萬發海鮮菜館

营业中

休息中

好耐冇食過大排檔，一直都好想食到呢到最出名嘅黑椒薯仔牛柳粒，今次終於有機會同朋友一嘗呢到嘅地道大排檔風味～風沙雞(半隻)💰HK$138雞皮炸到好脆好薄，肉質好鮮嫩，上面充滿椒鹽～薑蔥撈鮮魚皮💰HK$78第一次食鮮魚皮，本身以為個口感會滑潺潺，點知食落去個魚皮係出乎意料嘅爽脆，幾特，點埋辣椒豉油啲魚皮就更惹味～黑椒薯仔牛柳粒💰HK$138呢到必叫嘅名菜之一，牛柳粒煮到好淋，薯仔比牛柳粒更好食，外層炸到好脆之餘，又比啲滿滿嘅蜜糖包圍住，美中不足嘅係略嫌薯仔嘅中間煮到唔夠淋，不過整體嚟講，成碟餸好夠鑊氣嘅～

風沙雞 (7.75/10)：鋪上椒鹽的炸子雞，皮脆肉嫩。啫啫桶蠔煲(8/10)：火候恰好，外層微脆，但仍保持了蠔肉大小和肉汁。焗魚腸(4.5/10)：蛋焗得不錯，但魚腸已用薑辟味，但仍微腥 👎🏼———————————————————————————⭕️總評：有風味的大排檔，環境略差，但整體食物水準不錯（註：要點對的菜式），可以翻食 ✅ 💵Budget: $200 pp📍 萬發海鮮飯店 (深水埗)深水埗九江街150-152號地下

成班仔就緊係去大排擋啦, 一講就諗到萬發夜晚八點去到, 已經好虛坎, 啲檯檯櫈櫈一路擺到轉埋彎如果要有風味就一定要坐路邊, 呢間招呼不嬲都冇架喇, 可能因為太多人, 唔憂做咁黎過咁多次, 每次都必點既就一定係薯仔牛柳粒, 黃金鮮魷, 風沙雞,基本上每一檯都係點呢幾樣今次食薯仔牛柳比例接近七三比, 如果牛柳多番啲會較好黃金鮮魷雖然有啲滯, 不過味道真係相當好, 保持水準風沙雞脆得黎又香口, 忍唔住再叫多碟

如果想一大班人聚會吃餐飯，來萬發都係唔錯的選擇，食物都幾好吃，尤其是係個黑椒薯仔牛柳粒，個薯仔係炸左再調汁，好入味😋😋! 八人一起吃，每人除返開只係大概120元。.P.S. 熱鬧、待應很忙、好大煙味，可能因為我們咁岩係坐樓上二樓。好多人排隊等位，最好早點訂枱！.我們叫左七大菜式：🍴蒜蓉炒西蘭花🍴風沙雞🍴沙拉骨🍴金銀蛋莧菜🍴椒鹽鮮魷🌟🍴魚香茄子煲🍴黑椒薯仔牛柳粒🌟🍴可樂🍴白飯🍴Ashaki

想地方乾淨啲，又想食到大排檔嘅風味，嚟呢到就啱哂啦~我次次嚟呢到，都必點呢個薯仔牛柳粒，真係好好味架~佢個薯仔係炸過黎既，加左蜜糖黎炒，所以keep到口感脆得嚟又好香口!黑椒牛柳粒又厚又冧 又juicy， 撈埋啲蜜糖薯仔，甜甜地超惹味~其他小菜都唔錯既，酥炸小棠菜幾得意，中間夾住左啲魚肉入餡，口感非常鬆脆!炸魷魚好香口，而且好夠脆，完全滿足到食炸野既欲望!個風沙雞既肉質都夠滑既，配埋啲香料，覺得好似黑白配咁夾😂 

朋友之前已經食過萬發，覺得好好食😂所以慶祝生日都黎食萬發由於我地有預早訂位，黎到唔洗等就有得入座～一坐低我地幾個女仔就不停講野，完全唔記得要睇menu🙈好彩都冇人吹我地伙記過黎幫我地落單，我地先即刻 openrice 下其他人有咩推薦就照叫好彩有大家啲食評先唔洗慢慢諗食咩落左單唔算好耐就上左第一個菜，佢係我今晚最最最鐘意嘅一個菜黑椒薯仔牛柳粒必叫呀！！！薯仔同牛柳都好好食🤤下次我一定會再叫其他幾樣都幾好食，不過都比唔上黑椒薯仔牛柳粒總括黎講，萬發嘅CP值都幾高。環境幾乾淨，食物好好食又唔貴😂

