兩草 (已結業)

去完銅鑼灣圖書館， 想搵d平平地既輕擎嘢食， 朋友提議行過隔籬大坑食肉餅飯，未食過就去試下。本來係openrice睇相見裝修好有特色， 點知去到原來搬咗鋪， 裝修一般但地方大咗少少， 估唔到都係要排一陣隊。入到去兩個人嗌幾樣嘢share咁食， 因為佢每碟o野都係一人份量。先講個 (肉骨)胡椒肉骨茶，胡椒味比較重，屬於重口味嘅一種， 入面有四件排骨， 每人兩件， 但我個人比較喜歡重藥材味嗰隻 ~香煎脆邊蛋肉餅飯呢個真心幾好食，有啲住家餸味，$35真係交足功課，個肉餅好香口， 蛋同肉餅加豉油飯一齊食，可能好啱我口味，直情唔想分畀個friend~香煎魚餅本來我唔食嘅，因為我本身唔食魚，但朋友話煎得好香口完全唔腥，所以最後都食咗一半~油菜晚飯點都要食啲菜，可能因為多人幫襯，連菜都好新鮮，清甜爽口，不是一般既頹菜~最後想講，以一間小店黎講，幾十蚊有咁嘅飯食，香港而家好難搵到，唔能夠要求到米芝蓮級數，但好有香港地道嘅味， 兩個人食三餸一湯飲埋支可樂，都係$115，仲想點!

兩草- 大坑平民美食.大坑出名靚車多，美食多，但係喺貴價美食之間，其實有呢間平民小店。呢間馬來西亞美食hit左一排，今日終於唔洗點等可以試到！(雖然2pm入邊都仍然係滿座嘅).香煎脆邊煎蛋肉餅飯 $35煎肉餅超香豬肉味，肉質彈牙😇脆邊蛋有誠意地脆😍生蛋黃撈飯👍🏻飯本身撈左鼓油，亦慘有豬肉的油香！真心好好食🤭蛋炒豬腸粉 $20這是一碟非一般嘅腸粉！炒腸粉係鼓油色的，代表落左鼓油去炒，所以好香🤭。另有用煎蛋去炒所以好香蛋味，有蛋嘅腸粉皮煎得好香脆惹味！不過個人冇咁鍾意食咁重豉油味，覺得佳佳嘅煎腸粉先係最正~.斑蘭咖央多士 $20喺香港淨係諗到toast box同坤記可以食到正宗kaya toast🤔 宜家呢道都有，係斑蘭味的！😍切到薄薄的多士烘至非常香脆，Kaya係綠色嘅班蘭味，甜甜的，中間夾雜住濃郁鮮牛油味😭好邪惡但係好好食！呢間馬拉菜真心性價比好強！唔洗等一定要食！

兩草位於大坑的一家餐廳，位置係大街，相當易搵兩草最出名嘅係煎蛋肉餅飯，所以無理由唔叫睇一睇左餐牌，其實選擇唔多，都係得幾款其實選擇多都未必有用，選擇多又不一定好吃，反而專心做好幾個菜式，仲有機會打響名號叫左三款食物香煎脆邊蛋肉餅飯滑蛋叉燒飯胡椒肉骨茶明顯的肉餅只是普通免治豬肉，並不是手刴的是有期望過的，也明白要求手刴是有點期望太高重點是撈飯豉油太出色滑蛋叉燒飯係香煎脆邊蛋肉餅飯嘅比較下就相形見絀，叉燒切得太碎，失敗佢有個肉骨茶小籠包嘅，不過無勇氣叫肉骨茶比大部分馬來食店出色蘇媽也要靠邊站，捌哥則没資格比

同朋友行行下街幾過這間小店，店內已坐滿，係門口等左陣，很快便安排等我們入坐。😍食品選擇都幾多，我地今次叫左幾個黎試試😋😋包括以下幾項：班蘭咖央多士香煎脆邊蛋肉餅飯小籠包肉骨茶

