渝川菜館

营业中

休息中

灣仔近利東街有間樓上私房菜, 川菜款式多到你唔信👀四川涼麵😋😋😋😋😋咁多款最辣既一味, 麵條好爽口, 店員親自係面前撈醬, 又香又麻又辣, 係一款唔洗任何配菜都已經好好食既麵🍝蒜泥白肉😋😋😋😋😋絕對好食過譚仔, 超級夠濃!香麻泉水雞😋😋😋😋😋第一次食時完全驚艷到我呢個#麻控 的一道菜🤩 麻而不辣的雞肉嫩滑到一唔小心可能滑入喉嚨🫣見到表面d花椒應該都估到有幾麻啦, 不過食時都好輕易可以撥走花椒粒👌🏻水煮牛肉😋😋😋夠麻夠辣但牛肉唔算好嫩滑重慶辣子雞😋😋😋整體好入味, 炸得香脆而唔油膩~ 腰果比雞肉出色江津酸菜魚😋😋味道酸味重, 魚肉好散, 一夾就爛… 主要係食d粉絲同酸菜💰人頭收費$338 - 視乎人數可以選擇菜式的數量不同👆🏼例如4人可以選3款涼菜 + 5款熱菜🍲每人包括白飯一碗🍚 + 每枱炒菜一碟🥬全個餐牌有50款辣 + 18款唔辣, 多到眼花撩亂🤪愈多人食可以試到愈多菜式💓➡️份量好大, 每次黎都一定食唔晒雖然可以包走但其實都有d浪費🥺 建議定價可以低少少, 份量可以細返d🧐➡️餐廳只有熱茶同汽水提供, 如果可以有多d解渴飲品同解辣甜品就更好☺️

朋友介紹灣仔有一間好食的川菜館，而佢又預約到，所以就試下每位288 再加一，睇人數黎揀幾多款小菜，佢有辣度選擇，好似我甘唔食得太辣就揀左小辣至於白飯係自助任食的四川涼麵朋友話呢個係必點，因為真係好食，係我食過最好食的涼麵蔥油嫩豆腐呢個係唔辣的，豆腐好嫩滑，食完個涼麵好辣再食呢個豆腐十分解辣酸菜魚呢個酸菜魚無咩酸菜，亦都唔會好油，可以放心飲個湯魚亦都有好多塊，最底有粉絲香麻泉水雞呢個真係好熱，麻多過辣，雞肉一粒粒的好嫩滑，入面重有好多萵筍干煸四季豆呢個好麻，麻到無咩味食到出黎，一般

渝川係正！呢度係逐位計既，今晚一行二人可以揀兩個涼菜三個熱菜，菜既份量就睇人頭啦，人多會大份d，總之就實夠食啦。涼菜我地叫左蒜泥白肉同蔥油嫩豆腐。蒜泥白泥既蒜唔算多但好香，而肉係腩肉切片，切得夠薄，不過就唔係好嫩了，墊底嘅係芽菜，呢個餸算不過不失啦。而蔥油嫩豆腐就真係好正，豆腐當然係滑啦，蔥油好多，味道較得岩岩好，唔太鹹又有蔥香味，亦唔會搶到豆腐既味，配合得好好。熱菜方面，我地有重慶辣子雞，睇落去好似好辣咁，食落去係好惹味，唔夾辣椒就唔會辣到飛天；雞粒都唔算少，不過就乾左dd，用嚟送啤酒一流。我就忍唔住就咁食左少少辣椒同乾蔥，嘩！無得頂，香口得黎辣味慢慢慘出嚟，不過都真係好辣，大家量力而為。老實講，呢個蛋黃蝦就麻麻地，蛋黃雖然整整包住全隻蝦，不過蛋黃嘅鹹味同香味就欠奉，蝦既size亦都唔大。最後呢個泉水雞係是晚高潮，佢用左大量青花椒去煮雞柳，所以好香好麻，雞柳嫩滑入味，搭配瓜既爽口，令人愛不釋手，唔嗜辣嘅朋友就岩曬啦。