粒粒果甜品 (已結業)

香芒之戀 💰$48一上桌的時候真係瘋狂打卡😍 淡淡的芒果黃色配上草莓紅色真係好夏天feel🍹精緻的畫花圖案睇得出師傅好有心機畫👍 喝的時候建議先用吸管攪拌一下 因為底部有一層奇異籽(chia seeds) 令喝下去時口感十足 有d咬口 芒果smoothie有很新鮮的芒果味 不是假假的糖漿味 甜度適中 另外提提大家因畫花需時，要耐心等待哦 桃子昨晚等了大約15分鐘左右吧-朱古力窩夫 💰$55花瓣形的窩夫配上兩球呍呢嗱雪糕(有一球在窩夫後面)和香蕉片 雪糕上有朱古力脆皮真的很驚喜✨ 朱古力窩夫配呍呢嗱雪糕真的是perfect match🤟-白雪蘆薈撈配綠茶雪糕 💰$41綠茶雪糕很濃綠茶味 配蘆薈、西米和珍珠味道很清新不會膩 迅速清完成碗🤤-椰汁芋圓 💰$32芋圓很Q很煙韌 底部有紅豆粒令味道更豐富 椰汁味濃少少就perfect啦-牛奶小方 💰$18這個是我的最愛 真的好驚喜❣️椰絲包裹著勁creamy勁濃牛奶味的牛奶小方塊 鍾意飲牛奶的各位應該都會好喜歡 而且$18有成10粒真係好抵呀-總括而言，粒粒果甜品真係CP值很高的甜品店，價錢親民而且甜度適中值得一試哦👍

.士多啤梨傾斜奶酪(配士多啤梨雪糕) 🍓（$46）👦🏻稱佢為減肥甜品，因為係食得飽人！香甜滑溜嘅奶酪，配上卜卜趣嘅穀麥🌾。加埋酸酸甜甜嘅🍓去中和，真係又開胃又健康👙.珍寶芋圓仙草黑糖薑水（$32）有餡嘅芋圓較罕見，喺到就食到😍芋圓同地瓜圓都分別包住屬於自己嘅餡，更加食得出食材嘅香味。黑糖薑水好夠薑！熱食可以養生😛.香芒之戀 🥭（$48）拉花幫佢賣相加晒分！飲落又點？帶有芒果味嘅佢好creamy，杯底有啲奇亞籽可以慢慢咬，感覺幾fresh幾健康😆.水果星球🍉 (配芒汁西米) （$42）好有夏日氣色、好消暑嘅甜品，令食生果變咗得意嘢！每粒透明嘅「星球」都內含果粒，係略帶甜味，質感少少似啫哩糖，不過要同糖水一齊食先重味。.芒果pancake🥭 （$27）pancake有成隻碟咁長，個皮好軟熟，唔會有食膠嘅感覺。忌廉同芒果令到pancake 好飽滿，啖啖有幸福嘅滋味🤤.餐名: 同上價錢: $195評分: 8.5/10餐廳: 粒粒果甜品 (旺角)地址: 旺角廣華街3號百利達廣場地下1號舖

番工咁辛苦 放咗工當然要對自己好d 今日又去左係旺角廣華街呢間甜品舖 食d甜野真係人都開心d😆由於唔係夜晚晚飯後去 所以當然唔使等位 坐都坐得舒服d🤗 呢間甜品店最出名嘅當然係用粒粒水果做嘅甜品 色彩繽紛吸引 打卡一流😍 由於好多甜品睇落都好吸引 我地忍唔住叫左4款泥試😛1. 龍珠星球（配芒果涼粉）上面共有5粒水果球 入面分別係火龍果同埋提子 色彩鮮豔 味道清甜😋 配埋時令生果同芒果汁涼粉 的確係炎炎夏日既消暑良品🤤2. 朱古力窩夫 酷愛朱古力既我當然要揀番個朱古力味既甜品啦🍫 做窩夫唔難 不過要好味都唔簡單 呢到既朱古力窩夫味道香濃而且好香脆 配埋雪糕食好正😋 隨窩夫仲送一杯earl grey 添😆3. 古早黑糖珍寶芋圓仙草 貪心既我仲加左10粒芋圓 以分清有饀同無饀既分別🙊 呢碗芋圓都相當足料 有餡料嘅珍寶芋圓有六粒 大大粒 入面包住芋頭 番薯饀 味道夠濃又夠煙韌🤤 無餡嘅都好煙韌好味架😚 另外仲有仙草 珍珠 西米 紅豆等食材 都好好食 只係黑糖味較淡😉4. 香芒之戀 面頭既拉花真係好靚 飲落係芒果果既乳酪 底層仲加咗奇亞籽 清新好味又健康🌟

