小火焰韓式咖啡廳 (觀點中心) (已結業)

蟹黃炒淮山麵 $88淮山麵面頭有好多蟹肉，蟹肉鮮甜彈牙，而佢個蟹黃醬汁好濃稠，令本來麵質比較幼嘅准山麵好入味。炒麵仲加入咗蟹籽、香菇、翠肉瓜、豆苗等等，正好中和返濃味嘅麵底。-韓式煎雜菜蝦餅 $78每次嚟食必定會點個韓式煎餅，佢煎餅餅底同邊位煎得香脆，今次選擇咗雜菜蝦餅，入面一共有大約6-7隻蝦，配合埋泡菜、沙律菜、蘿蔔絲同粟米粒，簡單又可口。-紫薯沙冰 $48紫薯味道唔太濃，清淡嘅奶香混合埋有咬口嘅沙冰，入面仲有四粒日本小番薯，味道清甜。唯一嘅小缺點就係沙冰倒得太滿，未開始飲已經不停溢出🤣🤣

今日心思思好想食韓國菜，見到呢間小火焰，菜式豐富，賣相一流，而且仲要好評如潮，於是決定係到食dinner☺️鷺梁津海鮮石鍋炒飯 ($128)- 石鍋炒飯好高質，石鍋夠熱身，入口熱辣辣，炒飯香氣撲鼻，入口香軟，鹹香惹口，仲有食到香脆嘅飯焦，咬落卜卜脆，好好味😆- 海鮮配料都好豐富，有大蝦、魷魚鬚、飛魚籽，個人好鍾意焦香嘅魷魚鬚，味道香口感正🤤韓式煎雜菜蝦餅 ($78)- 韓式煎餅口感份外香軟，煎餅係偏薄身個款，配搭唔同嘅菜、泡菜同蝦，口感層次格外豐富，爽口惹味😍 紅柚荔枝梳打 ($52)- 梳打本身就好refreshing，啱晒夏日炎炎，降熱一流，紅柚酸配搭荔枝甜非常好飲，啖啖都好爽😚食物質素非常高質，勁級好食，而且真係好受歡迎，想食就要早啲嚟排隊，一解對高質韓國菜嘅思念😋

呢間小火焰已經唔係第一次黎，皆因呢度既set lunch好多選擇兼抵食而且好食👏🏻正正因為咁所以都幾多人等位，建議大家十二點就好黎到避開要排隊既繁忙時間🙈今次同朋友叫既野之前全部都無食過😁我地叫左個韓式煎雜菜蝦餅，BB骨蕃茄湯烏冬，加配左小食蒲燒鰻魚同涼拌海帶，跟餐叫左杯熱蜂蜜柚子茶～韓式煎雜菜蝦餅唔會太厚粉，圍邊好香脆😋蝦肉大大粒口感比較實淨似用左新鮮蝦👍🏻 另外有D洋蔥，紅蘿蔔，粟米，泡菜同埋好特別既羽衣甘藍提升口感層次😋蕃茄湯烏冬好大碗，湯底酸酸地味道唔錯幾開胃，烏冬超煙un彈牙！👏🏻BB骨係類似燒烤醬豬軟骨，肉質好淋幾好食👍🏻 但實在太多醬所以有D膩😅我掙扎左好耐個烏冬揀配鰻魚定BB骨好，結果我諗左個兩全其美既方法，就係揀BB骨烏冬另外再加個小食鰻魚🤣鰻魚肉厚肥美，加＄３８都幾抵～涼拌海帶比我地預期辣😅 不過好爽脆，今日天氣太熱要黎做開胃菜非常唔錯👍🏻午市套餐唔駛加一好抵食👏🏻 除左飯同烏冬仲有粉絲鍋，淮山麵等等好多唔同選擇，就算一班人都一定唔驚唔岩食，係值得一再encore既餐廳❤️

