Dodam Chicken (利舞臺廣場)

营业中

休息中

餐廳：Dodam Chicken地點：銅鑼灣利舞臺廣場菜式：韓國炸雞專門店餐牌：烤焗雞，炸雞，炒雞，韓式食品，年糕，小食，薄餅，沙律，麵飯，其他菜式韓式辣焗烤雞 $202 另加一韓式辣焗烤雞大大份，應該有全隻雞，有雞脾兩隻，雞全翼兩隻，好多雞件，包括雞胸肉同骨都有，都有好多肉食，應該夠四個人食。焗烤雞熱辣辣上枱，雞皮少脆，黑色燶皮味特別好食，肉都好嫩。可選兩種不同程度辣度，我揀左無咁辣，我覺得都好惹味，又辣又甜咁。面頭灑上香脆杏仁片同好多蒜蓉，，仲有香草，味道更好。另配紅色蘿蔔漬物粒可解膩。跟有兩對膠手套同一個兜放骨，方便衛生。黑松露薯條 $78 另加一黑松露薯條大大兜，一上枱就聞到好香黑松露味。原來有原味同蕃薯條兩種，係粗身，炸得外脆內淋，啖啖澱粉質，仲另上一細兜茄汁比你點薯條食。餐廳座位闊落，呢餐都食得舒服。

好多時經過Dodam chicken見到要排大隊，每一次都太餓唔想排隊，所以一直冇機會試~今次放工好想搵comfort food慰藉吓心靈，真係忍唔住啦，排隊都要試吓👅=========================🍗 Baked Half & Half $235烤雞感覺相比炸雞冇咁熱氣，外皮焗得香脆，肉質嫩滑，咬開嘅時候肉汁直情滴出嚟‼️ 醬汁均勻鋪滿成件雞又惹味，減肥中都忍唔到口食埋雞皮，好彩有手套，黐笠笠嘅醬汁會成手都係好論盡😂🧄 香蒜焗烤雞醬油汁甜甜哋，蒜味唔算重容易接受，如果重蒜啲會突出啲🌶 韓式辣焗烤雞辣醬帶酸酸甜甜，有啲似少少辣嘅咕嚕肉，好~惹~味~兩種味比較下，韓式辣醬濃啲惹味啲，再食返香蒜味覺得🧄偏淡😹🐥 招牌甜辣芝士無骨烤雞 $198份量唔少，夠2-3人share~ 面頭鋪滿厚厚嘅芝士，除咗無骨雞肉，仲有年糕、芝士竹輪、椰菜、蘿蔔、洋蔥😋 醬汁微微微微辣，對於唔太食辣嘅人嚟講啱啱好👌🏼 芝士輕易做到拉絲效果，趁熱捲住雞塊，芝士控表示大滿足😚🥢 招牌年糕 $138賣相雖然比較平凡，同無骨烤雞一樣都係紅色汁😹不過醬汁更濃更辣，呢個辣度啱啱好，用嚟蘸埋無骨烤雞😛 煙韌Q彈

因為最近冇得晚市堂食，所以就揀咗中午去試如果平日嘅話有特價嘅lunch set價錢包一款主食同埋一杯嘢飲另外可以喺出邊夾泡菜同埋韓式粉絲食完可以再夾先講主菜款式好多有炸雞烤雞飯同埋湯麵 連Pizza都由雞嘅選擇非常之多除咗有傳統嘅韓式辣醬口味仲有其他新口味而且比較特別嘅係除咗炸雞仲有烤雞炸雞亦可以叫無骨嘅而我就叫咗一個韓式辣焗烤雞同一個同埋一個芝士蛋熔岩泡菜炒飯韓式炸雞就食得多韓式焗雞就真係第一次試雖然佢係焗嘅但係個韓式辣醬嘅味同炸雞係一模一樣非常入味而且唔算辣唔會淨係得個辣字帶有少少嘅甜味但係個泡菜炒飯就有啲失望食落去偏鹹反而冇咩泡菜味另外一個值得推薦嘅係佢出邊嘅小食泡菜一啲都唔算而且辣度係啱啱好因為一般平時食到嘅泡菜都係偏酸嘅所以非常欣賞佢嘅泡菜另外就係佢個韓式粉絲本身韓式粉絲有得任夾已經係喜出望外而且佢個味一啲都唔差過出邊嘅餐廳除咗有傳統嘅麻油味仲有一陣香味食完仲想食另外位置寬敞坐得幾舒服

