Wheatfield X 羅宋湯專門店 (MOKO新世紀廣場) (已結業)

天氣轉涼，日日唔係火鍋就係打邊爐，已經生咗兩粒飛滋，今晚捉咗先生嚟位於MOKO嘅呢間羅宋湯專門店，希望食得健康啲。餐廳除咗主打嘅羅宋湯之外，仲有清雞湯同紅菜頭湯，配搭唔同嘅食材組成套餐，感覺健康又有益。除咗主食之外仲有幾款優惠小食，價錢亦唔貴。酷愛湯烏冬嘅我一諗就覺得羅宋湯同手打烏冬應該幾夾，果然不出我所料，香濃惹味嘅羅宋湯配上彈牙嘅烏冬，完全係一拍即合，而且份量頗多。牛腩半肥瘦，口感香軟腍滑，同羅宋湯相輔相成。汁燒豬髀肉一份兩片大大片，入口略為乾身，口感偏瘦，但肉味頗濃，醬汁亦出色。先生嘅撈麵套餐份量亦好足，自家製麻辣醬撈出前一丁極度邪惡，辣度頗強，越食越過癮。羅宋湯另上，感覺比起我嘅烏冬湯底更濃郁惹味，配料亦非常足。香煎雞扒外皮香脆，但肉質唔會好乾，而且大大件非常抵食。本來擔心食唔飽所以叫埋豬仔包，估唔到超有驚喜！外表烤得好香脆，配上份量大方嘅煉奶同牛油，無懈可擊！餐廳食物質素唔錯，特別係主打嘅羅宋湯，湯底濃郁配料又足，連一向奄尖嘅先生都非常滿意，又一次證明健康餐都可以好好味嘅！

其實我個人頗為欣賞「羅宋湯」這一款源自「俄羅斯」，以「牛肉」和「蔬菜」作為主要材料，味道甜中帶少許辣味的西式湯品，「羅宋湯」到了「香港」之後，製作方法也有少許變動。例如我見過有些餐廳食店，會選擇在熬煮「羅宋湯」的時候，除了加入「牛肉」作為「羅宋湯」的肉類材料之外，還會另外加入「豬肉」到「羅宋湯」的湯底裡面，變成味道更加濃郁版本的「羅宋湯」。但是現在一向不太喜歡食「豬肉」的我，就對另外加入「豬肉」作為湯底材料的版本「羅宋湯」興趣不大。所以我第一次光顧「Wheatfield X 羅宋湯專門店」位於「MOKO新世紀廣場」分店的時候，已經先詢問「羅宋湯」湯底裡面會有什麼肉類。我第一次光顧「Wheatfield X 羅宋湯專門店」的時候，還未完全了解「全日自選套餐」餐牌，所以不知道食客原來可以在套餐裡面的「海派羅宋湯」湯底，自由選擇加入「牛腩」或者「豬髀肉」，作為湯底的肉類配料。看來「Wheatfield X 羅宋湯專門店」餐牌設計頗為體貼周到，還是有點擔心有食客不喜歡享用「全日自選套餐」牛肉或者豬肉的「羅宋湯」湯底，結果還推出了「清雞湯」，或者偏向素食的「健怡紅菜頭湯」供食客選擇。不過，難得我

星期六下午到旺角太子道西新世紀廣場行街， 午飯時間經過Wheatfield X羅宋湯專門店的門口， 看看餐牌見到有羅宋湯覺得幾吸引就入去試下。 店內環境整潔， 坐得舒服。 餐廳主打羅宋湯， 我就試下海派羅宋湯牛腩拉麵$82＋ 香煎雞扒 $12+ 凍咖啡$3， 另外仲有撈麵套餐海派羅宋湯豬髀肉上海麵$85+香蕉薄牛扒$12＋熱奶茶。海派羅宋湯牛腩拉麵～ 羅宋湯好多菜， 飲落好香蕃茄味， 微辣帶點甜， 一啖拉麵一啖羅宋湯好正！ 牛腩軟腍， 唔會黐牙口感好。香煎雞扒～ 加$12就有大大塊雞扒， 雞扒嫩滑， 超抵食。海派羅宋湯豬髀肉上海麵～ 上海撈麵配上秘製醬油帶有蒜香味，特別惹味。 濃郁鮮甜的羅宋湯裏面配上豬髀肉， 入口鬆軟。香蕉薄牛扒～ 牛扒都是$12， 又係大大塊的， 啱曬食肉獸！熱奶茶～ 估唔到熱奶茶都唔錯喎， 茶味香濃。凍咖啡～ 咖啡味道濃郁，讚！本身好喜歡飲羅宋湯，Wheatfield X 羅宋湯專門店就適合我口味， 羅宋湯真材實料， 而家諗起都仲想飲呀！