漲格重慶老火鍋 (已結業)

朋友話，獲中國十佳火鍋品牌嘅漲格重慶老火鍋進駐香港，想去試一試。唔係呀？! 我哋兩個都唔食得辣喎，佢話仲有其他火鍋底選擇餐廳裝修簡約，有四人卡位，2至6人座位，仲有一個包廳坐到大概十個人。除咗重慶麻辣鍋，同重慶酸菜魚頭鍋，仲有三款唔辣鍋底。我哋揀咗黑松露野菌豬骨鍋。個鍋好大，鍋面鋪滿各種唔同嘅雜菇，仲有好多帶有軟骨嘅豬骨，鍋底好香濃調味盤有辣椒，蔥，芫茜和蒜蓉。最有趣有一罐自家出嘅麻油先來一個秘製豬手， 應該先炆過，啖啖骨膠原，一啲都唔肥膩。頂級內蒙羊肉片，一啲都唔騷，切成薄片， 淥幾淥就食得啦手打三色丸， 放喺精美嘅架上 ，有墨魚丸，豬肉丸同蝦丸，每款三粒， 粒粒夠彈牙。墨丸同蝦丸有啲墨魚粒同蝦粒係裡面，口感特佳紅薯粉，夠煙靭，索曬啲湯真係好好味個鍋真係好大個，所以我哋唔使好似平時食火鍋咁加上湯，保持原汁原味，我哋飲咗好多碗湯呀

作為一個唔食得辣又好鐘意食辣既我黎講，真係好想食重慶火鍋，一直怕辣唔敢試。今次決心就簡左間新開張無耐既挑戰一下，講到明正宗重慶火鍋，睇下係味真係好食先。入到去店鋪唔算大，裝修簡約，但已滿心期待。🍅🐂鮮茄牛腩鍋 $138實在怕辣到食唔到，所以叫左兩個湯底，以貴價錢再另＋$50。茄湯無乜特別，入口微辣，唔太濃，但清清地都好飲。蕃茄夠淋好食，如果湯底有埋薯仔粒就正。🌶🌶🌶招牌重慶麻辣鍋 $128麻雀造型既牛油，幾新鮮，放落熱湯好快溶化，加左牛油令湯底變得更加香濃肥美。湯底跟足跟足重慶本店，十多款香料同4種辣椒炒好，再配上豬骨湯。湯底調味唔錯，對唔食得辣既人來說，真係幾辣，食到最後嘴都麻哂，好刺激。🍴粒粒凍豆腐 $42凍豆腐係火鍋既好搭擋 ，由新鮮豆腐冷凍而成，孔隙多、彈性好、營養豐富。但勸告唔好放落麻辣湯底，吸收左湯汁，咬落爆漿口感，真係辣到飛起。下一秒諗都唔洗諗將其他放哂落蕃茄湯底。🍴鮮腐竹 $32腐竹吸湯汁力強，試左一塊麻辣湯底後，雖然惹味。但其餘都掉哂落蕃茄湯底，哈，鬼叫我唔食得辣。🐂新鮮黑柏葉 $108牛柏葉識食梗係食黑色，加上呢度黑柏葉真係好新鮮。黑柏葉無被漂過，比一般牛柏葉更有

四圍覓食其實是一件非常開心的事，大江南北的佳餚各式各樣，除了味蕾的享受外，更好玩就是那份新鮮感，因此若然要吃，一定要食得正宗，否則不夠趣味。尋覓正宗的同時亦可以很好玩，早兩天在雜誌方才發現一家叫做漲格的火鍋店，打著正宗重慶火鍋口號，最吸引我的是自製牛油熊仔，做得維肖維妙，把牛油熊仔放進火鍋內的吃法真有創意，好似有些殘忍但又幾可愛，把熊仔放進熱湯內自然會溶化，火鍋湯頭就變得更加肥美，成功吸引了我的注意，我亦隨緣起行，今晚就來了見它一面。原來漲格是國內著名品牌，有幾十間分店，一位有心的重慶妹子，取得昂貴的經營權，開了這第一間，我們真的有福：店子不大，裝潢簡約，亦好，不會有人太多的壓迫感。招牌「不將就牛油」重慶麻辣鍋 火鍋底精心炮製，用了四款辣椒及八款香料，炒足三小時而成，更用上香辣味強勁的貴州黃楊椒和河南内黃椒，令顏色更鮮紅，我們少辣的賣相已經一片紅海。調味真的不錯，有麻辣之香，層次分明，辣度高但又不覺太重，不會過份灼嘴。而可愛的牛油熊仔擺設，則經過幾十種香料、辣椒和花椒熬製再炒，再過濾材料才成，倒入不同的模，便成熊仔、麻雀或玫瑰之形，每日限量6個，真是手快有手慢冇！牛油在眼前立即熔化也頗