Nara Thai Cuisine (新城市廣場一期)

营业中

休息中

喺新城市買電器，行到有啲肚餓，落咗層見到依間幾grand 嘅泰國餐廳！ 💰snack 15 一入去坐低，即刻黎一碗滿滿嘅小食蝦片，好脆好開胃 。  香脆蝦餅（3件）💰58 蝦餅啖啖肉結實彈牙，一啖咬落去仲係出煙既，果然熱食先係皇道。 旁邊附上一大兜甜酸汁，食到最後一啖都仲有得點，十分開胃。  Pad Thai 泰式炒金邊粉 💰128 可以揀辣度，夠細心，適合食唔到好辣既人，值得一讚。 一上盤就腕到有蛋花包住份金邊粉，旁邊仲附上青檸汁提香，仲有傳統白砂糖花生粒辣椒五香味，即刻令我諗起係泰國夜市既 Pad Thai，甜甜地辣辣地既異國風情。 蝦大大隻，有成隻手指咁長，好鮮甜。   泰式鴛鴦豬手💰198 $198黎講，食到兩款口味，滷水 &酥炸，簡直超值 超大份，兩個人食呢一碟，已經飽左一大半，口感軟熟，feel到滿滿既骨膠原。  香蕉薄餅配榛子醬&煉奶 💰78 外皮煎得香脆，裡面係香香既香蕉蓉，上面淋上榛子醬同煉奶，呢個配搭超好，果然係perfect match，係呢一餐畫龍點睛既作品！  鮮芒果沙冰💰55 食到有新鮮芒果既味道，調教得唔錯，唔係死甜果種。

有朋自遠方來，方便大家就來到沙田新城市廣場，可訂座餐廳不多，所以揀了呢間泰國菜。菠蘿肉鬆海鮮雞肉炒飯份量十足，味道剛好，最愛每啖都食到菠蘿粒👍🏻 青咖哩軟殼蟹CP值高，略嫌芡汁比較杰，同埋完全無辣味，或者青咖哩所以唔辣？黃薑豬肉沙嗲/黃薑雞肉沙嗲唔會燒到乾哂，味道剛好，好啱小朋友口味香脆蝦餅香脆可口，唔會油淋淋泰式鴛鴦豬手一碟豬手有2種食法，炸豬手vs滷豬手 很好的方法滿足唔同食客，件數很多，好似食極都有😅

店員俾咗QR code我哋落單，不過我又睇唔到，所以請咗店員過嚟幫手落單。雖然麻煩咗佢，但係店員仲係非常有禮貌咁幫我哋手，值得一讚！Set lunch跟沙律、湯及飲品，幾抵食！泰式船麵 ($118)點咗牛筋、生牛肉片、牛丸及金邊粉。牛湯好香濃，牛丸咬開好juicy，牛筋係估唔到咁大舊，而且好易咬得開，生牛肉片嘅份量都好慷慨。湯揀咗唔辣嘅椰子雞湯，仲有好大塊嘅雞肉，湯好重椰子味，酸酸哋好開胃泰式船麵 ($118)揀咗魚柳、白蘿蔔、牛柏葉及金邊粉。冬蔭功湯底唔會太辣，魚柳大塊，白蘿蔔形狀係花形，又幾有心思香脆蝦餅 (+$26)係冬甩形嘅蝦餅，非常可愛，炸得好香脆，感覺唔油膩

🇹🇭出發去泰國前都食餐Nara泰菜先下午茶時段少人啲 坐得舒服寧靜🦐香脆蝦餅例牌必點菜式 水泡形蝦餅新鮮炸起熱辣辣又香脆 蝦肉彈牙配搭甜酸醬🐮紅咖喱牛肋肉推薦完朋友們都鍾意食呢碟香濃惹味紅咖哩牛肋骨煮得腍身 肥瘦肉均等 咖哩汁配白飯或薄餅一流🐷香脆芝麻豬頸肉為咗想食泰式脆油條伴斑蘭伽椰而嚟 可惜今次賣晒🥲轉試下豬頸肉 煎得脆邊 芝麻香口 🧋泰式奶茶& 🍋青檸梳打奶茶始終原味最正宗 梳打用上新鮮青檸汁 內有少量檸檬肉 凍飲走冰真係做到全走

出咗消費券商店好多人shopping 我都係去嘆下個泰式下午茶先🫖😌🍤香脆蝦餅我嘅榜首小食 漲卜卜大件又香脆 每次必點🍢黃薑雞肉沙嗲第一次食Nara串燒 發現有雞串有豬串但係無牛串 配沙嗲醬同清爽去膩洋蔥汁🍵泰式脆油條配班蘭伽椰睇圖片以為係油炸鬼 實物吸引好多金黃色脆炸麵包條配班蘭伽椰醬 好食🥥椰汁奶黃流心湯圓一直想試甜品 暖椰汁入面有彩色糯米丸子 椰子絲 芋頭粒 奶黃流心湯圓全部煮得比較腍 最正係個椰汁底🥥鮮椰子沙冰一飲再飲因為用100% 鮮椰肉混合埋珍多冰粒粒 有咬口☕️熱班蘭龍眼蜜清淡班蘭味 龍眼蜜甜 仲有原粒新鮮龍眼肉