星期六晚上成班朋友約埋一齊食雞真係好開心。佢晚上9點入坐計全單75折，真係好抵食！今晚唔多人排隊，加上我地有book位，直接有位坐。一入到去有檸水飲，聽住佢播韓歌一路睇menu。先來左個芝士雞蛋卷（$128）面頭舖左細細粒魚子，入面啲芝士拉晒絲，又熱又好食。本身以為會好heavy，但一人食一舊係會唔夠喉嫁！所以臨走之前我地再encore 多一條來食。之後來個韓式海鮮煎餅（$138）佢係配埋碟有啲酸酸辣辣嘅醬汁一齊食，非常好食！入面啲魷魚腳都好長，算係大條嘅，煎到好脆口，正！上菜時已經好好人地幫我地切開左做9份，不過就變左邊位細份，中間大份，我地自己再做細分。 黃金鹹蛋脆雞（$198）我地叫左無骨嘅，直接一口一粒，好方便我呢個懶人。鹹蛋味好足！好大碟！由佢上菜到我地埋單都仲食緊，好襟食。😂因為個鹹蛋脆雞都幾咸同熱氣😂，我地叫左2 jar cocktail soju幫個口降下溫先。益力多cocktail soju（$128）個人覺得佢個益力多味俾啲酒味搶晒，如果落返多啲益力多會好飲啲。柚子cocktail soju（$128）一定唔會中伏嘅柚子味。下面有柚子肉，記得分俾大家飲之前要撈暈。😂

又到左一星期同同事出去食一次Lunch的日子啦!同事知我中意食雞，於是帶我去食韓國烤雞。餐廳位於利舞臺18樓，冇諗過原來lunch時間都幾多人黎食，成間餐廳差唔多坐滿。我地大家初初都以為這裡是沒有lunch set的，但原來有架，而且都唔算好貴!仲有幾多唔同款式揀添!lunch set包了飲品，點餐後可自行到自助吧拎柚子茶和泡菜、粉絲。韓式牛肉飯($72)，一直以為係平時係出面食過的乾身的粉絲炒牛肉，完全冇諗過呢個牛肉飯原來係湯上的。個牛肉湯幾鮮甜，用黎撈飯真係唔錯!牛肉味道跟乾身的差唔多，甜甜地，湯入面還有粉絲同埋菇，岩哂中意食湯飯的我!韓式辣焗烤雞($185)，呢個烤雞辣到適中，唔會過辣，甜甜辣辣好惹味，而且雞件是用烤的，所以唔會感到太膩!因為烤雞應該是即叫即製，所以等候時間會夠耐少少!不過值得試試，烤雞還附有酸蘿蔔，可以減去滯的感覺!下次要跟朋友來食晚餐，再試下其他味道的雞!

雖然宜家韓風熱潮好似無以前咁盛行，但睇黎明都無損大家去吃炸雞既意欲，事關呢間餐廳係爆滿。不過好好彩，岩岩有人走先唔洗等位。Menu上有好多野揀，但我地見隔離枱d食物都咁大件，所以都係叫2樣野就算。韓式辣焗烤雞落單既時候唔記得左揀辣度，所以我諗佢default左比小辣我地。雖然我本人唔太食得辣，但我地覺得可以再辣啲。除左份量大之外，其實入面都幾多料。有年糕、芝士竹、洋蔥等等，當然唔少得主角烤雞啦。用叉將d烤雞圍住d芝士翹2下，見到d芝士係超拉絲超正，亦有濃濃既芝士味。不得不提既係，啲雞本身都烤得幾好，外脆内嫩。韓式海鮮煎餅首先個煎餅係好大碟，黎到有少少嚇親，個樣我覺得有少少似蠔餅，哈哈。服務員好貼心咁幫你剪開9份，海鮮亦都好平均地分佈係每一格，有魷魚、蝦、蟹柳等等。而本身個煎餅都煎得好薄好脆，個煎餅有附帶一個甜甜地又辣辣地既醬，同個煎餅係非常夾，個人覺得係必點。雖然我地2個人淨係叫左2樣野，但係其實我地都食唔晒，可想而知個份量係有幾大。

