其九係食泰國菜，這次也不例外環境十分寬敞，而跟在旁食客也不會太過接近，一點也不覺擠擁酸辣去骨鳳爪 $68每次食泰國菜，無骨鳳爪總會是必定嗌既前菜，酸酸甜甜十分開胃，作為今晚晚飯既starter 青檸辣椒明爐烏頭魚 $158相比平時會點的酸辣湯，這款明顯十分清新，有時食得太濃味間中也要清淡一下來洗洗味蕾。 烏頭份量十足，啖啖魚肉，而辣味亦不會搶了魚的鮮味泰式燒雞 $198皮是薄而脆口，而肉質沒有因油炸關係而dry, 而且又沒有過多油份，沒有感到十分油膩

雖然並不是泰國菜的頭號粉絲，不過一年裡總有兩三次心血來潮想吃泰國菜，但前提是必定要有生蝦刺身的餐廳，所以要多選擇還是去九龍城找泰菜餐廳。今次瀏覽開飯網，留意到這家餐廳有別於以往，座位坐得舒適亦較寬敞便決定到這家晚餐。生蝦刺身($88)，一長碟捧著六小杯上碟，生蝦刺身厚肉、肉質十分爽口新鮮加上辣椒、蒜頭很惹味，如嘗辣的話絕對要再點蘸附設的青檸辣汁，酸辣醒胃。生蝦的酸辣汁對我來說，實在帶點刺激，點了椰青($36)解辣，椰汁水清甜夠大個，加上在內的椰子肉軟腍，有得飲有得食。馬拉盞炒通菜($58)，已經是每到泰國餐廳必點的菜式之一，用馬拉盞炒通菜，無論是菜葉抑或通心菜莖都完全吸收了馬拉盞汁液，帶點香辣，菜莖香辣帶爽口，唯一要改善的地方是油太多，近吃到底的時候，要隔一隔油都能吃下。青檸辣椒明爐烏頭魚($158)，會隨烏頭魚再加一碗湯方便湯汁煮滾快到乾涸的時候添加的，餐廳算是細心，一尾烏頭魚份量十足，大概三至四人食用也完全沒有問題，所以我們兩個吃的時候也頗意外，烏頭魚因為加入青檸辣椒，湯汁連魚肉入口時會帶很輕微的酸辣，但魚肉煮得剛剛好，配有湯汁魚肉亦算細嫩。泰皇咖喱炒肉蟹($278)，咖喱不辣就最