約了朋友在旺角吃晚餐， 行過見到粒粒果甜品店的甜品很吸引， 見還未到時間吃晚餐， 就不如入去試下這裏的甜品先！ 點了兩款賣相非常精美的甜品，水果星球$42， 香芒之戀$48。水果星球配芒果西米～ 水果星球的賣相真是特別有趣， 每粒入面都有不同的水果， 例如芒果，西瓜和奇異果等等。 晶瑩通透 的水果星球配入口香甜的芒果西米， 夏天消暑一流呀！香芒之戀～ 吸睛度極高， 面層有鮮豔奪目的拉花設計， 入面有芒果味的沙冰， 士多啤梨和蘭香子， 入口味道甜美口感豐富。這裏除了精美好味的新式甜品之外， 還有中式甜品，窩夫， 台式芋圓等等可供客人選擇。今次點的兩款又靚又好味的新式甜品， 用嚟打卡一定呃到好多like！ 下次我會再來這裏試下其他不同款式的甜品， 特別是牛奶小方， 相信味道也很好的。

之前黎廣華街呢邊食飯，見到呢間甜品店已經想食，可惜果陣太多人排隊，所以冇等到，今次又係附近買完野，過黎睇下多唔多人，可能因為5點左右的緣故，未見人龍，但店入面都有唔少人!我起初係因為見到呢間甜品店有我係日本見到影相打卡一流的飲品，但原來佢仲有款水果星球都好吸睛，所以就同友人每一款飲品和飲品。魔法森林($55)，呢杯魔法森林其實係用左牛油果同埋青瓜黎整的，飲落好清新的感覺!加上面頭有彩色拉花，真係好靚!香芒之戀($48)，我初初以為只係得芒果，但飲落發現原來仲有香蕉，而且香蕉味比較濃!兩杯飲品用黎影相打卡真係不錯!水果星球配椰汁涼粉($40)，呢款甜品非常吸睛，一黎到就見到5粒晶瑩剔透既水果波波，內裡有西瓜、奇異果和芒果。水果星球其實係用左大菜糕黎整，所以睇落咁光滑。這個甜品還有西瓜、芒果和哈蜜瓜做點綴。涼粉如果可以稍稍大一點會更好，整碗都唔會好甜。龍珠星球配芒果汁西米($44)，而呢款龍珠星球是新出的。近排火龍果真係好hit，所以相信呢款星球都會賣得唔錯!呢款個水果波波其實係紅火龍果同埋紅提子，紅火龍果果肉超甜，芒汁西米就唔會好甜!下次要同其他朋友再黎食呢個吸睛，影相打卡又靚既甜品!

星期一的下午，天氣非常悶熱，陪朋友在廣華街看完氣槍，吃過雞蛋仔，仍想不到該吃甚麼當午餐。看到一間以Tiffany Blue為主色的甜品店【粒粒果甜品】，餐牌頗為吸引，就一於進去歇歇腳，吃個甜品作午餐。小店的裝潢不算華麗，但整體明亮整潔，牆貼及掛畫走小清新路線，予人放鬆之感。桌椅可方便地組合，無論情侶拍拖吃個甜點或十多位朋友一起來也絕對不成問題。想不到甜品店也有瑞士雞翼供應，朋友不加思索便點了一客，在吃甜食之前打打底。雞翼滷得入味，瑞士汁鹹甜調度得宜。一碟可選4隻或6隻，甚有彈性。香芒之戀及紫色夢幻是以芒果及藍莓加上乳酪打成的果昔，上面有精緻的彩色粒花，杯身以草莓片作裝飾，非常吸晴，筆者忍不住拍個不停。芒果Smoothie比藍莓味道突出，鮮濃甜美。果昔打得細滑，冰感不會過重。兩杯特飲底部都加入超級食物奇亞籽 Chia Seed，增加咬口之餘亦可減緩澱粉轉換成糖的速度，健康與美味並重。水果星球上面有5顆以水果製成的透明啫哩球，賣相透心涼。甜品可以芒果、椰子或榴槤作基底，再配以涼粉或西米，加上大量雜果，很適合夏天食用。啫哩球質地似大菜糕，內裡包裹著奇異果、芒果及西瓜粒，七彩繽紛。選了椰汁西米

