7E咖喱王

营业中

休息中

十幾年前, “帝皇” 帶一班大學同學去 “重慶大廈” 食咖喱, 年少無知, 當然大開眼界. 轉眼十年, 試過其他唔同嘅咖喱, 最後, 我最鍾意嘅都係印度咖喱, 特別係重慶大廈嘅 “7E咖喱王”.😂 話說早幾個月前開始咖喱癮發作, 試過幾次一個人嚟食 (Why not?). 現實係, 搵朋友同你嚟重慶大廈真係好困難. 問問下, “細妹” 竟然話有興趣, 轉頭搵埋 “意大利長介”.今日約咗喺重慶大廈門口集合, 然後我帶路直衝入E座 (直行, 見到警崗右轉, 去到盡頭左轉, 一直行到最尾, E座𨋢口係右手邊). 沿途好多人申手派傳單俾我哋. 上到7樓, 一梯幾伙, 其中一伙就係 “7E咖喱王”, 其餘似係賓館 (唔係講笑, 我同事 “波特” 第一日嚟香港就係住重慶大廈嘅賓館). 餐廳裝修簡單光猛, 整潔程度同茶餐廳差唔多.🥢 小食: 薄脆餅, 配綠色嘅奶酪醬. 送嘅, 好食.🥟 免治牛肉咖喱角, Beef Samosa. 皮脆, 唔油, 餡料分量充足.🐓 香燒雞塊, Tandoori Chicken. 用鐵板上, 肉質厚滑, 香料味道入晒雞肉, 超讚.🐐 串燒免治羊肉卷, Seekh K

呢排好多人講起重慶大廈喲餐廳。本身勁鍾意食咖喱同印度個d薄餅，今次試下呢間都幾出名嘅7E。係重慶大廈門口有人帶你去lift口，不過唔洗嚇親哈哈。同埋餐廳入面嘅哥哥仔幾nice嘅。印度咖喱角：平時去印度餐廳一定會試咖喱角，而呢個都無失望，外面炸得脆但會唔油膩，入面包住咖哩薯仔餡。成餐最鐘意呢樣，必試！特式香料雞、蒜茸烤餅：特式香料雞個醬汁係蕃茄味底，再加上好多種香料同cream，食起身會有種芝士味，將d汁淋上蒜蓉烤餅食，好香好惹味。香燒雞塊：以鐵板上碟嘅燒雞塊，配埋少少檸檬汁，醃得個味道唔錯，不過肉質唔算好濕潤。特式酸乳：自家製嘅乳酪飲品，yogurt嘅味道，但口感比yogurt稀少少。鍾意佢唔會好甜，唔膩。怕食辣嘅話可以飲呢杯解下辣，而且微酸嘅味道中和一下，消下滯。整體黎講呢間d野味道係唔錯嘅。同埋今次呢幾樣野食，就算唔係好食得辣嘅人都啱食，惹味但又唔會太辣。

咖哩相信大家都食得多，但係正宗嘅印度咖哩有幾多人食過？今日出咗嚟尖沙咀行街，於是同朋友決定第一次去重慶大廈試下食印度咖哩。行入去重慶大廈門口嘅時候，已經有好多唔同餐廳嘅職員派卡片拉客幫襯，最後決定黎7E咖哩王，於是就由職員帶我地路，佢喺走嘅時候畀咗張VIP卡畀我哋，可以有9折優惠VIP卡：9折優惠坐低睇左陣MENU，我同朋友揀左 印度咖哩角(薯蓉) ($39)，蒜茸烤餅($27)，原汁咖喱雞($83)，特汁燴薯球($66)，香燒雞塊($106)，瑪沙拉茶*2($20)威化胡椒餅：餐前小食，FREE的，好脆身，胡椒味好重，點埋綠色醬少少辣辣地，為味蕾帶黎衝擊瑪沙拉茶：即係印度奶茶，加入左D香料，飲落清新幾特別印度咖哩角(薯蓉)：食落唔油膩，裡面D餡料好香咖哩味蒜茸烤餅：平時餐廳都一定要叫粉麵飯食，但黎到食印度咖哩當然要叫烤餅啦，因為佢點咖哩醬黎食係好夾，非常滋味特汁燴薯球：佢呢個咖哩汁小小辣之餘帶點甜味，因為裡面係加左D生果黎煮，味道好特別，亦都啱晒好怕辣嘅朋友食薯球煮得好淋又入味原汁咖喱雞：正宗印度咖哩，食落唔係一般得個辣字咁簡單，係充滿唔同香料，辣得黎好有層次感雞肉夠入味又嫩滑香燒雞

講到印度咖喱 不得不提重慶大廈 今日難得朋友想食 我又未入過比人講到好恐怖既重慶大廈 就決定去到重慶大廈門口 邊間咖哩兜客先就食邊間 結果就去左7E咖喱王 服務人員仲會好好人咁帶我去搭lift 唔怕蕩失路一坐底 店員就提供左小食 Papadams威化胡椒餅 薄薄一塊唔油膩 味道偏鹹點上綠色既醬 辣辣地又幾開胃香燒雞塊🐥鐵板上既雞塊 上枱時仲有滋滋聲 雖然睇上去好似好辣又有啲乾 但係入口肉質唔乾唔鞋口 🍋加上檸檬汁 香口惹味得黎又唔會太辣特式香料雞酸酸甜甜 🍅淡淡番茄味 最岩想食印度咖哩但係又唔係好食得辣既朋友 香料味濃郁 質地夠稠 配上烤餅食好惹味 🐥雞肉一口size 比頭先既烤雞嫩滑蒜蓉烤餅大大塊 厚身得黎夠軟熟 一啲都唔油膩 就咁食已經淡淡蒜蓉味 點埋咖哩仲惹味未去過印度 味道正唔正宗就唔知啦 但係香料味道確實濃 香口惹味 店員仲幾nice添

講起重慶大廈 香港人點都唔會陌生大家都記得最出名係 兌換外幣但原來重慶大廈既咖哩係同樣出名既呢樣就真係好少人知😂好在有朋友帶路 黎到食好出名既「7E咖哩王」👍🏻食既係正宗既印度菜🍽起門口 已經聞到好香既香料味🤤餐廳座位有限 有心黎食既朋友 要早d黎攞位 好在我地好早已經黎到 可以即時入座👏🏻呢到既菜式價錢唔算貴都大眾化真係好抵食😋呢個雞塊用鐵板上 一上枱就ja ja聲💥💥雞肉味道濃郁 加上少少辛辣 十分惹味👍🏻👍🏻羊肉已經燉到淋哂 入口即溶濃濃既咖哩味完全滲入羊肉👏🏻👏🏻呢個菜式只係微辣 適合唔太食得辣既朋友香濃十足 甜甜地既醬汁 配上少許辣味 再加埋奶油點綴 增加咖哩既香滑感十分推薦😍有咖哩又點會少得薄餅😂蒜蓉配合油真係一個奇妙變化 勁惹味呢款薄餅比較軟身但芝士味香 不會過濃點咖哩食就岩岩好😄呢餐飯令我對重慶大廈完全改觀大廈內藏隱世餐廳以後出黎尖沙咀 又多個心水餐廳選擇啦😍