Dodam Chicken (利舞臺廣場)

营业中

休息中

好多時經過Dodam chicken見到要排大隊，每一次都太餓唔想排隊，所以一直冇機會試~今次放工好想搵comfort food慰藉吓心靈，真係忍唔住啦，排隊都要試吓👅=========================🍗 Baked Half & Half $235烤雞感覺相比炸雞冇咁熱氣，外皮焗得香脆，肉質嫩滑，咬開嘅時候肉汁直情滴出嚟‼️ 醬汁均勻鋪滿成件雞又惹味，減肥中都忍唔到口食埋雞皮，好彩有手套，黐笠笠嘅醬汁會成手都係好論盡😂🧄 香蒜焗烤雞醬油汁甜甜哋，蒜味唔算重容易接受，如果重蒜啲會突出啲🌶 韓式辣焗烤雞辣醬帶酸酸甜甜，有啲似少少辣嘅咕嚕肉，好~惹~味~兩種味比較下，韓式辣醬濃啲惹味啲，再食返香蒜味覺得🧄偏淡😹🐥 招牌甜辣芝士無骨烤雞 $198份量唔少，夠2-3人share~ 面頭鋪滿厚厚嘅芝士，除咗無骨雞肉，仲有年糕、芝士竹輪、椰菜、蘿蔔、洋蔥😋 醬汁微微微微辣，對於唔太食辣嘅人嚟講啱啱好👌🏼 芝士輕易做到拉絲效果，趁熱捲住雞塊，芝士控表示大滿足😚🥢 招牌年糕 $138賣相雖然比較平凡，同無骨烤雞一樣都係紅色汁😹不過醬汁更濃更辣，呢個辣度啱啱好，用嚟蘸埋無骨烤雞😛 煙韌Q彈

今日好遲先落堂，搞到差唔多八點幾九點先有得食dinner。每當肚餓嘅時候就特別想食啲邪惡野，所以就去左食呢間Dodam Chicken啦。其實都食過呢間幾次，次次都一定會食佢個韓式海鮮煎餅，今次都唔例外。另外今次揀左焗烤雞，比起炸雞會相對冇咁邪惡。🍕韓式海鮮煎餅 $142份量都唔細，同埋好足料，有好多蝦、魷魚同埋青口，再配合埋啲韭菜，成個煎餅勁香勁好食，係油左少少姐。佢仲有個汁可以點，點完之後仲好食。不過要提提大家食呢個真係要趁熱食，以前曾經有次掛住食其他野，攤凍左呢個煎餅，結果味道會差好遠。所以一定要趁熱食啊，熱食嗰陣好食啊！🍗香蒜焗烤雞 $188應該有全隻雞，加加埋埋都有十幾件，兩個人食好夠飽。除咗嗰兩件雞胸之外，啲雞肉全部都好嫩滑，嫩滑得黎仲好彈牙添。想望吓啲雞肉幾嫩滑嘅話可以睇一睇第二張圖。隔離有一片檸檬，擠少少檸檬汁之後仲好食。兩個人share食一定夠飽。又一個增肥嘅晚上。

之前朋友話想食韓國炸雞，我地見嚟間餐廳上網book有折，又幾就腳，就去咗試吓！一去到餐廳門口，有個韓國姨姨招呼我地入去，感覺好親切因為大家都好肚餓嘅關係，我地決定叫多啲嘢試~見menu推薦芝士雞蛋卷，我地當然唔執輸要食啦！一切入去就知冇叫錯！啲芝士多到切極都切唔斷好邪惡啊媽咪！同行朋友好鍾意食薯條所以我地亦叫咗個黑松露薯條炸薯條到啦！我俾佢個size 嚇親勁多都算，仲要有sweet potato fries!!!十分抵食！嚟之前，已經見過有人食招牌芝士甜辣無骨烤雞，個樣極正！！等我地又試下先！佢啲芝士好似唔使錢咁，完全無同你慳我唔客氣啦！烤雞夾住芝士、年糕同魚糕一齊食簡直係滿足哂我三個願望！唯一要挑釁可能係個烤雞唔係話好夠辣，比較啱啲唔太式得辣嘅朋友我地亦叫咗香蒜焗烤雞，哩個相對上就比較失色，唔夠蒜香，仲有啲甜可以唔使叫~值得一提係，我哋叫咗mango yogurt milkshake 同 vanilla yogurt milkshake都幾好飲，無藥水味，大家有興趣都可以試！

