增煇大排檔 & 增煇藝廚

营业中

休息中

今日同同事Happy Friday gathering，去左大排檔叫左幾個小菜，開左幾枝啤酒，感覺都幾麻甩少女組。整體上抵食，同埋又唔趕人走，岩哂我地傾下計啤下。好驚會有腥味，但食落就完全唔覺，配埋d蛋同油炸鬼食會更佳。九肚魚炸到連骨都可以食埋，好香口，唔錯，配啤酒一流。睇到‘孜’字都唔多識讀，但呢個豬串骨好值得推介，燒得好淋，完全唔乾身。油條釀上墨魚膠，係小店必食，油炸鬼又脆又彈牙。胡椒豬肚夠辣，但花甲偏細。

年初五約老友食晚飯，老友提議食過多次的增輝大排檔，我是第一次到。晚上七點半共兩人到達，無訂位也可即時入座，增輝有室內店舖係門外圓檯，我們選了門外因可吸煙。街邊仍有大排檔炒菜十分有特色，看看餐牌，有蔡瀾推介，點了：1. 金銀蒜安格斯牛粒 - 蒜片大大片牛粒份量亦不小，牛粒入口略嫌美極味太濃偏鹹但夠稔，蒜片炒得很好味。2. 椒鹹腰果雞軟骨 - 很多蒜蓉鋪面，腰果香脆，雞軟骨亦不太硬夠入味，充滿蒜香，送酒一流好味。3. 鬼馬脆油條 - 很有特色的一道菜，用油炸鬼包著蝦膠炸，油炸鬼卜卜脆，蝦膠彈牙，非常特別。4. 冰鎮豬腳仔 - 很細隻的豬腳，入口軟硬適中有口感，豬腳亦夠入味，好吃。另外叫了多支啤酒。增輝整體水準保大排檔風味，小菜亦做得不錯，值得一試，下次叫多些朋友一起可以試更多款式。

因為一個朋友o既介紹所以第一次o黎呢度食~我o地只係得兩個人只係叫o左2個餸 -鬼馬脆油條 - 將o的蝦膠釀入去油炸鬼入面好食, 外脆內彈牙~　　　　　 但係因為我o地得2個人, 炸o野食得多又好漏~ 最後四分一要打包胡椒豬肚浸花甲 - o的花甲大隻得o黎好新鮮好好味~　　　　　　　 胡椒豬肚又淋又入味, 個湯亦都好好飲~ 下次一定再叫~我o地見佢仲有好多選擇, 但係因為已經好飽啦~ 下次一定要多o的人一齊去食, 可以試多幾款~