之前食咗好好食嘅Apinara，今次決定試埋佢嘅姐妹店 Thai Nara放工嚟到7點幾好多人等緊位🫣 咁啱👦🏻有嘢做所以決定買外賣翻去～ 2位職員都超忙，負責安排坐位同外賣落單嘅哥哥都好好禮貌🥺辛苦了🫶🏻 等15分鐘左右就有得拎都好快，行咗轉Zara就拎得🤣👨🏻‍🍳🤳🏻大蝦冬蔭功❤️‍🔥超開胃嘅湯😛 有2大隻對半切好嘅多肉彈牙大蝦另外有啲菇粒會撈到啲香料 係酸辣香💯嘅調味👨🏻‍🍳🤳🏻泰式炒通菜好大份，炒得好重泰式香味～蟹肉炒飯❤️‍🔥呢個打開又係好有驚喜 !! 蟹肉份量一啲都唔吝嗇🥹✨面頭仲堆咗滿滿一堆嘅蟹籽🥰另外有2隻蝦仔，配埋大塊清爽嘅青瓜，食落多一啲口感就咁試咗啖炒飯炒得好香，飯粒都夠乾爽🫶🏻呢個飯真係食唔停🥹🫶🏻香脆蝦餅 (3件)好脆口，蝦肉大大舊🥰 可以揀大份/細份幾貼心🥰個醬偏酸甜幾開胃✨香脆魚露雞翼好方便嘅單骨雞翼的確一入口就食到魚露嘅咸香呢個都有配泰式醬，少辣少酸唔算係重口味嘅醬，同雞翼幾夾～泰國菜都係重口嘅好味，仲要有魚露嗰類調味，所以食完都會口渴，感覺係幾岩食翻甜品中和下～ 睇相都好想食個飯🤣 抵佢咁多人等🔥

今晚和太太在沙田新城市廣場買東西，順便吃晚餐，發現這家Nara Thai Cuisine，印象中好像是泰國的過江龍，就來試試水準。餐廳裝潢十分型格醒目，以摩登時尚作為主題，座位亦寬敞舒適，十分適合慢慢邊食邊傾。餐廳泰菜選擇頗多，前菜、沙律、湯品、咖哩、粉麵飯類、甜品各種各樣都有，不單有傳統經典的泰式食品，更有多種特色飲品。蝦片甫入座侍者立馬奉上小食蝦片，輕盈酥脆，帶淡淡蝦味及胡椒辛香，十分開胃，但留意蝦片需要收費$15。香脆蝦餅 $58先點一客前菜小食，炸蝦餅呈冬甩形，一看就知道是地道泰式的做法，一咬外層香脆，而內裡鮮蝦味重，口感爽滑彈牙，配以正宗的香甜蜜糖醬汁，十分合襯。燒豬頸肉配青木瓜沙律 $128另外點了燒豬頸肉配泰國的名菜青木瓜沙律Som tum，燒豬頸肉脂香肉爽，帶有燒烤的微微焦香，而青木瓜甜中帶酸，口感清爽，配上泰式沙律汁酸甜香辣，兩者互相配撘，胃口大開。大蝦冬蔭功 $148今晚湯品選擇了大蝦冬蔭功，一上枱看見湯頭顏色就知道水準高，先呷一口湯底，味道酸辣刺激但不嗆喉，檸檬葉、香茅、青檸、紅辣椒味道層次分明，而其中有兩大隻開邊大虎蝦，蝦頭帶有蝦膏鮮香甘腴，而蝦身肉質厚實彈牙，