係旺角同朋友食完晚飯，未傾夠就梗係去食個甜品繼續吹吹水啦!!旺角區咁多甜品店，我地就揀左好多人讚既粒粒果甜品~~一黎就比呢個招牌甜品所吸引!!!打開 MENU 其實都幾多款式既甜品；有中式、有西式，仲有小食添"*因為口痕既關係, 點左個小食: 瑞士雞翼瑞士汁濃郁，雞翼都幾入味!!主角黎到啦~~~我點左個龍珠星球，友人就點了水果星球!!令人非常期待，真係好吸睛"*龍珠星球配椰汁西米，仲可以揀配涼粉或芒果西米~~一粒粒既龍珠星球係用提子及火龍果果肉；咬落去煙韌帶有淡淡既水果味，如果重味少少會更好!!仲有西瓜、哈蜜瓜等水果，同椰汁西米係絕配~~另一款甜品就係好多點既桃膠~~冷熱同價，我地揀左雪梨蓮子燉桃膠；甜甜地好滋潤又可以養顏，好多女生都點架!!而且呢度真材實料，用料好足，抵食"*呢杯好靚既芒果SMOOTHIE 叫做香芒之戀要整到咁靚梗係要D 時間等下啦，仲畫埋圖案WOR~~甜甜既芒果奶昔，入面仲有士多啤梨，甜上加甜!最底有黑珍珠，令食落去有多種口感~~打卡呃LIKE 用呢杯就岩哂"*

同朋友食完飯去食甜品，朋友話有間推介我地去，就跟佢黎左呢度啦！睇餐牌啲相都已經好吸引！超靚！超特別，唔同一般食開既甜品榴槤星球椰汁西米唔係特別，特別在佢個榴槤啫哩球！！圓碌碌！好光滑！咬落去一陣陣既榴槤味漂出黎！口感同視覺都一流！士多啤梨窩夫有兩球雪糕，一球係底，墊起窩夫。雪糕好甜，好香士多啤梨味！窩夫鬆軟，外脆，夾埋雪糕同士多啤梨食，一流，好味！窩夫送earl grey茶芒果之戀好靚呀！未見過甘靚的飲品！廚師好有心機，個圖案好靚！打卡相一流！味道都好得！好濃既芒果味，又唔會太甜，個底有蘭香籽，有口感又健康！瑞士汁雞翼超超超入味！甜甜地，又香，熱辣辣，好多汁，超好食！牛奶小方細細粒好得意。小方有濃厚的牛奶味，而職員亦很貼心將椰絲另上。我地可以因應自己的口味去落椰絲。點上椰絲後，小方的味道會更佳。呢度既甜品都整得好靚，好有心思，又有特色！尤其是星球啫哩同”拉花”！價錢唔貴，一定會再黎！正！

開心食甜品，唔開心都食甜品呢期壓力大，靚靚閨蜜帶左我去粒粒果甜品怒食減壓❤靚靚店員見到我地帶住阿桃，立即遞上碗仔餐具，Kids friendly到不得了😍👏講到明怒食，我地一口氣叫左5個甜品🍨香芒之戀有拉花嘅特飲，影相打卡真係一流，再配上士多啤梨，好fresh呀🍨草莓窩夫阿桃指定點餐，最愛士多啤梨嘅佢，竟然走去喪食窩夫，原來外脆內軟，再配上雪糕，冰火快感湧現，果然識食呀！🍨水果星球配西芒又係影相嘅甜品，啫喱包住唔同水果形成星球，好睇又好食，配上最佳配搭芒果汁西米，為呢道甜品加哂分！🍨牛奶小方香滑牛奶一口小品，出面配上椰絲，甜甜地，傾下偈一粒接一粒咁食，不經不覺就清碟🍨草莓芭菲一睇又知係阿桃欽點，士多啤梨系列，雪糕再淋上果醬，阿桃一邊笑一邊食，仲有d脆米片，加強口感食完真係勁滿足，呢餐都只係＄200左右，性價比真係好高❤最重要係果份開心同滿足，我又叉滿電喇！