今次午餐時間大約1:10左右到達, 門口未見有排隊長龍感覺人流都算消化得快, 可能係因為食物size不大XD?店內環境尚可, 呢D時間都預左要搭枱枱櫈空間係細D, 大家都係互相遷就喔~.今次order左香煎脆邊蛋肉餅飯 hkd30班蘭咖央多士 hkd20小籠包胡椒肉骨茶 hkd35.肉餅飯賣相一流 顏色配搭超吸引, 蛋黃橙黃色又晶凝 香葱肉餅加醬油比例剛好上枱熱辣辣 蛋真的超脆邊肉餅鹹香配飯好食 單食個人覺得偏重味督穿蛋黃撈飯又係另一個享受佢仲有撈飯醬油俾你加, 濃味朋友唔驚唔夠汁.咖央多, 呢個係凍食ge多士薄脆 咖央香甜多士、牛油同咖央比例剛好醬唔會太多或太少每一口都有多士同咖央係口中混和咖央食落有種焦糖感覺 椰香搭上牛油有順滑感而唔會膩.小籠包肉骨茶胡椒味重！飲完feel到個人暖luplup小籠包味道ok的 正常咬開都會爆湯汁 唔會因爲浸左落肉骨茶就無湯汁不過兩樣野加埋嘅作用無大作用 可以分開食XDE個菜式比較普通

之前朋友介紹過兩草，一直都想試，但無有時間試到。今日去銅鑼灣行街，終於有機會一試了。去到果度，以為沒有開店，原來搬了去一間新店，而舊店門口會有個指示，寫住新店的位置。新店環境較舊店大，但位置不算多，有大牌檔的感覺，而且要搭枱。餐紙選擇不是太多，點了一個香煎脆邊蛋肉餅飯$30，（小籠包）胡椒肉骨茶$35同一個滑蛋叉燒飯$30。香煎脆邊蛋肉餅飯$30肉餅香口，肉質鮮美，是半肥瘦豬肉。燶邊蛋做得好香口，而且蛋邊脆卜卜。肉餅同飯食到豬油香，讓飯更加香口。（小籠包）胡椒肉骨茶$35第一次飲無藥材的肉骨茶，胡椒蒜頭味好重，不過肉骨茶太辣喉，飲了幾口就飲不下去了。幸好小籠包都多汁，餡料都十足。滑蛋叉燒飯滑蛋同叉燒切得比較碎，少了炒蛋同叉燒的口感，但叉燒丶滑蛋同飯都好夾，飯粒粒分明，配上特製豉油撈飯幾入味。女生食一碗都夠飽，但男生可能會食二碗以上先夠，如果當作下午茶食會較抵。

🔥經過大坑，醒起轉角有間’兩草’，又唔駛排隊喎，一於試試止下口痕😋🔥胡椒肉骨茶配肉骨 $35🔥湯嘅味道以胡椒味為主，亦微咸中有點甘甜，清淡易入口。呢款肉骨茶並非著重於中藥嘅藥材味。🔥排骨嘅肉質炆至腍口，容易骨肉分離🤣略嫌未算入味，但以湯品整體清淡黎講，算平衡得到。🔥香煎脆邊蛋肉餅飯 $30🔥脆邊荷包蛋、煎肉餅、大量葱花、甜豉油，呢幾款草根得黎又惹味嘅配合，配搭上熱辣辣白飯，無得頂😆🔥呢塊兩草出品嘅肉餅絕會淋謝謝，塊肉餅底面都煎至微燶，可謂香口彈牙集於一身👍🏻🔥本來想叫香煎魚餅，但是日售罄，有啲遺憾。睇黎要下次再黎試試，一於帶多幾草野黎食多幾款😛🔥總括而言，’兩草’價錢貼地，賣品實際，但份量不算多。以正餐黎講，大食人士起碼要叫兩個飯先夠🤪Feast Level:🔥🔥🔥🔥/5

來到銅鑼灣大坑吃馬來家常菜，好像是新搬遷的味值，下午一點多來，還是有不少人在用餐，不過不用排隊，下午沒有供應蛋炒腸粉和小籠包，想吃的等晚上來吧香煎脆邊蛋肉餅飯 30燶邊太陽蛋賣相很漂亮🍳蛋黃七分熟，沒有流心豬肉餅新鮮，點辣椒油更相，飯粒質地偏濕軟，一定要淋上秘制撈飯豉油吃，甜甜的很下飯滑蛋叉燒飯 30叉燒切的細細一條和蛋炒在一起，最後變成一塊蓋在飯上，整體叉燒和醬油吃起來偏甜，飯的份量都被比正常的一碗還大，一定吃的飽！飯上的蔥很多，不喜歡的人記得先走蔥😂胡椒肉骨茶 35味道喝起來酸酸的，胡椒味非常重，熱騰騰的上桌，三塊排骨肉軟嫩咖央多士 20一片正常厚度的多士切開一半，薄薄的塗上咖央再去烘烤，咬下去非常酥脆，像餅乾一樣，而且很鬆化，咖央不死甜，很好吃記得要趁熱吃香煎魚餅 20最後飯上的配料吃完了，還剩一些，於是叫了魚餅來配飯用鯪魚做成的魚餅口感像是甜不辣，吃到一些刺刺的，不過不會卡在喉嚨裡