前陣子的一輪大大小小的工作，再加上我家那位走了去旅行，來到這夜才是我們11月的初次約會呢。選了大家都有一段時間沒吃韓國菜，本來特意找來一家地道的韓國炸雞店，看過餐牌後卻放棄了炸雞的念頭...這裡的炸雞口味雖然不及其他炸雞店多，但基本的辣、走辣及炸魷魚也一應俱全。不過最引我們注意的自是坊間少見的烤雞，還要是用薄餅焗爐來烤！除了基本款，還有數款添了芝士的烤雞，不過想試不同口味的我們，最後選了只有基本款才有的雙重滋味 - 韓式辣焗烤雞 及 香蒜焗烤雞！烤雞雖時，還是先吃其他的吧。黑松露薯條 $88對黑松露與薯條異常狂熱的我，吃韓國菜也不忘點了一客！挺粗身的薯條炸得香脆熱烘烘，雖然黑松露醬吸熱後香氣減退了不少，惟入口仍夠香口惹味。招牌年糕 $148吃過不同款式的韓式年糕，還是最傳統款才是皇道。年糕沾滿濃稠香辣的蕃茄醬，感受著每一口的軟糯的同時，還滲出陣陣香辣，滋味十足。還有煙肉及魚片等配菜，在香辣蕃茄醬的提味下，也教人愛不惜口。雙重滋味烤雞 $208 (韓式辣焗烤雞、香蒜焗烤雞)原價$178的基本款烤雞，只需加$30便可任選雙重滋味，能夠試多一款口味，自然較單拼吸引！香蒜焗烤雞每款烤雞各有雞鎚

韓國炸雞就食得多，烤雞我就冇咩點試過。咁岩我同男朋友都想食炸雞但又唔想咁熱氣，所以就搵左呢間餐廳啦入到去間餐廳都幾靚，設計走工業風格，電視一直播韓國熱門歌曲，都幾有氣氛。星期六夜晚去食，入坐率有八成。而且我發現有幾檯人都係到慶祝生日（食食下野有人會拎蛋糕出黎）。我地最後叫左三款食物。第一樣叫左個招牌沙津。沙津份量好多，對得住個價錢，我同男朋友講我地好似牛咁不斷食草個味道都普普通通啦，係想像中沙津嘅味，不過冇特別驚喜。好彩沙津入面都有菠蘿，豆，提子乾令層次更豐富，加上我地最期待嘅係烤雞，所以都ok啦。之後就係重頭戲烤雞啦烤雞嘅份量都好多，有成隻雞咁多。我地簡左少辣嘅版本，甜辣甜辣咁岩岩好。上碟嘅時候熱辣辣，咬落去仲有d雞汁滴出黎。最驚喜就係d雞真係係燒烤嘅味，雖然冇脆卜卜嘅皮，但都好好食。不過我地只有兩個人食，所以食到後面有d濟，如果三四個人食就更岩啦。我覺得雞翼同雞鎚係最好食，如果係大家share嘅就記得mark實雞翼同鎚啦我地仲叫左一個麵，海螺麵係其他餐廳比較少見，所以就叫黎試下啦。食落去原來都幾辣，比烤雞仲辣，好彩佢係凍，所以都唔會辣到食唔到。味道方面好惹味，螺肉都有好多。唔怕辣嘅

今晚喺銅鑼灣，朋友提議食韓國炸雞，所以試下呢間先。Times Square行兩步就到，利舞臺18樓，我地食7點，愈食愈多人。一入去，裝修好韓國feel，好闊落。全晚都播住韓國女子團體既歌，好似去左韓國咁~招牌沙律($128)一上枱，份量好多，兩個人差啲食唔晒。所有菜，生果都好新鮮，唔想淨食韓國嘢太油，可以叫個沙律中和番招牌年糕里面有年糕，煙肉，洋蔥，魚片，味道就好似喺韓國首爾食既差唔多韓式辣焗烤雞開頭擔心辣味會太過辣，浪費左隻雞。但原來佢既辣係酸辣，有少少酸酸甜甜既。就算係唔食得辣既人，都一定食到，味道好惹味。雞肉好滑，唔會焗到勁乾身，中間依然夠濕潤。所以我最鐘意呢個烤雞。下次可以食下佢既芝士雞，炸雞，應該都唔錯。分量唔少，有十幾件飲品，朋友叫左apple cider，話香甜。我叫左cafe latte，有驚喜。咖啡香濃，夠滑。好飲

