火鍋頭

营业中

休息中

舊鄰居請去食火鍋，放工趕去，反正以前大家家住九龍城，算係半個地胆🤩🤩。成條街，最奪目係呢間火鍋頭招牌舊區樓底高，完全無壓迫感，枱夠大張但又唔會彼此太貼近，環境算寛敞除了火鍋，另有刺身和鍋前一口小吃揀了油炸鬼釀墨魚膠， 鬆脆可口， 手打墨魚膠彈牙，點泰式酸甜醬， 好惹味好大鍋，奶白濃郁杏汁，大大件豬骨豬肺淆湯，伴有芹菜， 黃芽白，味鮮甜滋潤，先飲2碗嘆下先陳皮有益補氣，味道同牛肉最合襯，每一口都帶有陳皮清香味，肉滑爽口又有益， 打邊爐都要講養生之道呀牛立方好有嚼口感，越咬牛味越出， 牛胸爽切到好似紙薄， 一滾就可以食得，略嫌脂肪味重， 牛骨髓較少有，入口粉滑大大隻，脹卜卜， 皮薄滑溜韭菜多，好好食呀這個海鮮必吃， 每一樣都非常新鮮，而且洗得好乾淨，沒有一點沙 切記不可以太熟，否則肉質過硬便浪費了馬刀貝粒粒都好大隻， 熟咗之後冇乜縮水， 大件爽口好食最後叫了羽衣甘藍和唐蒿菜，這餐非常滿意，有機會要再食過

天氣轉涼， 又有藉口打邊爐或者BBQ。 火鍋達人又有好介紹， 就係臥虎藏龍嘅九龍城龍崗道。 今日早咗放工去到六點多已經有數枱食客， 冇計呀週末期間個個都要 放鬆放鬆搵嘢食。 店舖樓高兩層， 我們被安排上一樓嘅小角落， 裝修時尚雅緻，座位寬敞，同層仲有好幾間獨立VIP 房。 人多都唔會好嘈。餐牌有兩頁， 包括各款特色小食，頭盤，涼菜，火鍋料，飲品。湯底也有數款特色招牌湯底。 竟然見到有天麻燉魚頭，非常滋補養生。 不過用來作湯底二人來講有點浪費， 飲完都唔需要打邊爐。養顏杏汁豬肺湯$128 我哋叫了另一款養顏湯底: 杏汁豬肺湯$128。 就算喺酒樓已經越來越少推出， 因為人工製作需時 又唔收得貴。 豬肺湯清潤， 杏汁湯底杏仁味突出， 有種清甜同牛奶般嘅幼滑。 湯料除咗有多件豬肺， 大量蔬菜， 仲有幾件超大豬骨用來淆製湯底， 難怪鮮甜度超高!貴妃蚌 $78 貴妃蚌鮮甜肉厚。三式牛拼盤$228雪花牛立方，牛胸爽，牛骨髓打邊爐牛係唔少得， 我哋唔係牛痴同食肉獸， 所以揀咗呢款三拼每樣試下。 雪花牛立坊紋理清晰， 淥咗一陣都唔覺韌 唔會話好多脂肪， 入口肉味多個油花，啱啱好。好耐冇食牛骨

自從我哋一班死佬唔搞食火鍋之後，身邊喜歡食火鍋嘅人真喺少之又少，數一數，近幾年真喺無光顧過火鍋食肆。如果日式嘅涮涮窩都計算在內，已經喺成年前嘅身，否則，對上一次食中式火鍋，已經喺兩年了。今晚應友人之邀，投其所好，真喺專誠走入嚟九龍城龍崗道嘅「火鍋頭」食火鍋。店內裝修如大多新派火鍋店，講求時尚、簡約，水泥地、仿磚牆、別緻吊燈就算喺形容晒整個環境。配上柔和嘅燈光，高樓底，算喺一個舒適用餐嘅環境。知道仲有上一層，因為無上，就不多提。碗碟、餐具都用料精緻，有黑白公筷、私筷，又有鋼夾，基本配套做足。每枱枱側都擺放一個托架，喺用作稍後擺食物之用，不過，此刻就放咗「九宮格」醬料盤，而醬料收費每位收$18。攞完醬料後，基本上店員會攞走個醬料盤，以騰出空間，不過，唔使擔心啲醬料取用喺一次性，之後有需要加添可以再問問店員。除一小兜混上自己幾款偏好嘅醬料外，如沙嗲醬、金蒜、蔥花……等，另外，見醬料盤內有青檸，就試嚟唧落豉油度，用嚟沾海鮮效果唔錯喎，更提鮮呀！食火鍋湯底就梗喺好重要啦，「火鍋頭」嘅湯底真喺有幾多選擇，一系列招牌湯底頗幾有心思，另一系列精選湯底又可以選擇雙拼（以價高者另加多$25）。而有啲咩食，