🍳大坑平價美食 流心香煎脆邊蛋肉餅飯🍚大坑餐廳林立 好多價位都係中上 但呢間餐廳就係例外 唔知餐廳名兩草係咪解兩草野搞掂埋單？價錢貼地親民 $30有個飯 選擇貴精不貴多 只做好幾款菜就只賣幾款 款款都好味🍚香煎脆邊蛋肉餅飯 $30肉餅飯份量唔太大 啱哂女仔 如果男士可以加多個小食豬肉餅煎過更加香口 肥豬肉偏多油脂可口 口感軟熟唔會過硬 調味恰到好處唔會過咸最中意燶邊蛋 脆脆地加埋流心蛋黃撈飯仲有佢地自家製熟豉油 完美🥟小籠包胡椒肉骨茶$35呢到有幾款肉骨茶揀 排骨/鮮蝦/小籠包係偏藥材味嗰隻胡椒湯 連埋小籠包食個感覺好似食湯餃咁😂皮比較厚🍳蛋炒豬腸粉$20比想像中做得好 炒得好香 用埋個熟豉油連埋蛋炒 正!🍋凍檸檬薏米水$22

上次食過大坑一間叉蛋飯，今次食另一間又係排到嘔嘅小店～食午餐嘅話其實選擇得兩款,好多人會黎食多士,不過呢日太肚餓,一定要食飯!滑蛋叉燒飯 $30外表睇落足料夠曬誠意，雖然唔係好大碗，但呢個份量都算剛剛好，叉燒切到細細粒方便進食，同蛋完美混埋一齊，佢係偏甜，配合淋淋地嘅米飯，加埋特製醬油，整個組合係和諧嘅！香煎脆邊蛋肉餅飯 $30隻蛋真係全邊脆卜卜，仲保持到荷包蛋效果，加上隻蛋蛋黃漿好濃稠，撈飯完美，肉餅幾有口感亦無算太鹹，同叉燒飯叮噹馬頭！

早前收藏了這間餐廳的資料，這次避開了星期一的店休日，星期二中午終於成行，來一次＂兩草＂之行。由天后開始，沿著銅鑼灣道一步步地深入，看見的卻是關閉著的綠色鐵製百頁式店門，走近細看店家在門前豎立的告示牌，原來是搬鋪了，新址就在不遠处，還好不至於空跑一次。新址店鋪外觀是暗紅色配玻璃窗的格局，與原來綠色百頁鐵門的店鋪風格反差很大，店招也不顯眼。中午 12:30 左右，剛開鋪不久，客人有六至七成在座，不需要排隊等候，直接入內即可。四方型的店堂內，安置著六張圓檯，每張檯可以坐五至六個人，總共可以供三十人左右同時就坐用餐。檯面上放著一疊點餐紙，上面印製了所有食物名稱供客人自行✔，簡單明了。點餐紙上共有五大類食物，分別為：［胡椒肉骨茶系列］價錢由HK$ 35 -- 40 元，分［肉骨胡椒肉骨茶］、［鮮蝦胡椒肉骨茶］和［小籠包胡椒肉骨茶］三種。［飯系列］價錢 HK$ 30 元/份，分［煎蛋肉餅飯］和［滑蛋叉燒飯］兩種。［小食系列］價錢由 HK$ 15 -- 20 元，分［蛋炒豬腸粉］、［斑蘭咖央多士］、［香煎魚餅］和［油菜］四種。［飲品系列］價錢由 HK$ 10 -- 20 元，有［罐裝汽水及檸檬茶］，