韓式炸雞喺香港都興咗幾年，如果你話佢係因為電視劇嘅威力，倒不如話佢其實真係好食。食正宗韓炸雞，銅鑼灣有唔少選擇，但今晚想坐得舒舒服服，所以去咗Dodam Chicken。 呢度食物種類好多，由一般韓國餐廳食到嘅海鮮餅到芝味香濃嘅意大利薄餅都有。不過話咗要食雞，所以都係揀番雞嘅菜式啦！無咁熱氣之選有香蒜焗烤雞。一上碟熱辣辣，個汁仲有一塊塊蒜片喺上面。即刻咬一啖，果然係又香甜又惹味，仲要大大碟，好抵食。隨雞附送一碟酸蘿蔔，勁醒胃，即刻令人想食多幾件。 我好鍾意食薯條，雖然食韓國嘢，一般都會揀芝士薯條，但喺MENU見到松露薯條，感覺好吸引，來一個先！一放低就聞到好撲鼻嘅黑松露味！裡面仲夾雜住薯條同番薯條，正。 成日覺得食韓國嘢，一定要飯返兩杯先得。所以今晚特別叫咗米酒，甘甜可口嘅米酒，同滋味香濃嘅烤雞可謂襯到絕！仲有喎，韓國米酒出咗名可以美肌，真係要飲多杯喇！

一講到食雞，梗係即刻吹韓風啦。雖然由細到大都有美國上校炸雞俾大家食，但今時今日，食韓式炸雞先係王道（真食又好，打機食又好）。今晚Dinner嚟到Dodam Chicken，放低個電話，好好祭吓五臟廟先！打開Menu，真係乜雞都有，炸嘅、烤嘅、焗嘅，我見到連Stir-fry都有，話就話嚟食炸雞，但實質係超多選擇，連pizza都有！但為免做大嘥鬼，今日叫咗個香蒜焗烤雞、招牌沙律、同埋一客松露薯條。香蒜焗烤雞雖然唔係炸，但食落都好香口，個蜜汁甜甜哋，仲有好香嘅蒜味，惹味嘅汁，包住一件件烤到啱啱好嘅雞件，愈食愈想食。招牌沙律十分足料，最特別係佢面頭放滿芝士粉，令到每一啖都十分滋味，襯哂個烤雞。松露薯條可以話係一大驚喜，原來佢係薯條同番薯條兩溝！超正，簡直係一次過滿足哂兩個願望。咁多美食，梗係要叫支正宗韓國米酒高興吓啦！開心食，咁至係Winner！

前陣子的一輪大大小小的工作，再加上我家那位走了去旅行，來到這夜才是我們11月的初次約會呢。選了大家都有一段時間沒吃韓國菜，本來特意找來一家地道的韓國炸雞店，看過餐牌後卻放棄了炸雞的念頭...這裡的炸雞口味雖然不及其他炸雞店多，但基本的辣、走辣及炸魷魚也一應俱全。不過最引我們注意的自是坊間少見的烤雞，還要是用薄餅焗爐來烤！除了基本款，還有數款添了芝士的烤雞，不過想試不同口味的我們，最後選了只有基本款才有的雙重滋味 - 韓式辣焗烤雞 及 香蒜焗烤雞！烤雞雖時，還是先吃其他的吧。黑松露薯條 $88對黑松露與薯條異常狂熱的我，吃韓國菜也不忘點了一客！挺粗身的薯條炸得香脆熱烘烘，雖然黑松露醬吸熱後香氣減退了不少，惟入口仍夠香口惹味。招牌年糕 $148吃過不同款式的韓式年糕，還是最傳統款才是皇道。年糕沾滿濃稠香辣的蕃茄醬，感受著每一口的軟糯的同時，還滲出陣陣香辣，滋味十足。還有煙肉及魚片等配菜，在香辣蕃茄醬的提味下，也教人愛不惜口。雙重滋味烤雞 $208 (韓式辣焗烤雞、香蒜焗烤雞)原價$178的基本款烤雞，只需加$30便可任選雙重滋味，能夠試多一款口味，自然較單拼吸引！香蒜焗烤雞每款烤雞各有雞鎚

