餃掂手工餃子雲吞專門店

約了同事食飯，但佢因濕疹發作，所以要戒口，主要可食豬肉，所以今晚揀了一間以豬肉為饀的餃子店，她必能開懷地揀選。環境光猛，地方整齊企理。有兩排單邊位和兩張四人枱，座位不多，但很開揚，坐得舒適。餐簿好靚，資料詳盡，相片吸引得令我流晒口水。主打係餃子，款式多，仲有灼、煎和湯三種製法，另外仲有外賣生餃子、手工雲吞、麵食、前菜小食、湯、飲品和特製品。同事唔係第一次食，但就未食過招牌嘅龍鳳松茸雙湯餃配狀元九鼎湯  ($92/8隻)，它係白松露和黑松露各四隻。嘩！脹卜卜，好飽滿，外皮厚薄適中，睇到內饀。肉饀啖啖肉，一啲都唔肥，兩種味都好好味，既有松露香，亦有鮮肉香，而黑松露餃就更香，正！九鼎湯 好鮮香，味道濃郁，啖啖魚鮮味，甘香美味。香煎軟心芝士餃子 ($58/7隻) 隻隻金黃，好靚仔，香脆可口。內饀有豬肉、爽甜嘅粟米和鹹香嘅芝士，皮薄饀靚，再點啲菜脯辣椒醬，香辣惹味，滋味!上湯松茸時蔬($35）翠綠爽嫩，配了爽口的松茸和甜美嘅杞子，矜貴美味！龍鳳蛋配黑白松露醬($18/1隻)蛋黃亮麗黏滑，整得入味，再自行配上黑白松露醬，添了松露香更好味。熱自家製山楂雪梨水 ($20/杯及$28/支）真材實料，酸酸

今日要加班，收工就決定和我一起作戰的同事食返餐先回家。新都城食肆雲集，差不多可以話想食什麼就有什麼，真好! 今晚同事就揀了這間餃子店，是一間我到訪過幾次其他分店的餃子店，原來它開到將軍澳。開放式的設計，地方企理。只設有兩張四人枱，其餘都是單邊位，空間較少，但環境開揚，加上木椅特別的設計，坐得挺舒適。單邊位就每兩人間一枱，每枱的都有齊用具，包括筷子、紙巾、牙籤和多隻醬油碟，還有多款醬料， 分別有菜脯辣椒醬、四川麻辣醬、鹽、醬油和醋。 翻閱餐簿，暫時沒有新產品，但其實還有很多菜式我未食過。店子主打是餃子， 共有十多款，可選灼、煎或湯三種烹調方式，另外亦有外賣生餃子。除餃子外，仲有手工雲吞、麵食、前菜小食、湯、飲品和特製品。*****************************同事問我有什麼好食，不得不推介這款龍鳳松茸雙湯餃配狀元九鼎湯  Matsutake  Dumpling Boiled (Black Truffle and White Truffle) with Pork & Soup  ($92/8隻)，一次過品嚐黑白松露兩款口味，最緊要是有碗靚湯。狀元九鼎湯($0/跟餃子)湯身

當每次發現這間餃子店，我也會忍不住吃返餐，今次也不例外。今晚跟朋友在這商場覓食，估不到遇上它，雖然見不到可愛的招牌logo，但「餃掂」這個名字我又怎會忘記，攪掂攪掂，乜都攪得掂。開放式的設計，環境光猛，地方整齊企理。設有兩排單邊位，以隔板分兩人一枱，再走入一點就兩張四人枱，座位不多，但環境開揚，感覺舒適。每枱都放了用具和多款醬料， 醬料有菜脯辣椒醬、四川麻辣醬、鹽、醬油和醋，還有餐簿、筷子、紙巾、牙籤和多隻醬油碟。餐簿設計得相當吸引，資料詳盡，而每頁均附有菜式相片，亦展示了每款餃子的內饀，真是未吃已令人不禁垂涎。店子的主打菜式是餃子， 足足有十二款，有灼、煎和湯三種製法，另外還可外賣生餃子。除餃子外，仲有手工雲吞、麵食、前菜小食、湯、飲品和特製品。****************************朋友第一次吃，我當然向他推介松茸餃，點了龍鳳松茸雙湯餃配狀元九鼎湯  ($92/8隻)，分別有白松露和黑松露各四隻。每隻餃子都脹卜卜，非常飽滿，表面亮麗，外皮厚薄中等。白松露餃以鮮香的豬肉加入爽口的松茸，菇味香濃，帶稍稍的白松露香。肉饀並沒有混入大量肥膏，吃起來啖啖肉而不溜滯；而黑松露餃