曼谷車站

营业中

休息中

🇹🇭🥢🥣Encore性價比極高泰菜▫️免加一☑️薄餅 -$32一份2塊，都幾厚身，煎得香脆，點咖喱一流。☑️咖哩軟殼蟹 -$140呢個係encore嘅就唔多講，咖喱椰汁味重，而且有蛋係入面，就咁食、撈薄餅或者飯都好好味😋☑️馬拉盞炒通菜-$59通菜好幼好嫩，份量都唔少，50幾蚊嚟講真係幾抵，都好足料好夠味。☑️干炒香葉牛肉河-$65呢個推薦大家食🤤炒得好香口好惹味，辣得好過癮，又有九層塔嘅味道。牛肉嘅份量好多，都入味，仲有粟米芯同菇係入面。☑️冬陰功炒飯-$69炒飯都大碟，好重冬陰功味，酸辣開胃，配料都多，除咗有四隻彈牙嘅大蝦，仲有蛋、番茄仔，同埋菇係入面，上面亦有飯燶邊而流心嘅荷包蛋。唯飯有d濕，炒得唔夠乾。🆗椰汁冰-$24椰汁味都幾濃，但太甜，去到最後冰都溶晒仲覺好甜。

想不到在牛頭角也可遇到地道泰國人主理的泰國餐廳，裝修以車站為主題，客人就坐在車卡似的卡位內進食，很有風情。但也不會奪去有素食物的風頭，所以食物仍然是主角。吃泰國菜自然就是喜歡它的濃味，但不一定要很辣。這個馬拉盞炒通菜就一點都不辣，反而帶有一點甜味，很易入口。菜也很鮮嫩，無需多咀嚼便可吞下，與鮮甜的馬拉盞成為很美好的配合。串燒也是必然的選擇，牛和雞就是自己的最愛，配上惹味的沙嗲醬，叫人吃完一串又一串的。明爐烏頭的質素也不錯，清湯底很清甜，可以飲用。魚也沒有腥味，質素很不錯呢。

之前都聽過呢一間以車站火車做主題嘅餐廳，因為呢間餐廳係牛頭角，我響觀塘返工關係，所以嗰日一放工就可以過去幫襯勁方便。一去到就會俾佢火車造型嘅門面所吸引，真係好似一個車站火車🚞好型好精緻啊！入到去都仲係好似車站，令我哋就算等餐都好似等緊車咁樣😆，好有特色又夠光猛，環境空間都幾大幾舒適。👍佢聲稱以全泰國廚師主理，最正宗同地道嘅泰國菜，因為我們得兩個人嘅關係唔可以點到太多嘢食，我哋就點左睇落好似好正嘅冬陰公湯明爐烏頭魚（$142），小食拼盤（$98）同埋一碟馬拉盞炒通菜（$55）。首先係上明爐烏頭魚配冬陰公湯，條烏頭魚都幾大條同埋新鮮，兩個人食一定夠，一樣係用明爐熱住，同平時有啲唔同嘅係佢係一邊食一邊淋啲冬陰公湯落去，佢嘅冬陰公酸辣口味做得幾地道，而且辣得幾過癮，香茅味同其他香料嘅味道都好出，配埋烏頭嘅新鮮，都幾特別的食法，呢道菜都幾高分😋👍跟住個小食拼盤有四樣嘢，有蝦餅，春卷，鳳凰丸和魚餅，幾款小食都係即叫即炸好新鮮，蝦餅好彈牙好爽口，春卷好香口，魚餅夠新鮮，幾特別係鳳凰丸，其實即係腐皮包住雞肉再炸，我第一次食鳳凰丸覺得都幾好味👍呢個小食拼盤值得比like👍😋最後嘅馬拉盞炒通菜味道我覺得比

朋友介紹泰國餐廳，隱藏在商場内，車卡裝修，環境寛敞，沿九龍灣地鐵站嘅天橋，行到盡頭對面就係德寶商場，入咗商場開頭，就見到曼谷車站的指示牌。其實10分易搵。我鍾意佢開放式嘅餐廳，所以就算好多枱好多人喺度傾計食飯，都唔會好嘈聽唔到對方說話。我哋去得早，所以有位，差不多七點半的時候，餐廳目視已滿。每一台有自己嘅水樽，好方便。泰式生蝦刺身真係冇得頂，厚身啖啖肉，而且10分新鮮咬落去爽口彈牙。好彩同朋友只是兩個人，每人都分到三隻，如果唔係真係唔夠爭.... 下次一定會再叫。泰式炒金邊粉金邊粉嘅蝦，亦係非常大隻，而且金邊粉嘅味道炒得好美味，少少甜甜酸酸的，好開胃，我哋就算到最後飽住肚，都清晒咖喱軟殼蟹分量非常之多，數到嘅都有六大夠。而且啖啖肉，好處就係唔使剝殼直接咬，所以我哋食到非常之滿足。咖喱唔辣，唔食辣嘅朋友都可以吃到。馬拉盞炒通菜食咁多肉，點都要有個菜，馬拉盞通菜夠wok氣，好香。食到撑住肚皮，兩個人加埋都只係300出頭，真係好抵。—————————————如果喜歡我嘅文章，請喺下邊襟個心俾我，鼓勵下我繼續寫食評。多謝你。❤️