Mee...lemongrass (已結業)

未到7點已到達，已經有好多人排隊。我地2人枱，等左大約30分鐘先有位坐低後，店員好快就遞上餐牌，部份菜式會有圖片。檳城炒貴刁 $76餐牌上有一隻辣椒係旁邊，之前食開嘅炒貴刁都唔辣，所以估計Mee…Lemongrass嘅都唔會太辣，所以就照order。。。好快店員就送上我地點嘅餸菜。炒貴刁賣相幾吸引，又有鑊氣，有大排檔feel，材料亦好豐富，有青口、魷魚、蝦、魚片頭、幾款蔬菜，加左醬汁去炒，炒得顏色均勻，每條貴刁都平均上色。味道方面，雖然深色，但唔會好鹹，剛剛好，夠火喉，好惹味雖然餐牌表示炒貴刁係辣，不過入口食唔到辣味，怕辣嘅人都可以一試。馬拉盞炒通菜 $64餐牌上亦係顯示馬拉盞炒嘅會辣，如果食唔到辣嘅可以改蒜蓉炒。不過我仍然揀馬拉盞，因為覺得比較惹味。上碟好精美，上面放左幾片炸蒜。如我所料，雖然係馬拉盞炒，但唔算辣，我怕辣嘅都入到口，相信好多人都得。馬拉盞夠惹味，味道適中，唔會過鹹，通菜好嫰。軟殼蟹米紙卷 $68 / 6件很足料，包得漲卜卜，蔬菜好新鮮，淨食係會無乜味，所以跟左汁，只有少少鹹味，清清地，唔會搶走蔬菜嘅鮮味其他：*上菜快*坐位較逼，枱嘅空間亦有限，2個人叫左3個餸，已經無

之前聽朋友講坑口開左間食馬來同泰國菜既食店叫mee..lemongrass, 話佢地既喇沙好好食，咁今次就前來看過究竟~間店都算大間，門口裝修主要都是用綠啡既木條去整~連店名都有寫馬來喇沙呢幾隻字，真係非吃不可~見佢餐牌都幾多野食仲有好多特色飲品門口接待處仲有糖果給客人食d餐具好得意，碗入面有隻雞既圖案講番食物先，當日我同朋友叫左泰國豆奶紫米冰龍眼冰Mee...喇沙印尼炒飯馬拉盞炒通菜龍眼冰有好多龍眼肉，味道也不錯泰國豆奶紫米冰香濃豆奶味，啖啖紫米香，Mee.....喇炒奇待已久既Mee...喇炒終於出場嗱材料有大蝦，蜆肉，蟹柳，魚蛋，豆卜，雞蛋同魷魚，非常豐富而且賣相都相當吸引味道也沒有令我失望，真係好好食，食到香濃既椰奶喇沙味，佢d麵仲要係拉麵同米粉混埋一齊食，口感十足馬拉盞炒通菜通菜好爽口，不會炒到過熟味道香濃印尼炒飯這個賣相也不錯，雞肉串好食蛋都煎得唔錯，撈埋d飯食好香口，飯又炒得唔太油唯一有點美中不足的是蝦片不太脆口，如果脆口d就完美嗱叫到成枱都係野食，非常豐富整體服務不錯，食物也好吃，價錢都可以

今日放工後突然很懷念喇沙的味道，剛巧記得坑口附近開了一間馬來喇沙專門店，所以相約老公在坑口食晚飯。我們到達時只是七點，但已經要排隊等候了。以平日坑口區來說真的少見！餐廳名字很特別:Mee…lemongrass!枱上的餐紙也很特別，有齊分店位置的圖片，還有一個很可愛的公雞小碗！店內的裝修亦很趣緻，牆邊擺放了很多公雞裝飾，可能是由於這𥚃是海南雞專門店吧！剛巧店舖做推廣優惠，可以半價食到原隻龍蝦喇沙，所以二話不說就點了！湯碗超大，龍蝦亦很大，而且有很多膏呀！配上喇沙湯真的一流。串燒亦是另一推介，雖然$66四串好像有點貴，但味道確是物有所值！雞肉烤得香口，配上沙嗲汁更滋味。旁邊的鮮菠蘿亦很清甜開胃。下次可以試牛肉串燒。另外亦點了炸蝦餅和馬拉盞炒通菜。蝦餅$68有四大件，而且很彈牙，可說是超值之選！今晚真的很滿足啊，下一次會再來哦！

今天丁丁放工和我一起去坑口覓食，坑口餐廳眾多，豐儉由人，今次選擇了吃馬拉菜。晚上七時多到達，要等候入座。門口以木質條紋裝飾，餐廳裝潢富亞熱帶風情，木製桌椅配以簡約的吊燈，清新簡單。翻開餐牌，有各種各樣的馬拉菜式，例如馬拉盞炒菜、喇沙、炒米飯等，竟然連福建炒飯和印尼炒飯也有供應，果然是美食世界大同。⭐️馬拉盞炒通菜$62將通菜加上蝦米和配料炒香，嚐一口，通菜爽脆，配搭馬拉盞味道香辣惹味，令通菜味道更鮮濃。⭐️大蝦炒金邊粉$72金邊粉除了有兩隻蝦，還配上糖、香料、花生碎和青檸檬讓顧客自行添加。這道金邊粉炒得剛好，入口煙煙韌韌，濕度剛好，擠上幾滴檸檬，酸酸甜甜的，很開胃呢！⭐️香芒椰汁糯米飯$48賣相很可愛呢！以拖鞋造型呈現的芒果糯米飯，一件件糯米飯就像壽司，有食趣！送入口，芒果軟軟的帶點酸味，甜絲絲的椰汁中和了芒果的微酸，糯米飯雖然煙韌，但糯米飯飯粒瘦長，我較喜歡圓滾滾的米粒，吃起來更有嚼勁。⭐️泰國豆奶紅豆冰$38造型特別，在玻璃杯上架上一瓶豆奶。喝一口，其實是維他奶紅豆冰，味道較港式，並非馬拉味道，哈哈！▪️餐廳生意火旺，服務不俗，店員忙了但很有禮貌。上菜速度快，甚至出現甜品上得比主菜早的情況，

坑口真的多了很多新食店,今天再和老婆試新嘢,以為星期三不會多人,去到才發覺已經有不小人等著,等了半小時才有位,環境一般,地方比較緊迫,可能新開張,落單比較混亂,來錯幾次食物 (所以埋單一定要睇清楚),叫了新張優惠的龍蝦喇沙,真的很大碗,不大食兩個人剛剛好龍蝦比較普通,反而喇沙湯粉更好食,另外叫了蔗蝦和馬拉盞炒通菜,蔗蝦我個人覺得很好食,通菜就一般水準,另外因為我見很多人都叫了芒果沙冰,很大的一杯,我一個人都飲不完.整體感覺食物很不錯,如果有朋友來,我也會再帶他們去食.