Terrace in seaside (德福廣場1期)

营业中

休息中

呢間韓國餐廳越開越多 店員嘅柑橘貝雷帽更加係好吸引我嘅注意🤣 成日經過都想試下 不過今次一個人嚟 試唔到甜品同飲品 淨係食到一樣嘢 打開餐牌 感覺focus都係喺甜品同飲品 主菜選擇唔算多 最後揀咗擺盤比較有趣嘅紫蘇飯🤗韓國蜆肉紫蘇飯 $138紫蘇飯麻油香味重 而蜆肉就係平時韓式辣醬熱炒嘅味道 好惹味 不過口味同辣味都頗重 食到中間有啲膩 要撈落飯度中間夾塊沙律菜嚟食整體嚟講雖然好香口 不過對我嚟講口味略嫌太重 食完隻碟都有啲油 份量唔算大 一個女仔食完都唔係好飽肚 連埋加一性價比一般🤔我去當日餐廳俾嘅係即棄餐具 唔太環保之餘 都有啲影響打卡意欲 而且搵咗店員好耐先攞到杯水 不過味道係ok 可以再試下搵多個friend share嘢食 試多啲其他嘢性價比:🌕🌕🌗🌑🌑味道:🌕🌕🌕🌗🌑服務:🌕🌕🌑🌑🌑賣相:🌕🌕🌕🌕🌕環境:🌕🌕🌕🌑🌑結論: 可以試下其他嘢食⛺Terrace in seaside (德福廣場1期)📍九龍灣偉業街33號德福廣場1期1樓F11號舖🔖#fml_kowloonbay#fml_koreancuisine🧲#TerraceimSeaside #九龍灣 #九龍灣美食 #九龍

遠睇到餐廳入面有棵大大嘅柑橘樹，而且店員都戴住柑橘造型的帽，已經覺得間鋪頭好得意，平時返工經過見到間鋪仲要排隊添，所以真係心郁郁想試好耐🌝韓國蜆肉紫蘇飯一上碟見到分咗一半係炒飯，一半係蜆肉紫蘇葉，炒飯底配上韓式辣醬炒的蜆肉，真係好惹味！份量十足，蜆肉又大隻又多，充滿韓國風味。🌝醬油五花肉飯卷食韓國嘢又點可以唔叫飯卷，充滿芝麻香的飯卷包上燒得香脆嘅黑毛豬五花肉，再淋上特製嘅醬油汁，肉香四溢，口感豐富，真係值得推介。🌝水果忌廉三文治呢個水果想試好耐三文治，三文治包覆住厚厚嘅cream, cream 內有紫薯、提子同埋奇異果，望落去有三種不同的顏色，配合軟綿綿嘅麵包片，食落清新甜而不膩，好適合係炎炎夏日食。🌝綠油油蜜瓜窩夫綠油油蜜瓜窩夫係招牌甜品之一，窩夫外脆內軟，加入新鮮嘅蜜瓜同店內招牌的柑橘，清新又多汁！而且在滿滿的忌廉上灑上開心果碎，口感非常豐富。🌝濟州柑橘乳酪呢個係必點項目！一見到成杯飲品都係柑橘造型真係俾佢攻陷，乳酪用上韓國濟州島出產嘅柑橘汁同乳酪混合而成，飲落酸甜可口，帶有淡淡嘅清新柑橘香氣，值得推介。🌝凍洋甘菊桂花茶呢杯茶以洋甘菊同桂花為主要材料，清香怡人，有助減壓，更配有一片

一直ᑲ᥆᥆kmᥲrk左好耐📝終於黎試呢間韓國柑橘ᥴᥲ𝖿ᥱ 餐廳以濟州特產的柑橘做主題🍊大部分菜式都見到柑橘蹤影😂裡面有一棵柑橘樹好療癒😍員工仲戴住頂橘子帽好可愛🤭韓國蜆肉紫蘇飯🍛蜆肉用韓辣醬醃製，份量佔左1/4隻碟，目測接近有50隻🤩，炒飯加入紫蘇葉及芝麻粒帶出獨特味道，而且粒粒分明有咬口，每啖飯拌入蜆肉一齊食，食落辣辣地香濃惹味，伴碟仲有少許沙律菜🥗及一件柑橘🍊初夏開心果窩夫🧇表面鋪滿好多新鮮士多啤梨片🍓及開心果碎，仲有薄荷葉及食用花做點綴，窩夫🧇外層香脆內裡鬆軟，切開中間有開心果醬超有驚喜🤩，味道更突出，鮮忌廉口感綿密但食到尾有點膩的感覺，適合同朋友一齊分享好飽肚🫄濟州柑橘乳酪🍊造型好搶眼🤩，用來打卡非常іgᥲᑲᥣᥱ💯，杯上放左一個被挖空的柑橘🍊做裝飾，幾乎每張枱都有叫🤭，果肉香甜的柑橘汁，混合酸酸甜甜的乳酪，飲落好清新解渴👍凍柑橘湯力咖啡🍹底層充滿果肉的柑橘汁🍊，混合湯力咖啡☕，飲落有少少甘香帶點微酸，較易入口，適合唔飲得好苦但又想飲啡的人試😂，食完甜品再飲返啖咖啡可以減低膩感😊

