Chef's Stage Kitchen (西菁街)

营业中

休息中

話說約左個十幾年無見既朋友食飯，佢推薦黎呢度食，都知呢間西餐廳好高人氣，我都想試好耐就黎食個晚餐啦。餐廳面積都幾大，目測都超過30張枱，位與位之間都唔會太近，裝修都好有格調，坐得相當舒服。睇下餐牌由於朋友唔食牛，我地就先試個2人晚餐share，有餐湯或沙律，頭盤加2份主菜。餐包餐包有3款，兩款有d似酸種麵包，質地有d乾硬，但食落又幾香，配埋芝士醬更好食，另一款係比較脆既麵包條，脆卜卜幾好食。餐湯聽講係間不同的，今日係紫薯忌廉湯，紫薯味同甜味比較輕微，湯質地都幾濃郁，呢個湯唔錯。秘制美國炸雞翼及炸芝士青辣椒頭盤，炸野係新鮮熱既，先講雞翼朋友果隻就正常，我食果隻就略生左d，個心仲紅紅地，呢方面要注意下，調味少少辣另跟左2款醬，蛋黃醬同另一隻唔太清楚，炸芝士青辣椒就炸粉同辣椒比較易分開，食果陣論盡少少，另都有d沙律同2條燒秋葵，不過果2款炸物就比較一般d。黑松露卡邦尼意粉比較有d驚喜係有真黑松露塊，唔係黑松露醬，意粉質地爽口，醬汁都好濃，不過就膩左少少，黑松露味無平時食開黑松露醬咁濃味，不過都ok好食。炭燒美國極黑豬扒拼香草牛油焗波士頓龍蝦尾豬鞍扒煎得岩岩好，夠熟得黎唔會過火，食落都唔會太乾

朋友生日，跟他慶祝，這次選了間裝修不錯的餐廳跟他吃飯，而且非常近他家，非常方便！精選晚餐(2人) （６５８元）餐湯及餐包餐包一共提供了三分，一款較鬆軟的，一款較煙韌的和一款餅乾，配上酸甜的醬汁，吃起來挺開胃！我們選了一份是日餐湯，是白汁蘑菇湯，喝起來挺香甜，蘑菇味香！而另一款是黑松露牛肝菌蘑菇濃湯（＋１９元），這個喝起來味道會更加香濃，帶有黑松露的濃香，入口幼滑！頭盤—新鮮生蠔海鮮拼盤（＋１６８元）這個一共有５款海鮮，分別有生蠔，阿根廷紅蝦刺身，海膽，翡翠螺和青口各２件。這個最重要的當然是生蠔，這個質素挺高，入口嫩滑鮮甜，質感CREAMY，帶點海水的鹹味，沒有我討厭的鐵鏽味和腥味！而紅蝦就吃起來爽嫩，帶點甜！海膽入口即化，挺鮮甜的！翡翠螺和青口味道正常，爽滑！主菜１—法邊豆，蘆筍及風乾番茄羅勒青醬長通粉這個味道味道挺特別的，帶點青草的香味，味道非常濃郁，鹹香鹹香的，配上法邊豆，蘆筍及風乾番茄，整個感覺非常健康！主菜２—碳燒美國極黑豬扒拚香草牛油焗波士頓龍蝦尾這個豬扒是厚切的，差不多快３ＣＭ，但吃起來肉質非常嫩滑，而且肉汁很多，帶點淡淡的豬肉香，外表又被煎香了，吃起來特別滿足，肉感滿滿！

同Bff冇原因下聚下食下飯，搵咗呢間格調元朗西餐。餐廳幾闊落，仲有露天雅座，晚上時間有狗仔同主人共享天倫之樂。見到好多人都食緊牛扒，最後同Fd Happy Share兩款主菜：炭燒美國頂級1855西冷牛扒同墨魚汁帶子海蝦扁意粉，再加$38轉套餐。是日沙律係藜麥雞心荳沙律，好清新。湯轉咗黑松露牛肝菌蘑菇濃湯，牛乾菌味道好突出，之後有淡淡嘅黑松露味。西冷有完美嘅橫間紋，吋半嘅厚度。一切有粉嫩嘅粉紅色，接近七成熟。食落好嫩滑，肉汁出曬黎。簡單嘅調味配以本身嘅肉味，已經好足夠。重口味人士可以點埋牛肝菌汁，double牛味。長知識：原來1855係指美國著名牛肉品牌。墨魚汁帶子海蝦扁意粉係驚喜之作，一上菜就好香。雖然本身知道多推薦，但估唔到咁好味，係食過意粉中嘅top 3。口感極creamy。每條意粉都煮到剛剛好，平均地掛左香濃嘅墨魚汁。帶子海蝦足料，有兩隻帶子，三隻海蝦，都煎到金黃色。飲品方面叫咗水果沙冰，分別係Snow white同埋Forest。兩者都用咗好多生果所以未飲已經聞到好重水果味。Snow wite（Red& Green Apple）嘅青蘋果味出，帶出水果微酸。Forest(Min

