Pizza Maru (荃新天地)

营业中

休息中

荃灣呢間開左好耐但一直見佢大排長龍...次次都食唔到...今次專程6點半前黎到就係要食佢！！！！！好好彩一去到唔洗等...當我地order晒野食既時候..出面已經勁多人排隊🙈🙈🙈我地嗌左半份蜂蜜蒜泥炸雞,半份首爾醬油咖哩粉炸雞同一個泡菜海灣芝加哥～～2份炸雞都好食,但你話會唔會好surprise 其實又唔會...我自己就偏好蜂蜜,妹妹就勁鍾意咖哩個款～但重頭器佢個泡菜芝加哥勁勁勁勁好食,佢pizza底係好薄,但鋪上厚厚既料同芝士....我係勁鍾意芝士,仲要佢厚厚既邊都包住好多芝士,個pizza邊超好食！好重麥香味！！！！！我地勁唔夠喉,即刻嗌多個薯角炭燒雞肉芝加哥，反而呢個就失色少少，雞肉有d鞋,但bbq醬都好食，但本人鍾意泡菜個個多d~~~~~~🥰🥰🥰而且佢cp值超高！！！！！大家鍾意飲啤酒佢去到8點前都仲係happy hour可以飲多幾杯喇～～～～🥳🥳🥳

多年來Pizza Maru一直都是我心目中首屈一指的薄餅店，款式新穎繁多絕對百吃不厭。每次來到十居其九都會點選芝加哥薄餅，泡菜海灣芝加哥 ($189) 特別之處在於用上蜜糖杏仁邊，批邊舖上杏仁片烤得香脆更帶濃厚蜜糖甜香；芝加哥薄餅一如既往裡裡外外均充滿雙重Mozzarella芝士 、芝士條及忌廉芝士慕絲，但相對上感覺不及同系列其他口味澎湃滿瀉。其他配料方面包括鮮蝦、蟹柳、火腿、菠蘿、炒洋蔥、粟米等，並配以牧場醬及泡菜蛋黃醬兩款醬料，味道以酸甜為主但泡菜辣味卻微不足道，個人覺得可以加入泡菜作為配料令主題更加鮮明。以往嚐過蜂蜜牛油、蜂蜜蒜泥及芝士等多款口味的炸雞，當中又以首爾醬油咖哩粉炸雞 ($128) 最令人回味無窮，炸雞外層酥脆並抹上醬油味道香甜，再沾上咖哩粉辛香惹味。三文魚菠菜忌廉意大利粉 ($163) 扁意粉口感柔韌有致，菠菜忌廉汁濃稠適中並帶淡淡奶香，加上三文魚粒、芝士粉及大啡菇層次分明。荔枝瑪格麗酒 ($68) 荔枝味突出而酒味相對溫和，入口平易近人。

泡菜海灣芝加哥($189)，哩個pizza用左超過十款餡料，而且有泡菜既關係所以食落會辣辣地，批邊搽左蜜糖，一甜一辣口感好特別，加上芝心係特厚，pizza既餅底鋪滿芝士，每一啖都食到軟綿綿既芝士。蜂蜜蒜泥炸雞($123)，半隻雞份量，共6件，哩款係淋上醬汁既炸雞，濃厚香蒜味，外層炸粉食落仍然脆卜卜，而且甜甜地給人一種食完一件再想食多件既感覺，雞肉有肉汁唔乾身。首爾醬油咖哩粉炸雞($128)，同樣半隻雞份量，共6件，哩款炸雞係加上咖哩粉末，雞肉同樣嫩滑，味道方面唔會太濃太辣，好迎合香港人口味。Peach Ade($48)，係桃味既氣泡飲品，加入左薄荷葉，口感好清新，pizza和炸雞都係高熱量食物，飲一啖可消除口腔內既油膩感。

早在2017年Pizza Maru初次登陸香港時已經吃過多次，一直以來都是我最喜愛的薄餅店之一，雖然Pizza Maru在韓國同為連鎖餐廳，但質素之高與香港的龍頭連鎖薄餅店絕對差天共地。Pizza Maru由初時只得銅鑼灣一間分店，發展至現時更有尖沙咀店及荃灣店。除了招牌芝加哥薄餅及其他一系列特色薄餅外，炸雞、意大利粉等都一應俱全。韓國烤肉芝加哥 ($186)芝加哥薄餅比一般薄餅厚身得多，批底當中充滿大量芝士，用上雙倍Mozzarella芝士、巴馬臣芝士及芝士條三款芝士，從外而內每一口都能嚐到濃厚芝味。每一片薄餅上都平均分配好牛小排、辣肉腸、番茄、糖霜等配料，加上番茄醬底酸酸甜甜中和膩感。首爾醬油咖哩粉炸雞($128)炸雞即點即炸外層酥脆之餘不會過厚，除了雞胸部位在所難免肉汁較少之外，整體而言肉質嫩滑多汁，醬油與咖哩粉鹹甜交錯，辛香惹味。帶子泡菜卡邦尼 ($158)意粉口感柔韌有致並充分裹上卡邦尼忌廉醬，濃郁醇厚，特別之處在於加入泡菜製成，比一般卡邦尼多一份酸辣；帶子亦煎得恰到好處保持鮮嫩，亦有蘑菇、煙肉、巴馬臣芝士粉等材料。Witch ($87)韓國手工啤比較少見，可以一試。