和朋友飯聚，他極力推介萬發，來之前已很期待。六點幾到達，發現同一條街有三間萬發，已知此店不簡單。喜歡人多吃飯，如果有大食男更佳，因可多點幾款菜。是次點了此店名菜：黑椒牛柳薯粒。果然名不虛傳。牛柳粒很腍，但薯粒更好吃。薯粒表面焦脆，有醬油香味，好吃得停不了口。現在還有些懷念啊！椒鹽鮮魷和啫啫通菜很有大排檔風味，前者炸得香脆，後者香噴噴，熱辣辣。我認為椒鹽鮮魷跟炸雞一樣，是要喝啤酒的。風沙雞亦香口，但沒有牛柳粒那麼令人難忘。勝瓜魚崧一般水準。所有餸都是送飯佳品。下次一定要找多些朋友再來大刷一頓。萬發是街坊小店，店面當然街坊，可以輕鬆吃，大聲講，無拘無束。

坦白說，盡管深水埗有各式各樣的美食，在下對這區的認知真不多，以前留學期間每次離開香港，都會來總店吃碗譚仔或山東餃子，因每次來去沖沖，未有機會嚐嚐別的食物，實在遺憾。然而，在不少同學口中聽說了萬發的大名，一次偶然的聚會，終於有機會來嚐個究竟。小店怖局似旺角新志記，我們四人須走過一條小巷子才到達被安排坐進的B房。一坐下，同行的友人已即時能背出各款名菜，真厲害，我們共點了黑椒薯仔牛柳粒、薑蔥撈魚皮、酥脆小棠菜、半隻風沙雞和薑蔥焗魚雲一同分吃。黑椒薯仔牛柳粒牛肉大大塊，惹味之餘不至蓋過牛味，肉質不會過淋過韌，但原來薯仔粒才是亮點，外層微脆而中央是粉粉的薯肉，盡吸了牛肉和黑椒的香辛，伴酒一流。這輕輕「拖水」的鱞魚皮非常爽脆，薑蔥油撈起來像涼伴一樣，第一次吃薑蔥撈魚皮，這個體驗實在太有趣了！酥脆小棠菜有點像金山海鮮酒家的鍋貼鮮蝦小棠菜，萬發的炸粉較金山厚，但外層依然鬆化且炸得爽身不油膩，內裡是綿綿魚肉夾著小棠菜粒，口感有層次，雖然個人還是更愛金山的彈牙蝦肉，不過這個魚蓉版本水準不遜，就算當天小妹喉嚨多痛也敵不住誘惑，太過份了，害我失聲幾天真活該！風沙雞上檯熱辣辣，片脆肉嫩，吊得很乾身，味道也不錯，

　　六人成局的一夜，晚飯地點是萬發九江街分店，周五晚上七時三十分左右，食客不斷，是次侍者安排大家到A房用膳。空氣調節屬流通，可讓大家吃得舒適。　　還記得光顧數次萬發，並沒有選擇它們的海鮮類，是次特別點了蒜泥蒸中蝦，不過沒有查明每兩價格，只因認為不會太貴。另點了一些菜餚，五枝青牌生啤酒。　　侍者首端上桌的是豉椒炒花甲，肉質結實分明，醬汁濃郁而緊覆蓋花甲，不過味道似乎有點失準，辣椒、豆豉的配料略少，令到味道沒有質感；蜆蚧炸鯪魚球，鯪魚球肉鬆軟，不過蘸點的醬汁中蜆蚧肉略少。　　其後上桌的黑椒薯仔牛柳粒，每次吃也沒有失準的一環，牛柳鬆軟，薯仔粒均盡收所有味道；炒通菜新鮮嫩綠，配合蒜泥、乾香蔥、少許辣椒，絕對是穩定的菜餚；一隻風沙雞，附有蘸點的濃醬油，雞肉尚嫩，炸至雞皮香脆，不過不失的水準。　　點了兩碗白飯、一碗白粥後，便到蒜泥蒸中蝦，同樣蒜泥、香蔥置上。廚師蒸至剛熟，肉質尚嫩，不過鮮甜味不足，懷疑是養殖蝦；腰果珍丁，芹菜、腰果、菇類、雞內臟等，調味方面不俗，雞內臟美味，不俗，絕對適宜拌飯而吃。最後的豉汁蒸鱔魚，豆豉、辣椒、香蔥配料混合一起，醬濃味，而廚師蒸至剛好，肉質嫩滑。　　正當結賬時，看到