Glasshouse Greenery (K11 Musea)

营业中

休息中

Glasshouse有幾間分店，以前去過形點食午餐，都幾好。這次去K11 Musea 就再試試。香草脆皮梳乎厘$128.脆皮，有啲似墨西哥包的皮，梳乎厘熱辣辣，好好食。不用點醬，已經好味，個醬是酸酸哋的莓醬。荔枝玫瑰冰茶$58加一後，$205。食個甜品，飲個茶，悠閒的一餐。K11 Musea, 好多名店，餐廳，地方好大，行出去，就係海旁，地點超級好。商場好靚，四圍都係藝術品，等的制, 喺本書上面，真係會揾唔到，成個地方都好有型。

4/4/2021 星期日 兒童節，天陰毛毛細雨，最好行商場食午餐。選擇Glasshouse ，喜歡佢食物款式乜都有，又好食，飲品亦多種類，侍應招呼好有禮貌，環境舒適。首先叫咗兩杯飲品，有雲霧士多啤梨🍓，好似士多啤梨奶昔，好飲。另一杯係 凍茘枝果茶，大大杯，夠清涼解渴！正呀！頭盤 法式吞拿魚沙律，開胃，增加食慾！小食拼盤，有蝦餅，魷魚鬚，春卷，沙嗲串，蜜糖雞翼，樣樣都好脆口。主菜有松露芝士焗豬飯，芝士覆蓋面層，熱辣辣粒粒飯，香噴噴呀！要圓圓滿滿，梗係唔少得甜品啦，我哋叫咗一個香草脆皮梳乎厘，面上有一層焗得脆脆，好似墨西哥包嘅脆脆面，太好味喇！嚟過這餐廳兩次，食物保持水準，而且每次都有驚喜，期待下次幫襯時，睇吓又有什麼推介。

夜晚同女朋友喺K11 Musea行街，正當我地都諗緊夜晚食咩，女朋友就比呢間餐廳嘅露天位置吸引咗，佢話係露天食飯個feel好正，可以望到出邊風景。本身我唔太想食西餐，因為lunch食咗西餐，咁我地再望下個menu，發現呢間餐廳有超多類型嘅菜色，有pizza、泰式串燒、海南雞意大利飯、乳豬焗飯、烏冬⋯ 啲菜色都好特別，所以決定一試！首先叫左一個「炸蝦芒果米紙卷」同「蜜桃薄荷冰茶」。米紙卷最出色嘅地方係加埋芒果係入邊，味道好突出，感覺好fresh。冰茶就一般，感覺偏酸，味道無太大驚喜。之後叫左「黑松露鵝肝牛肉炒河粉」同埋「Greenery沙冰」。簡單嚟講，係一個高級版乾炒牛河，牛河炒得好有鑊氣，有大排檔風味，但我同女朋友都覺得最出色係鵝肝，煎得外脆內軟，好好味，同埋感覺唔太油膩。沙冰感覺上係fresh嘅，似蔬果汁，唔算特別。最後叫左個「香草脆皮梳乎厘」，呢個真係世界級，女朋友係咁讚好香蛋味，好鬆軟，空氣感十足！由下午食到夜晚，坐露天絕對感受到環境嘅變化，夜景又有一番風味，加上播住音樂，幾有露天bar感覺。店員最後都好貼心送左杯Welcome Drink，呢間嘅環境同食物質素絕對令我想再嚟一