URBAN Cafe (彌敦道)

营业中

休息中

朋友好鐘意貓🐱 以前讀書時我哋好鐘意去貓café 摸貓今次特登帶咗佢去旺角一間樓上嘅貓café 估唔到呢度地方細細 竟然有咁多貓貓🐈‍⬛🐈貓貓會喺餐廳度行嚟行去 又會擺唔同嘅pose而且仲好為食 每當有人餵零食時 一定會比貓圍🤣 我哋都幫貓model們影咗好多相呀💕雖然主角係貓貓sss 但呢度嘅食物質素都一樣唔錯㗎******************************食物s:✨Set for two ($388+10%)🥣餐湯蘑菇湯飲落都幾creamy 咸咸哋 味道好夠濃有好多煙肉片同蘑菇 仲有粟米肉碎同洋蔥🥗沙律沙律菜爽脆新鮮 仲有車厘茄同粟米配上沙律醬酸酸甜甜咁 🍝青醬忌廉海蜆野菌扁意粉 意粉有香濃嘅香草忌廉汁 入口感覺好creamy 意粉軟硬度適中 每一條都好掛汁💕而且面頭有滿滿嘅蜆肉 份量好多以café 質素嚟講 都頗有驚喜 值得推薦🍕意式辣肉腸薄餅Pizza批邊焗完後好香脆 入口有淡淡嘅番茄醬汁味道香濃芝士配搭辣肉腸同粟米粒 香口而唔會膩Pizza幾厚身 好有質感 食完好飽肚🥤香草薄荷朱古力(凍 少甜)薄荷朱古力味道都幾濃 朋友話稍甜咗少少 唔好甜野嘅朋友建議揀返少甜🥛

今日約咗幾個舊同學出嚟食飯，其中一個朋友就提議去呢間樓上cafe，因為佢之前食過呢間嘅觀塘分店，食物環境都唔錯🥰所以我哋今次就揀咗呢間嘅旺角分店，收工過嚟同食完嘢返屋企都好方便😆Cafe位於彌敦道嘅大廈二樓，喺油麻地地鐵站行過嚟都只係兩三分鐘路程，好快就到～一坐低睇吓menu，見到都幾多選擇，無論係主食定小食都有好多款式，真係搞到花多眼亂🤣一向有選擇困難症嘅我，一於收窄範圍，直接揀個四人套餐 ($568)🤣四人套餐包咗四份沙律🥗同四碗餐湯，沙律菜撈埋少少胡麻醬，好fresh好開胃😋而果日嘅餐湯係南瓜忌廉湯，甜甜地幾好飲😋主食方面，四人套餐包咗兩份意粉同飯，我哋就分別揀咗即磨芝士黑松露野菌大啡菇忌廉意大利飯同日式青蟹籽大蜆大蔥忌廉扁意粉🍝意大利飯生熟程度啱啱好，保持到意大利飯煙煙韌韌既口感😳而黑松露同蘑菇永遠都係最好嘅配搭，撈埋啲芝士食嘅感覺好滿足🤤個意粉份量都唔少，蜆肉比得一啲都唔孤寒😳，配埋啲青蟹籽一齊食，令到成個意粉都好鮮味😋主食除咗飯同意粉，我哋仲揀咗個慢烤嫩雞胸(配薯菜)同挪威煙三文魚拉絲水牛芝士手工薄餅🍕一開始見到係雞胸，都驚唔知啲肉會唔會好粗好柴，估唔到佢真係整得好嫩滑😳食

Weekend Vibe! 同Bff決定黎係旺角享負盛名嘅Urban Cafe享受治癒嘅一餐。餐湯係忌廉南瓜湯好香甜，有一絲絲嘅南瓜蓉。是日沙律有生菜、蕃茄同菠蘿。開完胃主菜就黎！！主菜之一點咗即磨芝士黑松露野菌大啡菇忌廉意大利飯。意大利飯係經過改良，配合返港人口味，比較軟身，米粒中間唔會硬。飯好Creamy， 而唔膩。未食已聞到磨菇味，食落仲有芝士鹹香同淡淡黑松露味。欣賞飯中有細小切粒嘅青椒，增加口感。意大利飯冇肉，另一款主菜— 西班牙黑毛豬肋骨，兩大件豬肋骨滿足我地兩位食肉獸，均衡飲食。豬肋骨煮得剛剛好，肉質好嫩滑， 一切就得骨肉分明。肋骨之間有少少油脂，好邪惡但好juicy。燒得好嘅肉配簡簡單單配BBQ sauce已經足夠，醬應該有Tabasco 為base，少少辣辣地。飲品加錢轉Oreo脆脆朱古力沙冰，每一口都有oreo碎 ，朱古力味濃郁。甜品叫咗雪山心太軟，可惜當日只係剩返抹茶味，$25一份心太軟好抵。一切心太軟就有流心效果，食落暖暖地，配埋咖啡果仁雪糕，口裏一冷一熱。期待下次再黎發掘其他好西，同埋探貓貓。

