鍋居火鍋專門店 (已結業)

 講開香港🇭🇰地道打邊爐，小編就鍾意去深水埗搵食～之前食過幾間出色嘅火鍋店，都盡在深水埗～😏今次就去左openrice好評甚高嘅「鍋居火鍋專門店」～朝着店招牌椰青礦泉水走地雞鍋慕名而來～😆椰青礦泉水走地雞鍋（半隻）（$168）就咁睇個名，已經覺得好講究，湯底唔用白開水，而係用礦泉水，再加上兩個新鮮椰青水，真係要好pure好true！👍🏻☺️有啲人會問有咩咁特別？小編時不時都會用礦泉水去沖咖啡，以手沖咖啡嘅概念黎講，因為水嘅礦物質係會影響咖啡沖出嚟嘅味道，所以用礦泉水去沖咖啡，係可以減少水喉水嘅鐵鏽味或雜質，湯底應該會純啲甜啲～😆成個鍋我地都有專人服侍！☺️最欣賞嘅係店家會即場表演將椰青內嘅椰青肉掘出來，好細心，又好方便食客！👍🏻和走地雞一拼放到鍋裏，大火煮4分鐘，熄火再焗3分鐘，就係雞最滑嘅時候啦！☺️獨有嘅煮法令肉質保持嫩滑多汁，椰青雞湯如預期般清純鮮甜～食完鍋裏雞和飲完湯，就可以落其他火鍋配料啦！雲吞水餃仲可以雙拼，啱晒倆口子黎，又想食多幾樣款式～😂🌟推薦❗大蝦雲吞拼水餃皇（$58）雲吞水餃皮薄餡靚，大大隻鮮蝦肉，搭配豬肉和清香韮菜，正！水餃皇都係有原隻鮮蝦，不同嘅係配料係豬肉、筍絲和黑

打邊爐係香港人一年365日都會做嘅活動🤣🤣今日因為要就朋友工作地點，所以去咗深水埗呢間火鍋店打邊爐。可能今日晏晝食得少， 5:00已經覺得好肚餓，所以七點去到火鍋店，唔理三七二十一就叫咗一jar 蘋果雪梨茶先。我地揀咗一個蕃茄薯仔牛坑腩湯底，因為我覺得一個湯底又可以食到薯仔同牛坑腩，超值🤣🤣！湯底個味唔會太濃，唔會搶晒食物嘅原味度。薯仔夠粉，牛坑腩牛味濃，而且煮咁耐都唔會靭。由於我實在太肚餓啦，所以叫咗大嘅頂級手切肥牛🤣🤣。肥牛灼10秒左右口感最佳，肉質嫩，肉味濃，配上清清地嘅湯，更襯托出濃濃肉香。四寶丸最好嘅地方就係可以食到唔同味嘅丸。墨魚丸爽口彈牙，而且有墨魚粒丶鯪魚丸好滑，而且冇骨丶梅菜豬肉丸有住家菜嘅風味（諗起梅菜蒸肉餅🤣🤣）丶蝦丸蝦味濃魚皮拼響鈴，兩樣都係即炸，侍應叫我地盡快食會更好。魚皮同響鈴好薄身，而且炸得鬆脆。響鈴豆味好濃，食到腐皮味道。脆肉鯇魚腩，雖然比較多骨，不過好新鮮，而且厚身嘅魚腩好爽脆，配上蕃茄湯，讚！豬天梯，口感較Q彈，而且脆脆的，灼十秒左右已經食得，我覺得呢個係較為矜貴嘅食材，因為一隻豬只得一個上顎，而且膠質豐富，相傳有美容養顏之效果。萵筍片我冇食，睇落應

朋友介紹說在深水埗有間吃火鍋的蠻有名氣及質素不錯, 於是就約大家三五知己去吃, 真係好耐無出過深水埗, 以前常常跟媽媽出去行街, 蠻有回憶的, 也知道有很多不同類型的商品賣, 估不到吃的也真的不少呢, 朋友帶我們去這家, 位置也不算太難找, 望門口都覺得幾大, 但原來還有後場, 經過廚房行去後面還有大地方, 真的蠻大呢, 七時多到都已經有很多捧場客來吃了, 那說明應該不錯吧~~~湯底有蠻多的選擇, 因為近來都是選比較清的, 所以揀了清清的鍋再加其他新鮮料, 那就先來個雞鍋吧!!! 當然之前也會放一些醬給大家混一混, 呢期唔食得花生同辣, 唯有醬油走天涯, 嗚~~~還有枱上也放了一些小吃, 朋友說是 “黃飛鴻花生”很出名的, 哈哈我真的不太懂~~打邊爐又點少得飲品, 先來個蘋果雪梨茶潤一潤佢, 好清甜, 新鮮弄無溝水~~清涼!!! (之後我們還點了酸梅湯, 都好清甜~~)椰青礦泉水走地雞鍋(半隻)($138)~~~估不到用礦泉水, 我想應該會令個湯再鮮味一點, 不知對不對, 哈哈!! 這個要侍應告訴食法及交由他處理, 先將礦泉水倒下, 再放椰青, 是原個上再由侍應掘肉出來, 所以真的是超