今晚放假去逛銅鑼灣，逛完用Openrice 搜尋，見到呢間炸雞店新開，D食評幾好，加上上網知道係韓國烤雞店和另一炸雞店的新品，當然要試試。韓式辣焗烤雞($188)－全隻鷄斬件之後烤焗，所以每件雞都沾滿蜜糖同韓國辣粉，辣得黎有少少甜，甜得黎有少少辣，雞烤得剛剛好，唔會鞋，至於鷄皮係煙煙靱軔的😋😋😋我用個夾夾住雞件，唔駛用手套，我覺得個夾好正👍👍👍食完烤雞，點多個蔬菜清清腸胃。雞沙律(＄118)－無骨炸雞件碎上(少少辣)外皮好脆肉又好嫩，芝士粉好香，仲有腰果、提子干、粟米粒、蕃茄、沙律醬、醋加起來更加好味😋😋飲品：Kronenbourg 1664 Blanc($75)－法國啤酒，冇啤酒苦澀，有花香味😍😍😍Mango yogurt smoothie ($68)－芒果味同乳酪比例剛好，不太酸又不太甜😋😋😋全間食肆設計空間感十足👍👍開放式廚房，可以見到即叫即做👏👏👏

別小看低頭族，吃貨地膽，是不會錯過區內新食店的。利舞臺這間雞店，從年初新開就虎視眈眈了。據報紙、網媒介紹，又一韓國過江龍。炸雞間間有，烤的相對較少，選了韓式辣焗烤雞 ($188)。聽說用上Pizza焗爐，即叫即烤，熱辣辣新鮮出爐，等也是值得的。裏嫩外脆，就算雞胸位置，亦無乾柴嚡口情況。重點是，整份雞件零肥油，烤焗時通通逼出。抵讚！這甜辣屬入門級，傾向甜香。辣控有點殘念，心繫3倍辣度的兩款……飽肚感十足，但仍點了海鮮炒年糕 ($158)。一如標示，吃起來的確比烤雞要辣，習慣中辣的表示剛好。醬汁調得超好吃，辣勁有卻不嗆喉，相信撈飯撈麵一流。年糕少硬多彈，蝦仁咬感實在。雖然份量比預期少，大推！飲品選擇不少，除卻酒系、汽水，有梳打、咖啡、果茶等。最吸引的，要算奶昔般豐盈的果系乳酪沙冰 ($68)了。尤其是士多啤梨一款，果香馥郁滿溢。又夾著粒粒士多啤梨籽，真材實料，芒果的亦不錯。單就味道而言，已是驚喜的一餐。服務細心，點辣野會有溫馨提示。座位舒適，加上1800前埋單9折，是開餐的好選擇呢～

韓國炸雞既名氣一直好大，所以一直都想感受韓國炸雞有幾正，奈何平時食5到一間炸雞系有特色既。早排又上泥Openrice搵下有咩好餐廳推介，發現到呢間Dodam chicken新開冇耐，又系韓國人主理，所以同朋友泥食下店內既環境好寬敞，客人有足夠既私隱度之餘亦到坐得舒適。每張枱之間距離亦充足，一d都5迫而且店內亦都好乾淨每人有一隻細碟、叉同埋夾仔。夾仔可以用泥夾炸雞，更加方便又可以用泥將d雞件分開，食既時候冇甘狼狽，保持儀態呢個海鮮炒年糕的確幾辣，醬料都系較濃。年糕屬於硬少少，5會淋得濟配料方面，有好多魚片，蝦亦都系大隻，最驚喜系個青口，好鮮味，完全5霉。平日系街外食既青口都系又老又霉，呢到又真系做得幾好因為個炒年糕都幾辣，所以我地就決定叫杯野飲。見到野飲既餐牌上面有沙冰後，我地決定一人整一杯因為食辣野配沙冰系最解辣呢杯士多啤梨沙冰既味道好好佢味道似系H牌既士多啤梨味雪糕，飲既時候亦吸到士多啤梨既籽。成杯沙冰亦都5會過凍，較綿身，似系奶昔沙冰既配搭，感覺幾新鮮呢個時候我地既主角烤雞終於都到啦！一上枱我地都呆左下，因為都幾大碟我地估計應該有一隻細隻雞既份量，雞搥、雞全翼同雞胸等都有2件。肉既