😋[]以前觀塘返工，中午都會黎呢度食。不過晚餐就第一次😆平日6點幾去到已經唔少人，如果遲多步都要排隊🙈一心想黎飲紫薯沙冰，點知偏偏今日就冇😭😭😭不過好彩飲品選擇都多，仲有韓國燒酒收工可以飲番兩杯😜✨我見到d二人餐同四人餐都好抵食，仲可以自選款式。不過同行朋友太晏食lunch，所以食唔到咁多野，所以我地散叫左幾樣😋😋✨🎈牛肉石鍋飯 $98出面一般食石鍋飯，都係店員放低石鍋飯同埋韓式辣椒醬俾我地自己動手撈。不過今次店員拎到上枱之後會問需唔需要幫手撈埋👍🏻👍🏻今次d牛肉上枱既時候仲係生既，不過石鍋熱力足以令到d牛肉熟，肉質都會比平時食開既嫩滑。配料亦都超多，撈埋之後啖啖飯都食到有餸😋😋🎈芝味炸雞（半份）$98半份有4件炸雞，兩個人share份量岩岩好。芝士粉同芝士醬都幾夠味👍🏻🎈韓式煎雜菜蝦餅 $78我幾鍾意呢度既煎餅，夠薄之餘又唔會厚粉，唔會令人好飽滯。而且佢個邊煎得好香口，我一個人食左大半個🙈🙈❣️❣️餐廳仲好貼心，每一張枱上面都有消毒噴霧俾客人使用❣️❣️

🙌🏻  香港買少見少既雪花冰🥺最好食當然係配黃豆粉.今次尼一間小火焰無尖沙咀既韓國餐廳咁到位.有少少港式韓國菜既影子.但係觀塘區想食韓國菜時算係一個親民選擇.款式多.服務態度都好好.炸雞同醬油蝦同行友人都話CP值高2款既炸雞有半份同全份.適合心大心細咩味都想試下既朋友仔.一次過試2款味都唔過份😃另外炸紫菜卷都幾值得encore 但感覺同燒肉Combo有同一個問題.就係D醬汁配搭唔夾😅而燒肉本身無醃制.所以係無味.希望尼方面可以改善下🤓--➿ 炸紫菜卷 HKD $38➿ 韓式煎雜菜蝦餅 HKD 78➿ 炸雞Combo HKD$78➿ 韓式甜辣年糕炸雞(半份) HKD 98➿ 蜂蜜提子脆米炸雞(半份) HKD 98➿ 燒肉 Combo HKD 168➿ 草莓3.6牛乳雪花冰 HKD 78➿ 醬油蝦配糖心蛋手握紫菜飯👩‍🍳  整體味道: 6/10 💸  性價比: 7/10 📸  打卡指數: 6/10 🤤  環境服務: 8/10 🤔  推薦指數: 7/10

星期天差不多下午茶時間到來進餐，店裏還有不少客人，幸餐桌之間有足夠距離，吃得安心。😇餐單厚，代表食物種類繁多，很多韓式菜都做了變化，🤔花了點心思才點定1個前菜、2樣主食。不收加一，食物價錢着實不貴，且質素及份量滿意，難怪有這麼多客人🥰。個人推薦用筷子夾不起的煎餅😆及吃入口煙韌的冷麵。-#韓式煎雜菜蝦餅 $68上桌時還在冒煙🔥，肯定即叫即製👍🏻。顏色搭配燦爛，除了紅蘿蔔絲🥕、椰菜絲，竟然下了羽衣甘藍🤩，各菜份量均勻，全部一起吃時已全然無蔬菜特有青味。煎餅上四隻新鮮大蝦🦐及一團泡菜，此泡菜較獨立前菜爽口。 煎餅皮較薄而料多，麵粉撈得好，吃起來香😋。雖邊皮有點脆，實際吃起來少黏、少軟，整體味道剛好，非重口味之作，混了泡菜吃依然不會覺得很鹹☺️。因料多，煎餅還置於鐵網上，想切成經典薄餅形有難度，夾起更是挑戰，於是直接宣告挑戰失敗，捲起當夾餅吃，哈哈!😂-#牛肉水冷麵 $78麵量🍜極多，女生宜叫少麵! 😊韓式蕎麥麵吃起來較日式有嚼勁，但不是嚼到累那種，偏爽口，較似蒟蒻麵，但比蒟蒻麵有味道。蘿蔔湯底可趁上桌時馬上喝一口，較能喝到清甜😌，因牛肉上有芥末醬，撈勻整碗麵就會令湯濁，喝起來也會愈來愈鹹。碗裏