以濟州柑橘主題，想入去食好耐，每次經過那個令人垂涎欲滴的櫥窗，見到各種美食及窩夫，總想嘗試一下，但克服不了要排長隊的決心，今日終於得左。 蟹籽雞蛋薯仔蘋果沙律 $78蟹籽及雞蛋分別左右兩邊鋪滿了，撈勻後吃味道不錯，蘋果粒爽口不會酸，伴碟更有一件切件的橙件，多汁鲜甜，滿滿的維他命。韓國蜆肉紫蘇飯 $118好特別好韓風嘅一個飯，大量蜆肉混入韓式辣醬，炒飯亦混入好多紫蘇碎，咸咸地少少辣，如果食開一般韓國菜覺得悶悶地，不失為一個新穎嘅選擇。飯旁亦有切件橙做伴碟，隨意的把橙汁圍一圈淋上去，混合飯來吃，味覺清新了，不錯。初夏開心果窩夫 $122厚厚且蛋香鬆脆嘅窩夫，上面鋪滿士多啤梨及綿滑嘅cream，有超多開心果碎，窩夫並非普通蛋漿，入面綠色的有很香的斑斕味。 濟州柑橘乳酪 $68賣相好吸睛，用了整個柑橘混合乳酪，喝起來酸酸甜甜很清新。 熱洋甘菊桂花茶$48本來以為是普通洋甘菊桂花茶，入面放了柑橘乾片，除了有洋甘菊桂花的花香味，還充滿了柑橘的酸味，完全令我驚喜的一個組合，橙味把花茶的味覺提昇了。

之前一直好想試，但一直都冇時間就啱嚟食，今日經過開就同好友一齊去試～ ～～～廢話少講，食評即到～～～～🍊韓國蜆肉紫蘇飯 $118韓式辣蜆肉飯，蜆肉量多到佔半碟，蜆肉辣辣地，非常開胃，2個人食絕對冇問題👌🏼伴碟仲有少少沙律菜 + 一楷柑橘🍊蟹籽雞蛋薯仔蘋果沙律 $78份量都多，最中意係有蟹籽 + 1楷柑橘🍊以白橙強烈對比，沙律好開胃，中意輕食必點🍊初夏開心果窩夫 $122滿滿蛋香鬆脆嘅斑斕窩夫，上面鋪滿士多啤梨 🍓 + 非常綿滑嘅cream 夾雜著超多開心果碎，仲有食肉花 + 薄荷葉，每一啖都有開心果香味+ 斑斕香味，好好食🥹特別推介俾中意食斑斕嘅朋友仔～ yyds 🍊濟州柑橘乳酪 $68必點✨打卡yyds!上面超大柑橘🍊 （只是裝飾品🤣)柑橘肉已經變成juice~ 酸酸甜甜柑橘汁配上乳酪，非常之開胃 🍊熱洋甘菊桂花茶(熱) $48中意飲花茶必點！超香😍Overall 嚟講初夏開心果窩夫係必點！中意食開心果 + 斑斕一定要試～ 沙律 + 蜆肉飯都好食，一下子全部掃晒～ 比相像中好食，有驚喜！店員又nice又helpful! 大家經過不妨一試！如果大家中意俾個like支持下🤟🏽 𝗖𝗶𝗮

放工去德福廣場睇下有咩食，見到有間柑橘主題嘅韓式Cafe勁得意🍊有主食，有甜品又有精緻飲品，決定去試下。韓國蜆肉紫蘇飯 $118————————————粒粒蜆肉同飯嘅比例係一比一，好抵食。少少辣味，成個配搭係超好送飯，一啖蜆肉一啖飯，不經不覺食晒成大碟紫蘇飯。炭燒雞肉飯卷 $78————————————經典嘅韓國飯卷，令我置身野餐嘅感覺，青瓜、蛋、蘿蔔、芝麻，加上炭燒雞肉，既清新又豐富不單調。至臻蜂巢無花果窩夫 $188————————————啲Cream超軟綿綿，配上富蛋香味鬆軟嘅窩夫🧇真係好正呀，再加上草莓同無花果，更加豐富。最鍾意係個蜂巢，好細啖食都已經勁多蜂蜜爆出嚟，正。濟州柑橘乳酪 $68————————————超可愛，成大個柑橘🍊，飲落去好多果肉，原來柑橘同乳酪咁夾。漂浮棉花糖朱古力咖啡 $52————————————棉花糖真係一直漂浮直到飲完杯Mocha，好治癒嘅感覺☁️暖暖的一杯。