呢日去咗沙田做嘢，放工就喺新城市行個圈，順便買埋晚餐返屋企，等阿媽唔使煮😃。商場食肆係多，但唔算好吸引，其中我對「Nara Thai」比較有信心，因為之前係尖沙咀食過。泰菜款式繁多，定價屬中等水平，不過外賣有85折🥡，而且份量都唔少，外賣賣相亦不比堂食失色。另外，門口個店員哥哥(估計係經理)服務態度非常好👍，抵讚。泰式東北小食拼盤($138)，佢並非常見嘅泰式拼盤🇹🇭，因為當中嘅炸物係來自泰國東北地區，好特別！大盒中有三款，包括東北豬肉丸、泰式香腸同清邁香腸，每款各有幾件。雖然混埋咗一齊，我就分唔清楚腸嘅名堂，不過佢哋之間有明顯分別，其中扁身嗰款有啲似臘腸，幾得意。肉碎沙律分開用碗上🥗，碗底其實墊咗生菜，但份量都OK。肉碎粒好夠味，微微香辣，混入蔥粒同洋蔥粒，份外香口。泰式豬肉炒河粉($98)，🥢炒河炒得夠鑊氣，兼且又入味，配上豬肉片、芥蘭同蛋等餸料一齊炒，一啲都唔單調。河粉比平日寬闊好多，相當特別，口感滑溜，又唔會濕碎碎，而且亦唔油膩。泰式東北軟殼蟹($98)，🦀軟殼蟹足一隻，而且都幾大隻同好肉。軟殼蟹炸漿薄脆，蟹衣唔韌，蟹肉鮮甜多汁，配埋泰式酸汁食好搭調。黄薑雞肉沙嗲($88)，🐔

【CHILL著SHARE食泰菜💬】佢係泰國過江龍，NARA係古梵語意係指「泰國女子」，更加係由幾位女性企業家創立👧🏻之前喺尖沙咀食過佢嘅分店，印象都幾唔錯，今次喺沙田試吓😆.🍴菠蘿肉鬆海鮮炒飯（💰: 128)佢原隻菠蘿咁樣上碟，擺盤都好靚，超吸睛📸入面仲有勁多材料，包括花生、肉鬆、新鮮菠蘿、雞肉同蝦etc.🦐飯粒粒分明，有咬口😛蝦好大隻，蝦頭仲有蝦膏，食落都爽脆👍.🍴肉碎米粉生菜包（💰: 98)平時餐廳都係食一般生菜加肉碎嘅生菜包🥗冇試過食米粉生菜包，好新穎🆕米粉一上碟係熱，出煙，好幼身💨肉碎絕對唔係HEA你，入面仲有豆腐粒、鹹蛋🪺就咁食呢個肉碎味道都好豐富🥳佢仲有個汁，但係建議一開始唔落咁多因為都幾辣🌶將生菜、粉絲、肉碎加埋少量汁一齊食好MATCH💯 份量都幾大份，啱曬多人SHARE😚.🍴香脆蝦餅(3件)（💰: 58)有3件同6件嘅份量揀😆一上碟就發現佢好大舊！炸得脆口，又彈牙，充滿蝦味，質感比較紮實🦐加埋嗰醬食JENG😆鍾意蝦餅嘅人就一定要叫呢個！性價比超高呢個🈹.🍴海鹽焦糖泰式奶茶（💰: 42)雖然佢係焦糖🍮但係唔好話好甜，仲幾濃泰式奶茶味🧋-🔖一坐低就會放低一盤蝦片（💰: 15

行街經過Nara Thai，發現佢哋嘅外賣自取原來全日都有9折優惠，有折咁抵，梗係要買返屋企加餸啦！😋🦐 香脆蝦餅 ($58/ 3件)蝦餅外層炸得酥脆，裡面肉質十分彈牙足料，充滿蝦的鮮甜味，必點👍🏻🐮 紅咖哩牛肋肉 ($158)紅咖哩少辣好惹味，牛肋肉煮得十分淋，入口即化，最驚喜的是牛肉量好多，啱曬我地班食肉獸。配料有洋蔥、番茄同豆，配埋薄餅點咖喱汁食一流😋 🥭 芒果糯米飯配椰奶 ($88)芒果清甜，糯米飯好煙韌，配上椰奶食好match，係泰國的味道啊 🇹🇭🌟最後值得一讚的是外賣包裝得好好，咖喱完全無漏，感受到餐廳的細心。以後想食泰國菜必定會encore 🙌🏻

再訪NARA 除左鍾意紫色碗碟外 當然食物有質素 安排到闊落梳化位坐得舒適 食飽飽唔想走❅ 香脆蝦餅 ❅炸蝦片可唔食但蝦餅🍤就一定要食 外層香脆 啖啖蝦肉彈牙❅ 紅咖哩牛肋肉 ❅大件牛肋條 咖哩椰汁香茅味濃 微辣惹味 配薄餅就最夾❅ 凍烤杏仁泰式奶茶 ❅本來想飲泰式奶茶🧋見到烤杏仁咁特別即刻轉杏仁 茶 奶味夠平衡唔會搶味 熱飲應該更香❅ 鮮椰子沙冰 ❅某餐廳椰子沙冰好好飲 想比較下呢杯100%鮮果製 多🥥粒仲有珍多冰彩色粒粒 口感豐富 少甜健康❅ 芒果糯米飯伴椰奶 ❅🥭甜 邊位有少少硬身 多綠豆粒椰汁 每啖糯米充滿椰香

