鳥鑫

营业中

休息中

同舊朋友聚舊, 揀咗尖沙咀厚福街樓上舖一間串燒居酒屋, 餐廳環境不大, 座位整齊企理。入座隨即送上前菜--- 野菜條 HK$30爽脆甘味椰菜併爽脆清甜多汁嘅蘿蔔條, 配上鹹甜麵豉醬, 非常惹味。飲品方面, 供應多款日式清酒, 另有少量非酒精飲品選擇。【乳酸梳打】HK$38大大杯, 冰凍酸甜又夠汽, 啱哂邊食串燒, 邊慢慢嘆。【煙燻華味鳥芝士卷】HK$68選以日本華味鳥刺身經煙燻, 外層爽滑, 包住了軟滑cream cheese, 咀嚼時散發陣陣奶酪香味, 每件迷你細細粒, 剛好一粒一啖, 食唔停口。【雞胸紫蘇葉】HK$38紫蘇葉包住了雞胸肉, 雖然胸肉不算嫩滑, 但外層包住嘅紫蘇葉散發獨有清香, 幾特別。【香草醬燒法國鵪鶉胸】HK$78鵪鶉胸比雞胸嫩, 而且keep到肉汁, 面層加上了調味配料汁醬, 甜酸惹味, 汁醬令整體唔會太乾之餘, 又能提升味道。【雞腎】HK$32細細粒, 口感爽彈, 表面帶油光, 唔會燒得太乾, 灑上少少鹽作調味。【免治雞肉棒】HK$58雞肉棒壓得不會太實, 稍有少少力夾開就散, 含豐富肉汁, 內裡夾集了爽脆軟骨幼粒, 豐富了層次, 沾上日本蛋食, 令口感滑一點

今晚吃了一頓精彩又美味嘅串燒大餐，很想記錄和分享一吓。坊間日式串燒店越開越多，位於尖沙咀厚福街嘅「鳥鑫」主打燒鳥，亦提供不同部位燒鳥串燒，味道處處有驚喜。一入店內微黃昏暗嘅燈飾，濃厚居酒屋嘅氣氛令人陶醉~野菜條包括日本椰菜，沙葛，秘製味噌醬沙葛爽口清甜，日本椰菜入口勁爽脆，又甜又多汁，完全沒有草青味。提供鮮檸檬和柚子鹽作調味。果味汽酒（乳酸）乳酸味有汽果酒酒精似乎比生啤更高，配合味道濃郁又多樣化嘅串燒着實不錯~煙燻華味鳥芝士卷難得有提供雞刺身，必定要特別嘅品種才可生吃。雞肉本身冇特別味道，只有股煙燻香氣，卷着忌廉芝士味道很夾，令人吃過不停。雞油渣炒枝豆有點邪惡，不過雞油渣香口惹味，有薑汁味道，雞油嘅香氣亦令枝豆特別好吃。雞心元外層焦香，味道質感都有啲似雞腎，但較為稔身和多汁，味道濃香。😍鹿肉柳比較特別嘅款式，一放上枱就聞到獨特嘅肉香味，入口質感較粗鞋，但肉味真的好香濃而且滿有肉汁。😋👍🏻鹿肉原來是這麼獨特。雞尾又係邪惡之選，燒過之後較為乾身，雞味好濃郁😋免治雞肉棒免治雞肉棒咬落不鬆散，肉質細嫩，配上橙紅色嘅日本蛋黃和甜醬油作調味，賣相靚之餘味道大為提升！😋香草醬燒法國鵪鶉胸同時試咗二款

星期五下班,與老婆前來尖沙咀Happy Friday! 厚福街食店林立, 更有多間樓上店的水準也不錯。今天下班便與老婆前來新開不久的餐廳大吃一頓~這家日式食店以串燒還有酒為主;見餐單滿滿的串燒填滿菜單; 首先當然來一客沙律(沙葛野菜條)作前菜, 潔白的沙葛, 爽甜無比,味道清新,配以秘制的豆板醬,十分醒胃;小食雞油渣炒枝豆, 平時聽的都是豬油渣,現在有雞油渣,感覺健康一些。粒粒青綠色的枝豆以雞油炒,有鍋氣, 雞油渣煎香,鹹鹹的, 口感香脆;         香草醬燒法國鵪鶉胸, 鵪鶉胸的肉質較結實及乾身, 啖啖肉, 香草醬為淡淡的肉味增添了一份味感;日本銀杏, 煙煙韌韌, 甘甜甘甜的口感; 燒茄子, 有別於街邊長長的燒茄子,切成圓狀的,鬆軟可口配以燒烤醬汁及蔥花, 另類的味道體驗;雞髀菇, 好多時燒烤都能吃到, 白白滑滑的雞髀菇燒至金黃色,鹹鹹的, 帶點脆口的口感, 外脆內軟,滋味無窮; 燒雞全奕, 原隻雞全奕啖啖肉, 不會有燒蕉的感覺, 雞皮香脆可口,雞肉多汁鮮嫩;一杯京姬柚子檸檬.,酒味不算濃,濃郁的柚子及檸檬味道,甜甜的,  飲完使口氣更為清新。