知道呢間韓國野好耐，之前其實都食過一次，不過只係食過佢個 “溶岩芝士炸雞麵包”仲要係外賣，所以好想堂食一次，今日就係機會啦環境有啲半開放式咁，岀面係有啲Cafe形式，有商場內既外面位置，亦有內裡座位，餐廳都幾大。溶岩芝士炸雞麵包 $128為左呢個而來，好耐之前食過一次，但係外賣，覺得食唔到佢最新鮮既味，所以再黎試。好快上枱，芝士包上面仲結左一層“衣”，拮一件炸雞再沾上芝士，果真係溶岩芝士瀑布，超級拉芝而且拉極都唔斷，唔會好凝結，可以係咁拉芝，捲上勁多芝士，入口綿密，芝味濃郁！不過炸雞就較遜色，炸粉厚，雞肉唔夠嫩，如果炸雞再做得好啲真係無得彈，超級抵食！伴碟仲有沙律同墨西哥脆片，食完成個溶岩芝士炸雞麵包連伴碟，你都咪話唔飽，海量芝士加炸雞再加麵包已經飽左一大半，就算散叫$128真係好抵食。韓式煎雜菜蝦餅  $58由於主力係食溶岩芝士炸雞麵包，所以另外只係再叫多小食就算，揀左呢個韓式煎餅，平時食黎食去都係泡菜煎餅或者海鮮煎餅，見到呢個係雜菜蝦餅就試下，都有4隻蝦，將煎餅1分為4時唔洗怕有一份冇蝦，口感就粉左啲，同埋可以煎得更香，不過不失。總括而言，因為我地打算留肚食下場，2個人只係點左一個

禮拜五，聽朋友介紹話觀塘有間食韓國野嘅幾精緻，一於就信佢試下係咪咁掂。間餐廳唔難穩，嚮亞太中心入面，屬開放式，空間都幾寬敞，因為同層只得呢一間餐廳，環境都算幾安靜，坐落幾舒服，完全係夜晚黑同朋友仔輕鬆食餐韓國料理嘅好地方。仲有電視睇！😍😍😍😍餐牌上面嘅菜式都幾豐富，仲有d幾抵食下嘅二人餐同四人餐比客人選擇。😆我就當然撿d我未食過嘅韓國菜試下，我就叫左蟹肉炒淮山麵($88)，朋友就叫左嘅韓式煎雜菜蝦餅($58)，同一個醬油蝦配糖心蛋手握紫菜飯($68)。😍😍先講翻我我叫嘅蟹肉炒淮山麵，個醬汁調得岩岩好，唔會太潔，而又令每一條麵都掛上味道香濃嘅醬汁，食落爽口而不膩，而d蟹肉都算有翻蟹本身嘅鮮甜味，再連埋粒粒噗噗脆，味道鹹鮮嘅蟹子一齊食，無論係味道上同口感上都好有層次，總之一個字: 爽！😚而朋友叫個個蝦餅都值得推薦，蝦餅唔會煎到唔太多油，面頭嘅雜菜同個蝦餅都幾夾，一齊食落香口之餘，又唔會太油膩。😆而道醬油蝦，因為上得比其他兩道慢，我就最尾先食啦。其實我就一直好想試韓國幾出名嘅醬油蟹，但一直無機會，呢次就試個醬油蝦頂住先。😆😆😆😆其實都算驚喜，隻蝦係生嘅，但用d特製嘅醬油腌著，幾乎無曬d腥味，