首次來兩草, 發現搬咗舖, 幸好新舖相當近, 根據店舖資料, 只需前行約70步便到。舊舖新舖新舊兩舖風格不同, 舊舖走懷舊茶檔路線, 新舖走簡約路線。食物方面選擇不多, 勝在製作夠用心, 價格親民貼地。(肉骨)胡椒肉骨茶 $35胡椒肉骨茶的肉骨煮至骨離軟腍, 湯頭味道辛濃但清澈, 雖然是奢望, 如果湯可以免費refill或加少少錢添飲就好了。斑蘭咖央多士 $20咖央多士烘至香脆, 咖央醬多至流出, 味濃惹味, 值得encore。蛋炒豬腸粉 $20腸粉以葱花跟雞蛋炒至乾身, 味道稍淡, 但不油膩。香煎脆邊蛋肉餅飯 $30蛋煎至燶邊, 蛋黃80%流心, 肉餅煎得香口juicy, 店舖更準備了撈飯醬油供客人自行添加, 細心體貼。

行完工展會揾野食好多人都話大坑好多好野食今次搵到間好抵食嘅小店=胡椒肉骨茶=湯底無一般肉骨茶咁藥材味而佢有好重嘅胡椒味有三條大骨 十分足料=小籠包 胡椒肉骨茶=湯底係一樣 小籠包皮唔會好厚咬落去湯汁十足 一路有湯浸住所以真係好熱好燙口=香煎脆邊蛋肉餅飯=煎肉餅的邊脆脆而且非常嫩口燶邊太陽蛋 加甜豉油 很有小時候嘅味道=班蘭咖央多士=多士烘得十分脆而且好薄班蘭咖央醬有一陣椰香=香煎魚餅=魚餅係鯪魚肉 肉質彈牙煎香之後十分惹味我會以大坑飯堂黎稱呼這小店價錢親民味道親民

前段時間經常被位於大坑嘅兩草洗版，收藏已久，早大半個月前，某日晚上要喺灣仔睇演唱會，流連港島，唔想食到太豐富，飯氣攻心，造就機會光顧。小店較鄰近天后，我地由銅鑼灣行過去變相有點遠，門面綠色，好顯眼易找。見過舊評論話要背貼背坐，可能我每次都等到人地過氣先到訪啦，當晚客人唔多，未覺逼狹。餐牌選擇唔多，貴精不貴多，兩款飯、肉骨茶、數款小食，價錢親民貼地，呼應店名兩草，廿蚊起有交易嘅意思，睇番只有小食係兩草野，梗係啦，唔洗搵食咩。一人點左一客飯，外加咖央多士。埋單100蚊唔洗，夠食唔會爆肚嗰種。好多人會試肉骨茶，我本身唔係特別喜好，就無謂試喇。餐點即點即製，約十分鐘上枱香煎脆邊蛋肉餅飯 $30滑蛋叉燒飯 $30新鮮豬肉餅煎香，冚上燶邊太陽蛋，淋上豉油、加蔥，賣相靚仔，見相都認得係出自兩草。飯量唔多略濕，一般飯碗大啲咁。肉餅入口鬆軟，輕輕煎脆，肥瘦適中太陽蛋名符其實燶邊，蛋黃流心，即製食物好少過唔到我關。叉燒切條，當然冇成塊食咁爽，配埋啱啱熟嘅炒蛋，中規中矩。斑蘭咖央西多士 $20多士一片開二，薄片香脆度高，自製咖央醬適量，冇甜膩感，味道同以前親朋戚友帶手信番黎嘅椰子糖一樣。食材簡單，屋企都煎得

最近上網成日見到有人食燶邊蛋肉餅飯，見今日星期日去開果頭，泊埋車大概11:30，就入去試吓啦。好彩，我地一入完去，就即刻要排隊了。鋪頭細細間，好易會行過左。入面只有放到三張圓枱，一張枱要六個人share，其實有啲迫😅。Order咗香煎脆邊蛋肉餅飯，滑蛋叉燒飯同埋蛋炒腸粉。脆邊蛋真係好出色，多蔥，再配埋佢哋嘅豉油真係好好味😋！只係嚿肉餅略嫌細咗啲，不過$30重有咩好要求。滑蛋叉燒飯啲叉燒切成細細條👍🏼，mix埋啲蛋到，再鋪上啲飯到，正。蛋炒豬腸粉味道好似炒貴刁，味道都唔錯。一定會返黎再食過！走果陣，門口已經好多人等緊了。兩草，真係唔簡單！