拉麵來 (已結業)

本身我好少喺香港食拉麵，因為覺得始終唔夠日本既好食😂。早排約朋友，佢搵左呢間由「全日本拉麵大賽」獲獎既日籍師傅駐店既拉麵店，有自家研製既湯底同每日新鮮製成既麵條。講到咁勁梗係要試一試😎。🔅香濃雞白湯麵 ($92)湯底幾濃，附有一舊雞湯骨膠原啫喱，放落湯好快溶左🤤。麵揀左普通硬度，直麵，食落爽口😚。叉燒有三塊，肥瘦適中👍🏻。🔅濃厚魚介豚骨湯麵 ($98)湯好濃鰹魚味，唔會好鹹，木耳幾爽口，兩塊叉燒有火灸過所以更香🥰。🔅自家製餃子 ($40)典型日式餃子，皮薄餡靚，頗juicy😋。🔅醬油年糕(2件) ($28)年糕幾煙韌有咬口，唔會好腍/好軟糯，醬油夠入味👍🏻。🔅免治雞軟骨串(2串) ($34)雞串咬落食有粒粒既軟骨，口感幾豐富👍🏻。外層掃左一層照燒汁調味，肉質頗嫩，唔會乾柴柴。🔅綠茶汽水 ($22)汽水幾特別，綠茶味唔會好出，無普通既可樂咁甜。🔅蘋果梳打 ($25)一打開已經聞到好香蘋果味👍🏻，偏甜，可以中和下拉麵既濃味😛。💬舖頭裝修好用心，有好多日本懷舊玩具、貼紙、poster，好似去左日本咁🥺。值得一提店內仲有位可以掛褸👍🏻。食物價錢都唔貴，overall真係唔錯😚。

據我所知，拉麵來係尖沙咀有分店，但原來係大坑都有。平時都真係好少入大坑🤣呢日去試我嘅至愛拉麵，入去行下行下發現大坑都唔少特色美食小店，以後可以諗下係大坑覓食先🤩終於去到舖頭門口，哇，個門面都幾有日式風情，即刻進入旅行mode😝✎ 激辛豚骨湯麵 入到去興奮得濟，都唔記得拎張紙落order，圈翻個啲材料要求，結果直接叫咗waiter落單，好似由廚師發板咁款🤣不過味道都唔錯，個辛辣味好正，一入口未必好辣，但係後勁強！🤩食一啖會忍唔住食多幾啖，想呷埋成碗湯添！就算冇指明到麵條既硬度，廚師都煮到麵條幾爽口😚👍🏻兩塊叉燒都冇乜肥膏！✎ 香濃雞白湯麵 雞味勁濃🥰同樣都係2塊叉燒，麵條都好爽口！✎自家製餃子 餃子既皮好薄，餡比較多，肥肉都幾少👍🏻肉眼睇個底煎到焦焦地金金地，但係神奇地食落一啲都唔硬，依然係腍腍地～😦加埋酸醋，更加開胃～✎ 免治雞軟骨串 多醬汁係面，甜甜的～軟骨好多，成串野好似由軟骨組成咁😂爽脆爽脆！✎ 綠茶可樂 似百事可樂味🤣✎ 蘋果梳打 蘋果味濃，同時都有梳打味既😆