西貢越南真味

营业中

休息中

越南河粉的湯底一般都係用牛骨和牛腩經長時間熬煮而成，而呢度既湯底除左有牛湯底外，仲有雞湯底，坊間越南餐廳比較少有。首先叫個前菜牙車快，即越南菜既雞絲沙律，口味酸酸辣辣，非常開胃。湯粉方面先試牛湯底既順化湯檬，牛湯底味道比較香濃，順化湯檬配料有意想不到既豬手，配搭扎肉同牛展，大量洋蔥、乾蔥及九層塔，最特別係加上順化辣油，令碗檬粉加多一種惹味，但又唔會太辣。另一碗係西貢什會河粉，用上清甜雞湯，配料有蟹柳、鮮蝦、扎肉同豬頸肉，味清而鮮，啱哂鍾意比較清淡口味既朋友。

今日收工同男友去左九龍城食飯，屯馬線開通之後對我地呢啲住新界西北既人嚟講真係方便左好多😆我地叫左個順化湯檬，西貢什會河粉，鮮蝦海卷，熱柚子蜜同青檸梳打～順化湯檬同一般食開嘅越南湯粉好唔同！因為本身嘅湯底已經加咗辣油，味道比較濃，而檬粉就索晒個湯底，相當惹味😋主要配料有豬手，扎肉同牛展～豬手炆得好夠淋👍 脂肪部分入口即溶，而肉質亦一啲都唔韌😗我平時唔太中意食扎肉，但呢度既扎肉非常彈牙，連我都覺得好食😯👏牛展既牛味濃郁，中間筋位幾有口感，但肉質就唔算淋～西貢什會河粉湯底好清甜😙 配料有蝦肉，蟹柳，扎肉同豬頸肉豬頸肉肉質比平時食到既更加彈牙，唔錯😋店員教我地個鮮蝦海卷既食法要先豎起個卷，然後再用匙羹倒啲汁落裡面～個卷真係做到超級薄！！👍👍 完全好清楚見到裡面既餡料～蝦肉食得出係鮮蝦唔係急凍蝦，口感偏紮實兼非常彈牙👍除左蝦原來仲有類似豬頸肉既餡😯 加埋生菜蘿蔔爽脆口感同埋帶少少辣兼好香花生味嘅醬汁一齊食，好有口感，正！🤤我地住既元朗區都完全不缺泰國菜，所以今晚黎到九龍城都無食泰國野，但竟然係九龍城呢個泰國菜集中地俾我地發掘到一間咁唔錯既越南野，真係好開心！😆😆

4人行去到九龍城～通常都係食泰餐～經過依間越南粉～心思思想試吓鋪仔細細但都算幾舒服香茅豬扒湯粉～有：生洋蔥、炸洋蔥、香葉、蘿蔔、蔥花、芽菜～豬扒香口香茅豬頸肉撈檬配泰式酸甜醬～有：花生碎、蔥花、青瓜絲、胡蘿蔔絲、蘿蔔絲～撈埋一齊食幾嘢味雞中翼湯粉睇見都唔想食～得四隻雞中翼同一舊蘿蔔～賣相十分差50幾蚊好搵笨～可惜朋友仔鍾意食冇計順化湯檬睇落好豐富～有：扎肉、熟牛肉、豬手、香葉、炸洋蔥、生洋蔥、芽菜、蔥花～食落濃濃牛肉湯味再叫咗凍檸水、青檸梳打、熱越南滴漏咖啡