喺旺角一帶”掃街”食到咁上下都會直落掃埋廣華街附近嘅甜品先夠皮，呢度正正係甜品兵家必爭之地，所以一般嚟講選擇都好多。由於今次想食吓水果甜品，經過就俾呢個水果星球吸引咗我嚟一探究竟。呢度嘅甜品款式都幾多吓，我地最後叫咗四個甜品一齊share食：龍珠星球賣相同相片一樣，粒粒都係用新鮮水果製成，配埋芒果汁夠Fresh，不過對我嚟講稍為清淡，唔夠甜，比較適合追求健康人士水果星球(我覺得似水晶球多d)士多啤梨芭菲，上面嘅士多啤梨雪芭有homemade嘅味道，下面就係Cornflakes+呍呢嗱奶凍+多一層士多啤梨雪芭，配搭出多重口感朋友叫嘅香芒之戀(賣相好靚，手機食先)，不過飲落有d失望，事實上味道唔錯，但係咁Rich同杰身嘅甜品如果唔夠冰凍嘅話，飲兩啖就會有一種容易膩嘅感覺，而且個底仲有奇亞籽...朋友另外再叫一個仙草椰汁芋圓(呢度唔駛排隊有得食)，味道的確有驚喜，只係敗筆在...我地叫咗凍嘅又係唔夠凍(個人喜好冰凍甜品)。雖然呢度舖位細細，但係店內嘅燈光同設計幾舒服，地方乾淨企理，至於甜品方面甜品食得出有用心去做，但係仲有進步嘅空間。

今日睇完模型就去左粒粒果食甜品。呢間甜品地方寬敞乾淨，坐得又舒服，甜品種類又多。每一款嘅甜品造型都好吸睛，就係一件藝術品咁。見D圖咁靚，即刻order 2杯健康嘅yogurt。飲咖啡有拉花好正常，估唔到連食甜品都有拉花，應該比拉花更複雜，拉花只係單調的白色，呢個係一幅彩繪。畫得咁靚，都唔捨得飲。杯邊貼了士多啤梨片作裝飾，洗唔洗咁繽紛彩色。吸一啖滑滑嘅yogurt，好好味，yogurt入面有D一粒粒好似西米嘅嘢，究竟係咩呢? 原來係奇亞籽！呢杯嘢40幾蚊，又彩繪，又有奇亞籽，抵到呢，可見呢間甜品店嘅出品非常有heart同有誠意。

聽朋友講旺角開左間新既糖水舖，今日就同幾個 FD 去潮聖下。1. 水果星球 $42呢個水果星球外型幾特別，最適合鐘意試新野既我。味道不太甜，口感好夾2. 白雪蘆薈撈 $41呢款係我個 fd食(因我唔食凍野)，佢話食完呢款糖水好滿足，真心好足料，好似食極都食唔哂咁3. 珍寶芋圓仙草 $32我自己就最鐘意呢款糖水，呢個唔同平時出面食到既芋圓，入面係有「餡」嫁好正呀，而且重可以揀熱定凍4. 香芒之戀 $48另一個 fd話岩岩食完飯，好飽，所以只叫野飲。我地都畀佢既賣相吸引，係咁影相，好靚既唧花呀，飲落有芒果同香蕉味，但fd話唔夠凍，如果凍 d 就 perfect.

旺角好多野食就大家都知，今次食完午餐之後就去食甜品。得知旺角廣華街有一間新既甜品店，叫粒粒果甜品，而且係新開既所以就嚟到試下啦。位置雖然喺內街但係都易搵，喺正便利店隔離。甜品選擇都有唔少～芒果傾斜奶酪 ($38)有時最怕食水果甜品Ｄ水果係酸既，但好彩，呢度既芒果幾甜而且完全唔酸，至於奶酩既奶味都幾香。士多啤梨芭菲 ($42)芭菲配料分別有士多啤梨同雪糕以及栗米脆片，士多啤梨幾甜，而栗米脆片都幾香脆。 古早芋圓仙草 ($32)我其實好鍾意食芋圓，所以每次去甜品店都一定會食芋圓。 呢碗碗內有芋圓 地瓜圓 紫薯圓 等既三色圓，除此之外仲有紅荳蓉同埋仙草。芋圓既味道較為淡但係質感唔錯，都幾煙韌，唔會好肉有Ｄ地方整得太腍。香芒之戀 ($48)飲品方面呢度都有 smoothie 選擇。望落幾靚，呢款黃色既係香芒之戀，裝飾有士多啤梨，面層有精緻拉花， 而飲到底亦有黑珍珠 。