拉麵來

营业中

休息中

拉麵來於大坑屹立多年，可說是香港早期拉麵潮興起的老店，今次就來到尖沙咀分店。小店面積不大，但裝修擺設別有一番心思，以日本昭和年代的民居為設計藍本，塑造濃重的東瀛復古感。店內掛滿懷舊色彩的玩具及海報等，猶如置身於六、七十代的東京小巷。餐牌亦是獨沽一味賣拉麵為主，另有小食供應，在下單紙自選湯底、麵條軟硬度及配料，不收加一服務費。極上海老吟釀湯拉麵 $104由日本甜蝦、海虎蝦、蝦味噌及日本清酒烹調而成的湯色赤紅無比，另加$17一隻日本溏心蛋和$7 五塊紫菜。總共有三隻爽彈蝦肉，無味精湯底濃郁鮮甜，掛湯得來甘香不膩。湯頭煮得夠熱，採用幼身麵條，質地純樸滑口，盡吸鮮香蝦湯精華。香濃雞白湯拉麵 $92以40公斤雞熬成的濃厚雞湯，湯面泛起薄薄油脂，呈現淡淡的金黃色澤。吃時拌入半透明的骨膠原啫喱波波，令湯底膠質更重，口感黏稠，猶如喝下一碗滿滿的膠原蛋白，特濃雞湯味纏繞著舌尖。叉燒肉質軟嫩不死實，同樣是幼身麵條，放湯浸久了都不易發脹，輕輕一吸就從舌尖滑到喉嚨裡。另加$17就有一隻溏心蛋，軟嫩蛋白包裹著半熟晶瑩的流心蛋黃，滿溢香濃蛋味。秘製自家手打脆炸蝦丸 $42蝦丸炸至金黃，外層脆卜卜，丸身爽彈有嚼勁。

🍴香濃雞白湯拉麵 $92 + $17 溏心蛋💁🏽‍♂️唔錯👩🏻跟拉麵附上一粒雞湯精華，放入湯入面溶好就食得。雞湯夠鮮味，不過因為試過更加好飲嘅雞白湯，冇比較冇傷害🥹 日本糖心蛋偏心，價錢都比較進取，不過味道一流。🍴極上海老吟釀拉麵 $104 + $27 火藥玉👩🏻咩嘢係火藥玉？💁🏽‍♂️唔知，可能係火炙玉子燒個類👩🏻似bo(嚟到係一個球狀嘅醬料，睇個樣都知非常之辣🫣🫠)💁🏽‍♂️…(辣到出唔到聲）有冇tissue…👩🏻 極度後悔冇問吓店員咩係火藥玉🤣好彩佢係分開相。極上海老吟釀湯底非常之濃郁好飲💗完全值回票價， 係必試推薦👍🏻湯底用蝦熬煮，每一啖都係精華💗

My favorite type of men is RAMEN 走進呢間拉麵店就似一秒回到昭和年代日本果種中古feel，裡面掛著各式各樣復古玩具小玩意、懷舊鐵片招牌、傳統和風廣告和著名舊電影海報等，令人目不暇給；播放著都是日本流行一時的經典歌曲、坐喺窗邊口位一邊食麵一邊望街景好有感覺香濃雞白湯拉麵 $92Chicken Soup Ramen > 配料足不欺場、有叉燒木耳青蔥，仲有粒圓軲轆嘅骨膠原啫喱好cute，比客人加落湯度幾特別。麵條軟硬適中，如果你係非重口味人士、呢個咁清淡嘅雞湯會啱飲。加咗個流心溫泉玉子味道不俗廣島吉列珍寶蠔 $49/3件Gillette Hiroshima Oyster 3pcs> 店員姐姐極力推介呢個小食、一入口果然有啲料到！炸衣厚度適中又酥脆，蠔隻幾大下炸到外脆內嫩，蠔汁豐盛鮮味十足，蠔味濃郁口感軟滑鮮甜燒河豚魚乾 $55Grilled Dried Puffer Fish 配 無花果蜂蜜啤酒 $85> 送酒嘅最佳拍檔，鹹鹹香香嘅河豚魚乾燒得幾香有𡁻頭，點沙律醬chur住嚟食停唔到口！配埋無花果蜂蜜啤酒更加抵黃黚黚 x 拉麵來・無花果

「麵屋一平安」及「橫綱」之後，「拉麵來」及「豚王」可以稱得上是其中兩間將更正宗日式拉麵口味引入香港的本地拉麵店中的表表者及先驅。當然還有其他本地個體小店，但可以堅持到現在則只剩下這寥寥數間品牌，市場已差不多被日本過江龍拉麵店完全佔有。「豚王」近年銳意擴張，分店越開越多。反之，「拉麵來」多年來除了大坑本店之外，只在九龍旺角開了一間分店；去年，旺角分店結業，搬去了尖沙咀。今日路經此店，驚醒原來已多年沒有光顧，一於試試味道是否依然。小店三尖八角，沒有辦法設置開放式拉麵廚房；木枱木凳也佈置得有點擠迫。裝修以偏深顏色木材為主，再加上一張張懷舊電影海報、生鐵鑄造的仿古產品銘牌及搖頭電風扇，整體感覺充滿上世紀1950～1970年代日本昭和時代風情。餐牌設計既抵死又吸引，以半漫畫形式表達；圖片又畫得相當細緻，將每款拉麵的食材及重點特色清楚表達。金·原味豚骨湯麵（$85）的濃厚湯底每日嚴選100公斤豬頭骨、大腿骨及豬背脊骨，經過大火12小時熬煮調製而成；配料是最傳統的自家制叉燒、木耳、青蔥及紫菜，小公主不愛食蔥，所以冇得留低。比起其他拉麵店，湯底似乎偏清淡，欠缺豚骨油脂，可能隔走得太過徹底吧；雖然濃稠度

睇香港拉麵關注組介紹呢間係尖沙咀新開既拉麵店好吸引😍 今日特登搵埋朋友去食拉麵，因為餐廳仲係試業階段，所以招牌都未有🤣但都算幾多人幫襯 。.呢間拉麵店主打雞白湯/海老湯底，同一般豬骨湯底有啲唔同，餐牌可以自己tick拉麵既硬度同湯底濃味與否，就算要多蔥多蒜都唔使加錢👍🏻.我地order左「香濃雞白湯拉麵$92」同「極上海老吟釀拉麵$104」，湯底以雞白湯做湯膽。招牌雞白湯拉麵湯底再加日本濃鹽醬油同新鮮雞油提鮮👍🏻口感好濃郁。而海老吟釀拉麵，湯頭飲起來一整個就是滿滿的蝦味，真的很濃郁，濃郁得來唔會太鹹，只係成碗拉麵有三隻蝦，略嫌配料少咗啲，如果雞白湯拉麵係有兩塊叉燒同木耳條，但係湯底嘅精華搭救👍🏻鍾意食蝦嘅要一試🥰另外我哋加配左「溫泉蛋一隻$17」，溫泉蛋啱啱好，夠晒流心👍🏻好正 .小食方面我哋叫咗「自家製餃子$40」、「自家手打脆炸蝦丸$42」、「免治雞軟骨串$18」，小食既性價比好高，尤其係個炸蝦丸，彈牙又有Q彈感，手打就是不一樣😋、日式餃子香脆爆汁，配上辣椒醋醬油更是惹味。.不得不提一下呢度有我最鍾意係日本飲既「信州蘋果梳打$25 」，呢隻蘋果梳打好香日本蘋果味，價錢仲同日本差唔多