出開油麻地，第一時間就諗起呢間餐廳，上次食過印象唔錯，決定再次幫襯。🥗藜麥胡麻醬野菜沙律（跟餐）同上次食嘅沙律菜唔同左做法，不過比起千島醬沙律我更愛呢個藜麥胡麻醬，感覺更健康。🥣 是日餐湯Soup +$8和上次味道一樣，濃郁creamy嘅忌廉湯。🥩 燒紐西蘭牛肉眼扒（今次選了配百里香汁 和薯菜）Grilled New Zealand Beef Rib Eye $89上次食嘅係黑松露汁，今次特別試下百里香汁，有淡淡香草味，又唔會過鹹蓋過肉味，個sauce唔錯。肉眼扒炭燒表面，內裡肉質亦唔會過靱。🍛泰式青咖喱雞肉野菌忌廉意大利飯 $58Risotto with Chicken and Mushroom in Green Curry and Cream Sauce呢個飯對我黎講真係偏辣（利申：係一個完全唔食得辣嘅人），不過就係要辣辣地先夠開胃，多野菌，鐘意食辣嘅人應該會很喜歡。☕️ 意大利朱古力咖啡Hot Mocha (跟餐補差價+$17) 及 意大利焦糖咖啡Hot Caramel coffee (跟餐補差價+$10) Mocha 和 Caramel coffee 唔算勁濃味嘅咖啡，啱我😆。🧇

油麻地有間貓餐廳，今日就同個貓癡嚟呢度食嘢順便玩貓貓。入餐廳之前要先穿上鞋套，給人非常衛生嘅感覺。呢度嘅午餐價錢一啲都唔貴，一般意粉扒類薄餅等大概$60就已經有齊餐湯沙律同餐飲，就算牛扒餐都唔過$100，仲有貓貓娛賓，算是價錢相宜。沙律用上芝麻醬，加入藜麥及蕃茄，清新又飽滿。南瓜忌廉湯，入面仲有淡淡的南瓜肉，好味又有口感。呢個豬扒味道都唔錯，佢係首先煎香豬扒之後喺上面再加車打芝士，然後稍為焗一焗，待芝士融化後再淋上黑松露燒汁，旁邊配有薯角同蔬菜，味道不俗。紅咖喱蜆肉意大利飯帶微辣，唔食得辣嘅朋友相信都會接受呢個香多於辣嘅味道，入面蜆肉同野菌份量都唔少，味道醒神又飽肚。雖然特飲要補差價，但嚟得cafe都會想要杯特飲。呢杯蘭香子雜莓綠茶酸酸甜甜幾好味。薄荷朱古力味道清新，奶泡香滑，而且都係大大杯。窩夫即叫即製，上碟仲係暖笠笠又脆口，呢個價錢甜品大大份真超值！綠茶心太軟有流心效果，配埋雪糕一冷一熱真係大滿足！

好耐冇去過樓上café，感覺次次都試伏咁，一般D野食都做得麻麻地，今次呢間樓上café 就俾到驚喜我啦~不過café 環境較為狹窄，有”搭枱”情況出現，亦有限時90分鐘用餐時間，可能就冇一般café坐得咁舒適。我地一坐低就睇中左佢既2人套餐 ($298，openrice 有8折*)，份量相當多，套餐已包括餐湯、沙律、小食拼盤(+28)、兩個main course、兩杯飲品、一道心太軟(+25)。餐湯--忌廉南瓜湯忌廉南瓜湯~ 湯做得非常濃稠，口感幼滑，味道清新，甜蜜可口，非常滋味。沙律簡單沙律醋點綴沙律菜伴菠蘿，清新清甜，非常解膩。小食拼盤小食拼盤有法蘭克福腸、薯角、唐揚雞塊，香腸滋味可口，但雞塊沾粉略為過多，炸得未夠火喉，偏稔。至於薯角，若似小妹一樣喜歡食薯條類炸物，呢個都算唔差，薯角大大塊，外脆內軟。不過呢個拼盤唔太特別，$28都合理，不過我食晒成個餐就好飽啦。主菜- 安格斯牛肉手工竹炭漢堡有一吋厚的漢堡牛肉，肉質較為軟腍，脂肪不多，肉汁尚可，未夠彈牙，有一層芝士加添風味，如無芝士，肉味略淡，不過cafe來說已算水準之上。主菜-日式青蟹籽大蜆芥末扁意粉呢個忌廉非常厚身，太過濃稠，食

旺角cafe其實冇幾間會反焯，呢間係其中之一的佼佼者。食物選擇唔少，高質抵食，坐得又算闊落，回頭率真係好高！我地今次揀左二人餐再加左甜品同青口，飽到傻左都係四百蚊💰最推介🥢烤豬肋骨 🥢卡邦尼扁意粉 同 ☕️Oreo脆脆特濃朱古力————————————————————1️⃣粟米南瓜湯好滑又唔會太傑，仲要俾貓貓偷食🤭2️⃣溫泉蛋煙肉野菌配黃金卡邦尼扁意粉蛋汁撈勻之後的意粉更加creamy，煙肉又增添左鹹香感，扁意粉唔會太腍，好高質3️⃣西班牙黑毛豬肋骨豬肋骨烤得超級軟腍，一切就甩肉，淋上燒烤醬甜甜地好好味。兩大塊豬肋骨平時係其他餐廳食都唔止我地今次嘅set dinner價，今晚的性價比之最4️⃣白酒煮紐西蘭青口 HKD68青口夠大隻，份量亦唔細，雖然略略有d老，都不失為抵食之選5️⃣雪山抹茶心太軟 set+HKD25大大球曲奇雪糕配抹茶心太軟，為呢餐飯做左好好嘅總結。心太軟味道比較甜，兩個人share就啱好啦6️⃣凍Oreo脆脆特濃朱古力 set +20‼️必試‼️鋪滿Oreo，飲落朱古力味超濃，又唔會太過甜膩，好中意！！