江南庭敘 (已結業)

天寒地凍，打邊爐是最佳聯誼活動，友人建議到九龍灣，最初還以為是德福或Mega Box，卻原來是在九龍灣地鐵站附近的高銀金融國際中心，老實說，之前我是從未聽聞過這座大樓的。這裡環境清幽雅緻，地方闊落，最重要是食物有質素，價錢合理，走遠一點也絕對值得。店門外的龍蝦在向我們招手呢這夜人多勢眾，佔了一整張大枱。另還有四人卡座，正所謂多有多吃、小有小吃。咩都係假，最緊要先搞掂個湯底，人多自然意見多，有人喜歡番茄排骨湯底、有人喜歡芫茜皮蛋、辣友嚷著要沙爹湯底、麻辣湯底，一輪擾攘過後，最終要了兩個鴛鴦鍋，一次過滿足四個願望，皆大歡喜！醬料款式非常多樣化，包括有蒜蓉、蔥花、沙爹醬、辣椒、XO醬，那就各隨喜好混出自己的風格來吧。初次到訪，點菜工作當然是交比搞手啦，是夜的陣容相當鼎盛，計有：生猛海中蝦 、精選豬拼盤（豬脷、豬腩、豬面青和豬頸肉)、沙巴龍躉、象拔蚌原條切條、稻庭烏冬、黑白海膽餃子（日本及加拿大海膽）、手切牛肉、牛肉拼盤、西洋菜餃、韮菜餃、鮮蝦雲吞、四寶丸（鯪魚肉、牛丸，豬肉及墨魚丸）、千層腐皮卷、手打墨魚滑、手打鯪魚滑、西洋菜及娃娃菜.......等。食物質素大部分也在水準之上，記憶比較深的

平時打邊爐通常都係去旺角、尖沙咀或者銅鑼灣呢D鬧市旺區，所以當聽到今次飯聚既地點係「九龍灣商業區」既時候個心真係離一離呀！不過見朋友大力推薦，於是決定一探龍與鳯！蕃茄排骨鍋  ($118)：當晚有六款湯底可以選擇，分別係「清湯牛腩鍋」、「招牌鴛鴦鍋」、「蕃茄排骨鍋」、「秘製沙茶鍋」、「香茜皮蛋鍋」及「清湯鍋」。正當我地犹豫之際，侍應們推介我地試下呢個湯底。果然冇介紹錯！一上枱既時候已見配料十足，不過用作調味既茄膏似乎重手左少少，令到湯底既感覺有D artificial，幸好蕃茄同排骨等等既配料非常之足，整體感覺俾想像中好！炸千層腐皮 ($68)：即叫即炸，口感一流！建議可以將剛炸起既腐皮放喺湯裹面輕灼約三十秒左右，令表面鬆化既腐皮裹面吸滿濃濃既蕃茄湯，半軟半脆既口感層次十足！手切肥牛 ($328)：第一個感覺係「嘩咁大碟既，兩個人點食晒！」雪花比例可以話係perfect，肥瘦比例剛剛好，坦白講三百幾蚊呢個價錢唔算平，但「性價比」極高絕對物有所值！四寶丸 ($98)：四寶丸分別係「鮮蝦丸」、「墨魚丸」、「黑椒牛丸」同埋「鮮肉丸」。上枱時既presentation唔錯，整整齊齊既排列令到丸

我哋兩個打邊爐怪，一諗唔到食咩，就去食打邊爐! 無他嘅，唔洗煩，烚下烚就食得啦! 不過今次真係食到好尖，去到新開嘅九龍灣高銀金融國際中心嘅江南庭敘!!打開邊爐嘅朋友仔都知道嗰湯底真係好重要，會影響啲火鍋料嘅味道!!! 識叫當然叫鴛鴦鍋啦，一次過有兩種味!! 清湯牛腩湯底好足料，有幾多牛腩，啲蘿蔔仲好甜好淋 (清湯牛腩湯底已經有蘿蔔㗎啦，唔洗自己再嗌)。另一個我哋揀咗秘製沙嗲湯，比平時嘅沙嗲湯杰身，好濃好香，又唔會太辣蓋住啲料嘅鮮味!!海中蝦嘩!!! 隻海中蝦一啲都唔中囉，海巨蝦先啱，非常爽口，食得出佢嘅鮮味，點埋自家撈嘅醬汁，正呀!!花英斑平時打邊爐都鐘意食脆肉鯇，今次豪一次，叫咗花英斑!! 嘩，真係唔同啲，一分錢一分貨!! 入口就好香魚味，又無骨喎，師傅刀法好!!手切肥牛、金錢腱、牛白肉打邊爐點可以無肥牛，呢到嘅手切肥牛好濃牛味，脂肪分佈okay平均!! 另外，嗰金錢腱比較厚，好有口感。嘩，大家有無見到角落頭好多脂肪嘅肉呀? 佢叫做牛白肉，我哋真係第一次食，入口好大陣脂肪甘香味，好特別!!精選豬拼盤一次過食四款唔同豬嘅部份，有肉眼筋 (係豬排上面一層薄薄連着肉嘅脆筋)、 豬膶、豬脷同