養心殿台式養生鍋 (已搬遷) 新店位置

計上次日本燒煮到一獲粥之後，都係打邊爐搵陣d,今次叫黎一個養生火鍋，女人有時係要補下既……原本晚上9：30係有折傢，但真係盡左力，行到8：30對腳已經支持唔住，要坐底食野勒，仲有1樣要提提大家，如果係會員既話記得帶現金，要現金俾錢，佢先可以入分

上一次去台灣時巳經想食這家火鍋店，今天就約齊腳食下。三個女人叫了一個美人鍋，這個湯㡳十分有驚喜，有雞、圓肉、淮山、小人參、杞子和陶膠等等，味道香濃夠灑養生其實當湯飲到得，除了湯底，我們點了健康一點既鮮甜三疏包括有秋葵，粟米及山藥！火鍋配料唔算話好多選擇，但個人認為都足夠既因為算是有質同埋等別既材料！我們點了黑松露蝦丸這個黑松露味偏濃的、鵝肝墨魚丸、極上雪花肥牛、厚脂黑毛豬梅花肉、鴨血、即炸響鈴、千層凍豆腐、最值得推介是員工推介的空運到港水晶冰菜很特別，滑滑的有點像湯hold菜！

收爐了！當然要食餐好！因為係銅鑼灣翻工，八點半前交台有七折，二話不說就揀養心殿最啱！到果陣真係好早~其實已經係回頭客了，上次食辣既人無咩，所以都係美人鍋算。今次終於可以食麻辣，叫左鴛鴦：麻辣湯同美人鍋。美人湯係好足料既，入面桃膠、紅棗、雞哩D湯渣目測都見到唔少。麻辣湯揀左中辣，本身想揀小辣，好彩揀左中辣，中辣都唔覺太辣，鐘意食辣既朋友可以揀辣D。麻辣湯仲有一份鴨血，鴨血實在係太好食！響鈴！ 佢係即炸既，所以上台既時候，仲係有少少煙既。一開始淥因為太脆，響鈴仲斷開左 XD黑毛豬梅花肉 （$168）幾好粉腸 （$68）上齊開餐！鵝肝墨魚丸（$48）入面係真係有一粒鵝肝，有驚艷既感覺黑松露蝦丸（$48）一咬就勁大松露味，本身一直唔知點左哩樣，一咬落去好奇怪點解蝦丸會有松露味 哈哈 哩兩款丸都幾特別，覺得可以一試~水餃 & 韭菜餃 收爐飯最緊要開開心心，係養心殿哩餐飯，都係開心滿足既體驗，收個靚爐^^ 四個人每人$260（8:30前埋單走七折左）

早前我係養心殿吃過一次後一直對佢麻辣湯底念念不忘， 所以決定同朋友又到旺角食我最鍾意既養心殿。雖然上次去係他們的荃灣分店，但估不到旺角呢間既裝修都係差不多，同樣都走古代中國風，而且坐位亦一樣舒服。湯底當然要照舊食盡兩款，揀鴛鴦啦！上次食過麻辣鍋鍋，我們都好喜歡，所以今次當然再次叫呢鍋。除此之外，我們還試左寧神養心鍋。寧神養心鍋主要有天麻、當歸、鮮雞、鮮魚、豬肉等制成；湯底好鮮甜，又帶有少少胡椒的香味。湯料都非常豐富，藥材多之外，入面仲有烏雞和大大個魚頭。麻辣鍋，今次叫左中辣。跟上次一樣超香濃足料，而鍋內還加入了鴨血和凍豆腐，鴨血相當滑身又帶有少少QQ的口感，配上麻辣鍋來吃別有一番風味，凍豆腐可以完全有吸收麻辣鍋的精華!手切牛肉 (細)手切牛肉細份都好大碟，而且非常新鮮，口感鬆化加上好重牛味，同時又唔會太油膩，好正！響鈴熱辣辣脆卜卜，拖一拖就食得手工黑松露蝦丸拼雲吞，手工丸鮮打質數高。雜錦蔬菜盤裏面有粟米、雜菌、娃娃菜同唐生菜，每一款都好新鮮，特別喜歡粟米夠清甜。爽甜萵苣蜂蜜苦瓜汁，同係台灣街邊飲既一模一樣咁正

