BIG MAMA

营业中

休息中

韓國街又多咗一間地道韓國菜😇仲係由多位韓國媽媽主理 感覺親切 有家庭式韓國菜嘅感覺豬肉菜包飯 $150見每台都有叫呢個😆而且姨姨大力推介果然好食😋豬肉炒得好香 好惹味 少少辣好開胃 份量都好多 另外有一碟蔬菜 有生菜、沙律菜、紫蘇葉 可以比你包住啲肉同飯嚟食 另外有一碗麵豉醬 白飯 不過就咁食豬肉生菜包其實已經好飽😆—辣炒年糕 $70 紫菜包飯 $60 魚板串 $15 另外叫咗呢啲地道必食韓國菜 炒年糕唔算好辣 味道甜甜地 有魚糕、蔬菜 年糕都好煙韌 紫菜卷都係比較家庭式 配搭簡單 魚糕串都好入味 連湯飲暖笠笠

以前嚟都仲有賣韓國雜貨零食同堂食，而家直頭變埋餐廳～ 有啲懷念之前可以堂食完再買啲零食返去🥹以前好鐘意個水冷麵～所以今次都叫咗嚟食✨但係今次就偏甜少少 要加返啲醋先夠酸個韓式牛肋湯嘅湯配飯好正 啲肉夠曬淋～ 辣炒年糕味道冇變～對我嚟講依然好辣（唔食得辣嘅我🤣）佢嘅魚糕好好味 所以就算辣都會食至於個魚板串 一串咁拎住食好爽🤤 放落啲牛肋湯度食都正 

韓籍媽媽的家常菜，社交平台會不時開團賣自家製醃物🇰🇷尖沙咀亦有實體店，可以堂食內部格局都勁似韓國當地餐廳先來四款前菜: 大豆芽菜、泡菜、薯仔、茄子🍆▶️ 海藻海鮮刀削麵 Seaweed fulvescens seafood noodle soup ($99)刀削麵有別於中式扁身嗰隻，咬落非常煙靭有嚼口😋海藻唔係紫菜，滑潺潺混入麵條中面頭唔少海鮮🦪有蜆肉、青口、海蝦不過因為雪藏貨，欠缺海鮮鮮甜味整體味道清淡，建議配前菜一齊食▶️ 鐵板牛仔骨 Beef la short rib ($179)份量相當多，肉多少骨牛肉薄切🐂 唔會難咬帶適量肥肉，肉質唔韌用韓式牛肉醬調味啱啱好，唔會蓋過原先牛肉鮮味 (正所謂牛有牛味)本身無跟白飯，跟飯食應該好夾🍚▶️ 魚板串 Korean fish cake ($15/串)好似日本啲關東煮咁，成串上旁邊配有魚露，點咗好食好多-味道相當正宗，個刀削麵比較特別服務唔錯，幾有禮貌唯一唔方便係要俾現金😅環境幾空曠，入面多座位價錢合理，勝在份量足Lunch time中小學生有八折優惠！星期六午市至茶市不停有客幫襯，算旺場～