大滾友火鍋

营业中

休息中

適逢朋友生日，我哋成班friend就嚟咗呢度打邊爐同佢慶祝🔸豬套藏雞(胡椒豬肚雞湯鍋)湯底以雞件及豬肚熬製，加入胡椒更能突顯鮮味，湯底味道恰到好處，不會太濃或太辣🔸A4黑毛和牛牛胸腹和牛雪花分布平均，牛肉味香濃，食落口感嫩滑🔸大蜆蜆肉大大粒，新鮮清甜，亦沒有沙🔸鬼馬油炸鬼以墨魚滑釀入油炸鬼當中，上面部門蟹籽，味道很夾亦十分特別，淥一陣就食得，油炸鬼非常脆口🔸日本稻庭烏冬打邊爐又點少得食返個烏冬呢！

城市人難得入元朗，朋友即刻帶我去食好嘢。佢係咁推介呢間大滾友火鍋嘅湯底。呢度嘅湯底全部嘅名都好優美，豬肚藏雞其實就係胡椒豬肚雞湯鍋。胡椒嘅香味唔會太濃太辣，味道啱啱好，入面仲有雞件同豬肚，打邊爐之前記得要飲個湯先。A4黑毛和牛牛胸腹嘅油脂分布平均，每一片都有好靚嘅雪花紋，口感嫩滑之餘亦都有牛味。大蜆嘅size真係超大隻，而且隻隻新鮮又冇沙，味道鮮甜。鬼馬油炸鬼係將墨魚滑釀入油炸鬼，上面再鋪滿蟹籽，味道一流。依個湯底配油麥菜真係好夾，每條菜索哂胡椒豬肚湯，份外清甜。仲配埋呢度自家製嘅清熱菊花茶，打三個鐘頭邊爐都冇有怕。

Openrice訂枱有68折☺️作為元朗友，一早聽過大滾友呢個名裝修為宮廷風，入面夠晒闊落坐得幾舒服😌12點已經好多人排隊等入去，好誇張湯底方面揀咗椰子雞蕃薯蜆濃湯😊超好飲，感覺係用椰青做底，加入新鮮雞肉、蜆、椰子、粟米。材料份量十足，有半隻雞，成個鍋底都係大大粒蕃薯蜆，雞肉配蕃薯蜆令湯底極濃味道鮮甜。個煲底本身已經有好多配料，所以額外唔使嗌太多嘢食。非常推介鬼馬油炸鬼✨新鮮油炸鬼加上蝦膠，面頭仲有大量魚子，淥一陣就食得，油炸鬼仲有少少脆口，勁吸引。伊比利亞橡果豬，價錢幾抵食，切得比較薄所以食落肉質嫩滑，又香口。日本梅洒醉蜂巢豆腐非常特別，加咗少少梅酒去蜂巢豆腐，淥一陣拎返上嚟豆腐仲少少少酒香。大滾友肉丸拼盤✨ 5款肉丸各有兩粒，全部新鮮彈牙😎多肉汁，手打鵝肝墨汁墨魚丸，裏面真係有鵝肝，超級足料。手打蟹子鮮蝦丸咬開入面真係有隻蝦，大大粒好爽口。📍 大滾友火鍋 (元朗)元朗鳳攸南街9號好順利大廈一座地下G4-G5號舖

我發覺好似成個夏天都冇打過邊爐🤔🤔今日突然好想食就搵吓元朗嘅火鍋店同男友黎左呢間大滾友試下～(經OpenRice訂座仲有68折🤗)❤️小食蔗蝦 💰6️⃣8️⃣啱啱炸起熱辣辣😍蝦肉爽口，啲蔗咬落去都幾甜，估唔到火鍋店會搵到呢樣特色小食！🤭❤️麻辣鴨腎 💰4️⃣8️⃣辣度夠，非常惹味！要黎做開胃菜或者送啤酒都一流👍👍❤️椰子雞蕃薯蜆濃湯鍋 💰2️⃣9️⃣8️⃣鍋底超足料！一滾起就聞到勁香，飲落有蜆嘅鮮味又有椰子既清甜🤤雞肉嫩滑，蕃薯蜆鮮甜，淨係個湯底已經令人好滿足！🥰⭐️美濃水蓮 💰6️⃣8️⃣自從認識咗呢間台灣特色蔬菜之後就愛上了😍口感非常爽脆又唔會有渣～(不過個人認為都係炒出嚟有味啲好食啲😂)❤️竹笙 💰6️⃣8️⃣一樣好索湯底嘅食材😍個湯底咁好飲，唔使講都知好好食！🤤🤤❤️萵筍 💰3️⃣8️⃣口感爽脆，係一樣無論涼拌定係火鍋我都好鍾意嘅食材😋⭐️鬼馬油炸鬼 💰6️⃣8️⃣以前喺火鍋店食嘅都係小食，今次呢個因為裡面既肉係生既所以要掉落鍋度煮一煮，油炸鬼煮完變咗煙韌嘅口感～我都係比較鍾意脆卜卜既口感多啲😂呢間嘅湯底絕對係我食過嘅火鍋店三甲之內，絕對會encore！！💯

發現元朗有好嘢食，當然要約埋女朋友們一齊來試下，感覺同之前滾得囍好似，裝修古典風味，吸取上次點菜既經驗，今次都先喺openrice取經，睇下推介先點菜，侍應都好積極推介活魚刺身，海鮮拼盤，不過我哋唔想食海鮮，番茄濃湯豬軟骨鍋，又名朝三暮四，點解我都唔明，不過佢的菜都有名堂，好搞笑，上枱就冒曬煙，搞下綽頭，湯底真係好濃郁，我哋飲咗好多湯，不過之後唔係加番茄濃湯就無咁濃郁了，龍頭鍋一模一樣，好霸氣，不過呢個中間有個鍋仔，其實唔明咩用意，如果整雙拼鍋就正啦！口我哋3個女人樣樣都想試，所以就點咗牛肉拼盤，鬼馬油炸鬼，侍應話我哋聽蟹子蝦滑嗰面放落湯，油炸鬼浮面，食既時候油炸鬼仲有少少脆，好有創意，餃子拼盤，我只食咗2隻，韮菜餃子好味但一般，黑松露蟹肉餃就唔一樣了，齋名就贏咗9條街，好香既黑松露味又不失蟹肉鮮味，贏呀⋯⋯朋友再點新鮮聖子，佢有點失望咁細隻，哈哈呢個價錢係咁上下啦！不過真係好新鮮，但無咩肉食囉⋯⋯即炸魚皮，真係熱辣辣，好酥，當然價錢都唔平啦！三個女人一齊去滾，當然要食好d啦！最衰限時有點唔夠盡情⋯⋯