突然想食西餐，見Open Rice咁多好評，就決定試下。我地大約6點walk in，竟然有4人卡位坐，環境都幾有氣氛，90分鐘用餐時間。二人晚市套餐($628)餐包有三款餐包配沙律醬(?)餐湯：甘荀湯有誠意既餐湯，有甘荀蓉，口感唔錯。頭盤：秘制美國炸雞翼及炸金文不芝士頭盤即叫即炸，熱辣辣，加分。炸芝士切開一半，芝士流心好吸引，芝士幾重奶味，蘸埋沙律醬一齊食幾好食。雞翼炸得幾靚，肉質唔柴，”友人”覺得醮醬更好食，但我就鐘意尼款雞翼本身既調味香料，覺得唔醮醬吸引d。(個人口味S: 3.5/5)(個人口味E: 3.4/5)主菜：炭燒穀飼澳洲肉眼扒拼香草牛油焗波士頓龍蝦尾待應話肉眼扒standard係七成熟，”友人”就揀左五成熟，煎得幾香口，肉質嫰滑，雖然外邊熟左少少，稍韌，但整體都煎得幾好。龍蝦尾上枱時已經起埋肉，燒得幾好，口感唔錯，但太細舊，唔滿足。薯菜揀左南瓜蓉，味道幾特別，肉眼扒底下既配菜都幾好食。(中間位置)(外邊偏熟)(配菜)(個人口味E: 3.9/5)主菜：墨魚汁鮮帶子海蝦扁意粉有2粒帶子，3隻蝦，帶子同蝦煎得香口，意粉煮得好creamy，墨魚汁味道濃香，正中我口味，份量好大碟，

又到元朗搵野食喇呢間係元朗都開左好耐而小編都食過幾次每次都可以好滿足咁返屋企 😤😤不過佢裝修後都係第一次去裝修後舖頭擴充左所以坐位都闊落左, 感覺比以前坐得舒服.平時 W͎A͎L͎K͎ I͎N͎ 就一定要等位, 所以大家記住要 вσσк 位呀 😗😗.1) 餐包 + 餐湯叫左野食後, 侍應就為我地送上餐包喇餐包一並有3款, 有面包條, 法包同五殼方包3款小編都覺得好食跟餐包上既醬都唔錯嫁👍.2) 香濃芝士焗粗薯條 ℍ𝕂𝔻 𝟟𝟠又係芝士同薯條呀😝呢個配搭真係無得輸!好多芝士, 不過記住一定要襯熱食呀 🤤.3) 凱撒沙律加配雞胸 ℍ𝕂𝔻 𝟙𝟚𝟞雞胸無諗過會有咁多😲而且雞胸肉一啲都唔"鞋", 有驚喜呀 🤣.4) 經典肉醬千層面 ℍ𝕂𝔻 𝟙𝟝𝟠好食❗️ 好食❗️ 好食❗️好重要, 所以要講3次🤣小編之前黎一直都無叫過, 所以估唔到係咁好食每塊千層面中間都有好多肉醬, 所以係食落去啖啖都係肉醬但又一啲都唔漏😲再加埋上面既芝士, 正呀🤤🤤🤤🤤🤤.5) 炭燒美國頂級1855肉眼牛排 ℍ𝕂𝔻 𝟛𝟛𝟠牛排上菜喇佢地既牛排都唔錯嫁, 我地叫左7成熟整得岩岩好, 一啲都唔韌👍.6) 黑松露牛乾菌磨菇意大利飯 ℍ𝕂𝔻 𝟙𝟝𝟠一上

這間西餐舊店在好順意大廈附近，已經常爆滿，食過一次之後就結業，原來只是搬鋪去富達廣場，新店比舊店大一倍，而且正面及側面設有開放式座位兼沙發座，飲酒食煙談心什有情調，而店內空間很大，座位非常寬闊，凝造出店內浪漫休憩假日氣氛。四人叫了三份主食，外加$38元升級套餐，送餐湯及飲品，個人認為豬手必食，皮脆易咬，而且上桌前已早為你骨肉分離，咸道適中，食落好味又方便，另外仲叫左份牛扒及燒春雞（半隻），牛扒７分熟，肉質鬆軟，脂肉相連亦容易咀嚼，燒春雞剛全熟，配上雜錦黑椒汁仞味道層次更豐富，伴碟及賣相別有心思，色香味俱全，不會覺得碟上而比其他鐵板菜有任何遜色。

裝修後第一次黎，店舖依然環境靚同食物高質✨我地2個餐都加$38轉左set，有沙律或餐湯首先上餐包，暖暖地的，蕃茄包最好味！沙律都好新鮮同份量好多！肉醬千層麵$158，蕃茄醬既味道調教得剛剛好唔會過酸，肉醬份量好多，每一層都好足料，略嫌有點太多油浮面…見到有d驚😂燒雞$188，雞肉皮脆肉嫩，而且有2大舊！真係好抵食Tiramisu都好似幾出名，又咁啱我地2個都生日，就加$48要左件蛋糕，比想像中大件呀2個人share啱晒！芝士味好香滑，整體幾出色，如果可以重d咖啡味就好啦～最後每人大約$300埋單，以依個質素黎講真係超值！勁滿意勁滿足