我地4個人去食，諗住7折就去試下次因為平時收工去到旺角都2點幾，佢又收6點就去試下，點知有失望多過驚喜，埋單仲成1600幾（1600蚊雖然係而家黎講唔算咩錢，但真係冇乜特別嘢食到），叫服務員又難，又多甩漏（當然我明白2點幾去食眼訓係正常），4個人比4人枱正常嘅，但我地要求比張大d嘅枱佢地都有比到嘅，唔算差，只係一般般，不過消夜時段有好多嘢都賣晒，最後個沙冰都冇埋，冇睇食評嘅咁好食，但再去惠顧就真係要諗諗

一年一次生日，梗係食好D啦，呢次上openrice見到幾多人話呢間養生殿好食，一於去試下～～依家上openrice預約，仲送每人一杯無酒精飲品。去到叫咗個麻辣湯+美人湯，兩邊嘅湯底都有幾豐富材料，麻辣湯有鴨血，豆乾，龍眼干等，美人湯有烏雞，膠原啫喱，藥材，龍眼干等，兩邊嘅湯底都做得幾好，麻辣湯麻而不辣（我自己就鍾意又麻又辣，所以我就一般般啦，我個fd就幾鍾意），美人湯就有豐富藥材，所以層次都豐富。甜不辣（小食），一般般，無咩特別，無台灣D咁好食，佢有個醬可以沾，我個人覺得唔沾仲好食..響鈴，新鮮炸起，幾好食，放落鍋大約4,5秒就可以食得，好食👍🏻👍🏻QQ面+闊條面，麵本身就好'索'味，所以湯底好重要，我揀兩種湯底好好味，所以都好食，兩種麵質都好Q彈，份量都偏多，我地叫咗三個麵，服務員都再一次問我地真係要咁多麵😹😹....蝦滑同墨魚滑，好食👍🏻👍🏻😋😋，都幾推介，打邊爐都一定要有！！雜丸每份半打，份量偏少，但幾好食，彈牙，要小心嘅係，有一款流心芝士牛肉丸，要小心食，因為D芝士當你咬落去，會燙到條舌頭🙈🙈雞肉，超推介食，超滑，煮助超耐，都係超滑👍🏻👍🏻👍🏻😋😋😋😋最後呢樣真係唔好叫，好貴不

誰說到了夏天就不可吃火鍋，縱使要開著冷氣浪費資源打邊爐，火鍋仍然是港人一年三百老六十五天愛好的料理。兩個人吃火鍋，想找一些比較精緻的。找著找著，發現香港開了不少台式火鍋台，一於到交通方便的養心殿試試。餐廳內部裝潢雅緻，以通花木製屏風作間隔，地方乾淨整齊，空間感亦很大。湯底有六款，可選鴛鴦鍋。以養生鍋為主打，當然要一試，另外亦選了酸菜白肉鍋。湯底原本已有很多食材在內，配料不用選太多。養生鍋以藥材及人參，配以火腿、老雞、豬肉肴製，材料看來真的可以補身。湯底呈奶白色，落火鍋配料前先嚐嚐湯頭。味道濃郁，有老火湯感覺；有數條人參，散發參果味的甘甜。亦有不少鴨血，軟腍滑身；豆腐則盡吸鍋底味道，非常美味。酸菜白肉鍋以醃製的大白菜，加上豬腩肉烹調，味道帶酸。湯底淨飲會太酸，用作火鍋湯底也頗為特別，配上QQ 寬條粉，有醒胃作用。湯中有大量大白菜，避免打邊爐進食太多肉類。豬腩肉脂肪層頗多，怕肥的話可能就不太合適。火鍋少不了醬料，食客可在自助醬料區自行配搭。醬汁有醬油、蒜泥水、白醋加麻油；配有芫茜、辣椒、蔥花。款式比較簡單，湯底的味道已夠濃郁，調味也只是錦上添花。墨魚丸 （半份）半份的墨魚丸有四粒，大大夥的