由於很久前差不多每星期都吃炸雞～所以隔了好一陣子沒再吃到有見及此，在台灣旅行回來後就約了去吃炸雞喇！因為近年韓風襲港的關係，韓國餐廳一下子開了超多，所以不愁找不到有興趣吃的這次選擇的店子是以馳名薄餅烤箱脆焗雞及韓式炸雞為主打 (oﾟωﾟo)特別是前者的焗雞聽說比起一般炸雞的熱量和脂肪為低呢雖說韓國人吃炸雞都是配啤酒，但對於不喜歡酒精類飲品的我來說...還是Yogurt Smoothie 更為適合我!! (･∀･)Strawberry ($68) & Mango ($68)  芒果的味道稍為濃一點黑松露薯條 ($88) 沒想到當中還有番薯條!芳香的黑松露~再加上入口香脆內軟 ( ´∀｀)σ 愈吃愈滋味的喔招牌年糕 ($148) 餐牌上寫這個是一隻辣椒的辣。我覺得還好，吃落還帶少許的甜味 (*´ω`) 不過重點是有不少煙韌的年糕吧滿滿的香辣醬汁～味道頗討好的喔！烤雞方面，如果想同時吃兩款口味又不想單點兩份的是可以選擇 - 雙重滋味 ($208)韓式焗烤雞 (原價$178) ＋香蒜焗烤雞 (原價$178)外層有點微脆～前者的醬汁是偏辣的，個人較喜歡後者那種甜甜的味道 是因為都放在一起的關係嗎

韓國炸雞的熱潮並沒有減退過，到現在還有好多供應炸雞為主的韓國餐廳。今晚和韓迷老友敍舊，想選相對寧靜的餐廳，就選了位於利舞舞臺的Dodam Chicken~餐廳面積好大，座位甚多，約一大班好友聚餐都完全沒問題。燈光稍暗，是要突顯牆上餐廳的名字呢。餐紙有介紹店的歷史。未叫食物先叫杯生啤解渴。瓶裝和罐裝的藍妹喝得多，生啤還是第一次喝呢。味道甘甜清新，氣量十足，喝下去口又爽胃又爽，好"gur"呢。炸雞配啤酒是常識吧？然後發覺這裡除了炸雞，還有焗烤雞這較健康的選擇。想吃兩種味道所以選了雙拼，一次滿足兩個願望。在韓國餐廳怎麽能少經典的年糕呢！我選了fusion味的香辣卡邦尼炒年糕。雞製作需時，一端出來都是熱騰騰在冒煙，香氣撲鼻讓我們好肚餓左邊的是原味，右邊較深色的是香蒜味，每款都視乎大小有五六件左右，其實份量都頗大的。烤焗雞水準高不高真的看最基本的原味。雞皮薄薄一層沒甚麼皮下脂肪，雖不是炸也香脆，內裡的雞肉相當嫩滑入味，肉汁又多香蒜味的外層曬了杏仁片，也有蜜糖包裹著每一寸雞皮。因為較濕，這個皮不是脆的，但仍然不油膩，味道好香甜呢！這個雞肉都好嫩滑多汁，吃得我們津津有味其實店員供應了甜辣醬和沙律醬讓

見咁耐冇食韓國野，襯復活節假期睇完戲就去到銅鑼灣，第一次食呢間Dodam雞，質素唔錯喎！Dodam Chicken位於利舞臺廣場，睇番介紹，出品來自兩大韓國品牌 - Hwaggudak + Dodam結合而成。餐廳位置唔少，但有唔少人都經網上訂座，多半位置都hold起左，所以如果想食的話，不妨先用app訂座，可以省卻等候時間。同大部分韓國餐廳有少少唔同，店員並唔係清一色韓國人/年輕人，有部分明顯年紀較大，講嘅係廣東話、英文，溝通冇難度。而無可否認，我覺得佢地相對有禮。餐牌選擇豐富，有沙律、拼盤、小食、焗烤雞、炸雞、薄餅、韓式主食，例如年糕、海鮮湯烏冬、豬肋骨等，定價中上。因為得有兩個人，得知烤雞份量頗多，所以我地只可以點一款雞加一款主食，否則會太飽兼唔符合預算。香蒜焗烤雞 $188焗烤雞方面，餐廳有9款。平時食韓國野就必定會有炸雞，但焗雞就唔係間間供應。印象中只係喺EXO代言嗰間食過，佢地嘅蜜糖烤雞係好味，食焗雞感覺冇炸雞咁熱氣，雖然一樣邪惡，但自我感覺良好。香蒜焗烤雞一共有13件，基本上就係全隻雞，乜部位都有，雞脾、雞翼、雞胸。烤雞幾好肉地，而且雞肉比炸雞滑溜，經過烤焗，油份唔會好多