Nara係曼谷好出名嘅連鎖店，之前去曼谷旅行都有去食過。而香港沙田店都幫襯過幾次，次次食都好滿意！每逢weekend夜晚嚟食都要拎飛等位，今次平日放工七點嚟到就唔使等位。餐廳面積都幾大，有好多卡位，坐得幾舒服。菠蘿肉鬆海鮮炒飯用新鮮菠蘿裝住上菜，賣相吸引！薑黃炒飯粒粒分明唔會太油膩配料款式同份量都好多，超足料有帶子、青口肉、雞肉同腰果。面頭大大隻炸蝦肉質爽口彈牙，蝦頭仲有膏餐牌上嘅咖喱選擇都好多，肉類同海鮮都有，我哋揀咗紅咖喱牛肋肉。牛肋肉煮得軟腍，牛肉味濃，紅咖喱帶點微酸少辣好惹味食咖喱一定要叫份薄餅蘸咖喱汁食，薄餅煎得酥脆乾身唔油膩。香脆蝦餅有六件或三件揀，兩個人食三件就夠。圈圈型蝦餅炸得酥脆，食落肉質彈牙鮮菠蘿薑汁沙冰以100%鮮果製造，菠蘿夠香甜，估唔到菠蘿同薑汁咁夾。總括嚟講食物質素高，擺盤靚又好味。餐廳環境唔錯坐得舒服，人均二百幾蚊價錢合理，會keep住幫襯！

喺曼谷被選為「最佳泰國食府」嘅Nara Thai Cusine嚟到香港之後評論一直都好壞參半，lunch hour喺新城市見到有lunch set，仲要唔太貴，就諗住去試下。同友人分別嗌咗「泰式滷水豬手配白飯」同埋 「黃咖哩豬肉配白飯」兩個set，反轉menu見有得優惠加配小食，就口痕痕叫埋「香脆蝦餅」、「黃薑沙嗲串（雞）」同埋「冬蔭公」。個環境都幾好，有少少泰國渡假屋feel，上菜速度尚可。兩個set望落份量十足，基本上同友人都食唔哂，小食份量比想像中多。整體菜色口味偏甜，不過口味就因人而異，我都不作多評論。滷水豬手比較推薦，都幾嫩滑。蝦餅兩大件都算彈牙，冬蔭公雖然揀咗少辣，但飲落都係唔辣😂，雞肉串就普普通通，當小食都可以嘅。整體來說，味道算不過不失，價錢比起晚餐嚟講相宜，不過偏甜嘅口味就真係睇個人取向。

與朋友到沙田行街, 朋友已預早選擇了此間餐廳, 所以我們中午12點正便到達,餐廳裝修很有泰國風情, 環境舒適.炸蝦片 (用$15) - 坐低後, 侍應就遞上炸蝦片, 蝦片看似平平無奇, 原來味道好濃郁惹味, 而且炸得很香脆, 好吃到停不到口.因為是星期六, 所以沒有set lunch, 我們單點了以下三款菜式 :大蝦柚子沙律($88) - 醬汁咸酸, 配上柚子味道清爽, 略嫌蝦沒有蝦味.香脆蝦餅 ($58 / 3件) - 蝦餅炸得很脆, 肉很厚身彈牙, 食得出有蝦的鮮味.泰式牛肉船麵 ($138) - 這款也是朋友指定必點, 算是為了這個船麵要來這間餐廳吃, 果然湯頭濃郁, 而且有很多材料-包括牛丸、牛筋、牛肉、牛展及牛柏葉等, 粉條亦很滑. 總括來說, 食物不錯, 環境舒適, 服務正常.

好耐無食泰菜啦，趁而家外賣自取有八折，係在家抗疫之餘嘆美食好時機！店員包裝外賣包裝得好好，用嘅外賣用具都係環保餐具，顏色優雅又環保。今晚叫咗好多嘢食。我最喜愛嘅泰式椰子雞湯，攞到返屋企仲熱辣辣，椰子味香濃，雞肉嫩滑，超正～有鑊氣嘅香蒜炒椰菜苗，棵棵椰菜苗都好惹味又新鮮爽口，蝦餅更加係估唔到外賣都咁好食，外脆裏面彈牙，非常濃厚嘅鮮蝦味，點一點酸甜醬更加美味！今晚主食係蟹肉炒飯，炒得好香好乾身，粒粒分明，加少少蟹籽望落更加吸引～馬沙文牛腱同班蘭魚露雞翼係今晚我晚餐嘅肉類之選，薯仔同軟淋嘅牛腱配花生味濃厚嘅咖喱好好撈飯，雞翼充滿泰式風情嘅斑蘭葉味，最後食埋香脆蝦片，唔油膩好香口，好滿足～