八幡屋涮涮鍋 (已結業)

今日去開油塘個邊做嘢，搞到成6點幾先至收得工，順理成章同拍檔食埋晚餐，上去大本型美食廣場睇睇，行到尾搵到間日式火鍋店，二百零蚊位，又唔駛加一，就決定响度食啦！店內有日式和風佈置同拍檔揀咗中間個任食套餐，特選美國牛肉$248/位。揀咗湯底之後，出去睇吓有咩食，自助調料有多種選擇：炸蒜、蒜蓉、指天椒、辣椒粉、芫茜、蔥花、麻油、胡麻醬。蔬菜新鮮，選擇唔算多，好少見到雞蛋、即食麵凍櫃內有多種丸類，仲有新鮮菇類，有午餐肉呀剌身櫃食品要落單叫嘅，甜品種類選擇唔多，雪糕有幾種口味揀我哋揀咗骨膠原豬骨湯，上枱時，店員當面把一碗骨膠原放入湯內拍檔話牛肉好有牛味可惜呢期要戒牛，無褔消受豚肉片切得好薄，淥一陣就食得。肉味濃郁除咗自助區食品之外，其他食物及火鍋材料，需要手機下載飯糰程式，掃一吓單上的二維碼來下單。生蠔圓潤肥美，鮮味海蝦鮮甜美味蟶子細細隻好鮮味，又肥美東風螺同蜆都好鮮甜花膠仔同象拔蚌都正刺身夠鮮，特別係劍魚腩爽口有油香。海膽軍艦絕不能錯過，甘甜鮮美，好味蔬菜洗得夠乾淨，味道清甜燒菠蘿好特別，面有一層焦糖，好好味，追加咗2次天婦羅係新鮮熱辣炸出來，炸醬夠薄，南瓜係我至愛呢個香芋丸真係不能錯過，熱辣

今日見天氣好凍，自己一個人Lunch去咗打邊爐放縱一下。我揀咗最平嗰個火鍋放題，肉類方面有美國肥牛同兩種豬肉，而湯底我就揀咗骨膠原豬骨湯，汽水同其他蔬菜配料係自己出去任攞嘅。先講講個湯底，豬骨湯係奶白色嘅，有好濃嘅豬骨味，唔會太鹹，飲咗細細一啖，覺得好夠骨膠原。跟住就講下個美國肥牛，肉切得好薄，放落湯底好易熟，每set只係得幾片，所以好快食晒又要加單，肉嘅脂肪比較多，所以唔使咀嚼太耐，但牛嘅肉味就比較少啦。而美國黑豚片一樣切得好薄，咁樣烚熟咗食起上嚟反而唔會韌，脂肪比較少，幾有肉味。最後total食咗2碟牛、2碟豬再加其他蔬菜、丸同汽水就完結左我呢餐啦，非常之咁飽。

油塘大本型商場 food court 前排大裝修，裝修之後進駐咗好多新餐廳。最近天氣涼涼地，梗係去打返個邊爐。八幡屋涮涮鍋係其中一間新進駐嘅餐廳。放題分兩款: 火鍋放題 / 日式料理+火鍋放題 而價錢就視乎你食乜嘢牛肉，今次我哋揀咗日式料理+火鍋放題嘅澳洲和牛 $318/位 (星期一至四)湯底有8款選擇， 都算幾多~我哋揀咗骨膠原豬骨湯，清清地等緊湯底滾時，叫咗啲刺身食住先~我哋每款都有叫兩件試試，刺身都算新鮮，但有啲就仲未解得到凍。有醬料區，可自助混醬連湯底都好自助，唔夠可以自己拎一渣入去自己加。個餐包一碟澳洲和牛，而其他款嘅牛肉可以任叫。澳洲和牛味道較濃，特選美國牛肉比較有口感。海鮮方面有生蠔、蟶子、東風足夠螺、蜆、海蝦、墨魚滑同花膠仔。海鮮都幾新鮮，見到啲蜆仲識郁，蟶子同東風螺鮮甜。海蝦肉質彈牙而基本嘅丸類同菜類方面，可以自助形式去凍櫃度攞。飲品同甜品方面，亦都有另外一個凍櫃可以自取。燒物方面最推介係香芋丸同燒菠蘿。自己本身都好鍾意食香芋~呢度燒物同天婦羅仲要係即叫即整熱辣辣，燒菠蘿亦唔錯，有層薄薄嘅焦糖係菠蘿面，令菠蘿味道提升。天婦羅炸粉薄，熱辣辣唔錯。甜品仲有雪糕同雪條。